.gif)
...::-::... اخويا نازل وف ايده علم ...::-::...
أخويا نازل ماسك علمه
رايح الماتش وكان مبسوط
فجأه اتقلب الحال لسكوت
قريت أخبار
ده فيه ناس بتموت؟؟
قلت أكيد قنوات اشاعات
فتحت موبايلى لقيت رنات
كلمته مره
كلمته التانية
انسان غريب رد عليا
أقوله ميـــن
يقولى الفاتحة
أخوك مــات
بتقول ايه
بلاش تهريج
ادينى أخويا أبوس ايديك
أصوات كتيـــر
زعيق و صريــخ
أخويا راح
والله بــريــئ
مصرى ده
ولا احنا يهود
أخويا نزل
و رجع فى تابــــوت
رسالة ليكي قبل ما ماموت
هبدا كلامي بكلمة ليكي
مش عايز اشوف دمعة ف عنيكي
وانا راجعللك ملفوف ف كفني
ادعي و خديني ما بين ايديكي
قولي لابويا حقو عليا
كان نفسي احقق املو فيا
والله يا اما كان غصب عني
وربنا شاهد عليا
قولي لاخويا اخوك شهيد
ومتنكسرش خليك سعيد
اخوك ف جنة رب العباد
يعني قريب مش بعيد
قولي لحبيبتي هتوحشيني
يا كل عمري وضي عيني
عيشي حياتك وافرحي
عشان ف قبري تريحيني
اما صحابي ف دول قوليلهم
روحي معاهم ومش هسيبهم
مش هيشوفوني تاني يا امي
بس انا هكون شايفهم
اخر كلامي هقولو ليكي
ياللي ربنا قال عليكي
انك انتي الجنة تحتك
كان نفسي اعيش خدام عنيكي
رد مع اقتباس
رد: ...::-::... اخويا نازل وف ايده علم ...::-::...
المشاركة الأصلية كتبت بواسطة اسامه66766
المفضلات