صاحبى سافر ساب بلد
الحلم فيها بيتجلد
صاحبى سافر و الكلام صعب يوصف
حزن فى القلب إتولد
دموع فى سلام الوداع
و إنتظار اول أجازة
بدعى ربى يحفظى
وغيابه مايطول عن بلد
صاحبى سابنى عشان يأس
يشوف فى بلده حلمه واقع
صاحبى عازره وحاسسه بيه
وقراره من حق الدوافع
صاحبى ومش أى صاحب
كنز من رب العباد
كرمنى بيه فى دنيتى
بحب طافى على الفؤاد
مش قادر غير إنى أدعيله
ربنا يحميك فى الغياب
ربنا يرعاك ليل ونهار
يا أغلى من كلمة صحاب
الشعر عاجز اوزنه
ولا هاممنى ظبط قافية
أنا أصلا مش بكتبه
دا صوت دموع جوايا طافية
أنا نفسى أشوفه أحسن ناس
بس بعده بجد صعب
ترجعلى بألف ميت سلامة
وتطمن خوف فى قلبى رعب
من اى حد يسعى لأذاك
إوعاك تحب الغربة ياض
إوعاك تنسى وطنك تكابر
أدينى مستيك ترد
وعلى الفراق هظل صابر
يارب صبر قلبى دايما
على بعد صاحبى ال سافر
صاحبى سافر ...........
المفضلات