هل ممكن أن تحب شخص معك في المنتدى ؟؟؟

**GHOST** · 09-09-2008, 01:27 AM

هل ممكن أن تحب شخص معك في المنتدى أو المسنجر أو الشات أو تتحدث معه عبر الهاتف فقط

طبعاً الكلام شامل معنى "الحب في الله" و الحب تحكمه مشاعر لا تعتمد على الرؤية بالغالب

وإنما تحب الشخص لشخصه فقط لا لشكله ومن جهة أخرى فالحب نبض ومشاعر يكتمل بالنظر ويبقى الحب أحساس
ماهو نظرة..

وهناك اختلاف بين الحب في الله لشخص .. مثلا أحب شخصيه فلان من مشاركاته .. أحب أسلووب فلان في الرد .. هذا الحب اي احب شخص لشيء ألتمسته منه من خلال تعاملي.. ولكن هناك حب من نوع أخر تحب شخص وتتعلق به لحد جنون ويصير شخص مهم في حياتك صعب أن تبتعد عنه من هذه الأمور..

سؤال ودا عايز أعرف جوابه من الاعضاء .. هل تتفقو معي أن محادثات الماسنجر أو التلفون تكفي كي نحب الشخص أو تؤيد أن النت عباره عن مقالب وصدمات في الاشخاص فهو عالم خفي ؟؟

:::::: أنــتـــظــر آرائـكـم وردودكـم ::::::

**Jine** · 09-09-2008, 04:17 PM

وإنما تحب الشخص لشخصه فقط لا لشكله ومن جهة أخرى فالحب نبض ومشاعر يكتمل بالنظر ويبقى الحب أحساس
ماهو نظرة..

الله ينور عليك يا غالي بلفعل كلام جميل جداً والله

**mohamedmizo** · 09-09-2008, 04:49 PM

بص يا سمعة مش دايما دة بيكون حقيقة انك تحب شخص من التليفون او الشات انما الاكيد لو مكتوبلك انك تحبة

هتحبة بأى شكل من الاشكال

وشكرا يا حبى على الموضوع لان دنة فعلا موضوع موجود بيننا اليومين دول

**GHOST** · 09-09-2008, 09:06 PM

مشكور حبيبي جهاد لمرورك ومشكور يا ميزو

ايه يا جماعه مفيش حد عايز يقول رايه غير جهاد وميزو بس

منتظر ردودكم يا شباب

**~~-»G•h•a•z•L«-~~** · 09-09-2008, 11:19 PM

القلب لما يدق بخفقات الحب

ما راح يستنى رأيك

هل يحب او لا!

انا ممكن احب شخص ع النت

يسلموا اسماعيل ع الموضوع

**القلب الأبيض** · 09-09-2008, 11:42 PM

اخى اسماعيل

اللصداقه ممكنه عن طريق النت

لكن الحب وده فى راى مش موجودعن طريق النت

لإن كل واحدأو بلاش نقول الكل ممكن نقول أغلبية اناس اللى بيتكلموا على النت

بيحاولوا يرسموا لنفسهم الصورة اللى كانوا يتمنوا إنهم يكونوا عليها فى الحقيقة

يعنى كأنك بتكلم واحد وبينك وبينه ستارة تقيلة جدا فبتحجب حقيقته عنك

مبتسمعش غير صوته أو كتابته لكن حقيقته غير معروفة

يسلمووووووووو على الطرح المتميز

**وائل النجار** · 10-09-2008, 12:05 AM

شكرا ياسمعة على الموضوع الجميل وانا شخصيا هربت أول ما شفت الموضوع مبارح

عشان حساس أوي

نجي للمفيد الحب عبر الهاتف او انت أو أو....من ما شابه يعتمت 100% على الأشخاص ذاتهم مش على الطريقة

وعندي ليك خبر بخصوص موضوعك عندي إبن عمي إتجوز من يجي 6 شهور من وحدة عرفها من النت إيه رأيك

المعنى واضح الفكرة تعود للأصل يعني للأشخاص نفسهم لو هم بتاع كلام وتقطيع وقت راح يكون النتيجة كلام وتقطيع وقت

ولو هدفهم الحب الدائم والإرتباط إن ربنا سهل هيكونوا لبعض

وممكن يكون برضوا صداقة أقوى بكتير من صديق موجود جنبك

ومن الأخر المحادثات على المسنجر والتلفون ممكن جدا توصل لحالة إجابية أوا لحالة سلبية حسب الأاشخاااااص

ودمتم بخير .... :up:

**HITMAN_GEM** · 10-09-2008, 12:17 AM

الحب احيانا بيعتمد عالشخصيه
لكن للاسف ممكن تكون الشخصيه مزيفه عالنت
وممكن تكون حقيقيه
بس للاسف الحب لازم يعتمد برضه عالشكل والهيئه والنظام والتعامل وكل حاجه
الانسان عشان يحب حد مش بيحبه مره واحده
مش هيلا بيلا هيا
لا الانسان بيعجب الاول بعدين بيبدا يحب حاجات في الانسان دا
بعدين لما بيقرب منه اكتر بيحب كل حاجه فيه لانه خلاص وصل لمرحله معينه انه عايز يملك الانسان دا يملك قلبه مشاعره حبه ليه كل شئ فيه

بس بصراحه انا بالنسبه ليا عمري ما حبيت ولا هحب حد عن طريق النت
وزي مابيقولو(قصة حب واحده تكفي لصدمه او لمعجزه)

**GhArOmA** · 10-09-2008, 12:51 AM

الحب عن طريق النت
موضوع كبير جدا جدا بجد
بس انا عن نفسى بعتبر النت زيه زى اى وسيلة اتصال او تعارف
يعنى زيه زى مثلا لو قابلت انسان ف الشغل واعجبنا ببعض وارتبطنا
الفرق بين الاتنين ان من النت مش هشوفه بسهولة
لكن لو الانسان فعلا واخدها جد ربنا هيكرمه حتى لو اتعرفوا عن طريق القسم
هههههههههههههههه
وانا نفسى شوفت برضه ناس ارتبطوا واتجوزوا عن طريق النت
بس المهم انه الانسان يكون مراعى ربنا ف كل خطوة بيخطيها
وميخدهاش كذب وتسليه عشان
كما تدين تدان واللى بيتعمل بيترد ومفيش حاجة بتتنسى
غير كدة يبقى ربنا يبارك ومفيش مشكلة من حب وارتباط النت