والله انا خلاص زهقت من موضوع تحقيق مطالب الثوار ؟؟
اولا : مين هم الثوار ؟؟ انا مش عارف هم ال فى التحرير ولا ال فى ماسبيرو ولا ال فى مجلس الوزراء ولا ال بيولعوا فى المنشأت العامه ولا الناس المحترمه ال قاعده مش لقيه رغيف عيش تتعشه بيه ومش فارقه معاهم رئيس وزراء ولا حتى رئيس جمهوريه ؟؟؟
ثانيا : ايه هى المطالب ؟؟؟ كل واحد عايز ياخد نصيبه ناشف على رأى نور الشريف فى فليم العار ؟؟ ال عايز يبقى وزير وال عايز يبقى رئيس وزراء وال عايز يبقى رئيس جمهوريه ؟؟ اما كدا واما اولعها نار ومليش دعوة انا عايز حقى ؟؟؟
ثالثا : وده الاهم ان 85 % من الشعب مش فارق معاه مين يبقى رئيس ومين يبقى غفير المهم انه يلاقى رغيف عيش نظيف يأكله ومستشفى محترمه يتعالج فيها ومدرسه كويسه يعلم ابناءه فيها ؟؟؟؟ اما ال 15 % الباقين هم دول ال عايزين يأخدوا حقهم ناشف ومشفى ؟؟؟
هو ده حال البلد وحال الناس فى الاقاليم ( على فكرة انا من قريه جنب طنطا ) وبنقل لك نضب الشارع مش بتكلم عنهم ؟؟؟؟
وكل عام وانتم و 25 يناير بألف خير وسلامه ؟؟؟
المفضلات