تفضل أخي الكريم الشرح المبسط للبرنامج دا
كلمة
libusb
إختصار لكلمة library usb
أي مكتبة اليو اس بي
والبرنامج دا وظيفته أخي انه بيمكنك من إستخدام العديد من اليو اس بي دون الحاجة الي كتابة سطور برمجية
يعني بالبلدي البرنامج دا بيهسل عليك إستخدام اليو اس بي بطريقة أوسع ومن غير مشاكل يعني تقدر تسخدم كذا تعريف علي اليو اس بي الواحد يعني ممكن علي نفي اليو اس بي توصل بوكس التربو ودونجل المكس وبوكس التورنادو وما الي ذلك وساعتها مش هيحصل اي كونفلكت في اي تعريف من التعريفات دي مع بعض
أما بالنسبة لإستخدام البرنامج علي حسب الويندوز اللي عندك
لو عندك ويندوز اكس بي xp
هتستخدم الفيرجن دا
0.1.12.2
ولو عندك ويندوز سفن seven 7
هتستخدم الفيرجن دا
1.2.0.0
وبالنسبة للفيرجن الاخير اللي هوا
1.2.6.0
دا يفضل تستخدمه علي الاكس بي XP
علما بإني عاوز أعرفك إنك لو استخدمت الفيرجن الخاص بالاكس بي علي ويندوز سفن هيعمل معاك مشاكل بالتعريفات بالويندوز ودي حصلت معي مسبقا وكان الحل انك تشيل تسطيب البرنامج وتسطب الفيرجن السليم
أما بالنسبة لتنزيل اخر اصدارات للبرنامج من الموقع الخاص بيه
من هنا
GEM-FLASH
أما بالنسبة لتسطيب البرنامج وإستخدامه فهو سهل جدا
بداية هتشيل اي يو اس بي متوصل علي الكمبيوتر
بعد كدا تسطب البرنامج طبعا بتسطبه من اي بارتشن مش من الفلاشة او كارت الميموري لازم من الهارد نفسه
بعد تسطيب البرنامج واتباع الاعدادات الخاصة بيه
هتدخل علي قائمة ستارت START
وتختار الاختيار دا من فولدر البرنامج testlibusb-win.exe
والبرنامج دا بيقوم بعمل تسيت لمخارج اليو اس بي والبورتات الخاصة بيها وبيقوم بعمل لوج للبرنامج وحفظه بحيث ان الاعدادات تبقي محفوظه فيه واي اعدادات جديده بتضاف عليه اتوماتيك.
وطبعا البرنامج يعمل اتوماتيكيا مع نفسه يعني انت مش محتاج انك تعدل فيه اي شئ هوا بيظبط اعدادات اليو اس بي اتوماتيك
والتعديل الوحيد اللي ممكن تعمله في البرنامج انك تشيل تعريف معين من جذوره من خلال البرنامج.
بالتوفيق أخي الكريم ولو أي إستفسار كلنا موجودين معاك باذن الله.
المفضلات