للى بيسأل هم نزلوا التحرير ليه ؟؟؟؟؟؟؟

[3llam]

للى بيسأل هم نزلوا التحرير ليه ؟؟؟؟؟؟؟




لما تقوللي مفيش أمن بعد 9 شهور....رغم المليارات اللى إتصرفت على الشرطة ...يبقى في حاجة غلط


لما تقوللي إن الفوضى هتستمر لحد شهر 5 / 2013 موعد إنتخاب الرئيس ... يبقي فيه حاجة غلط


لما تقوللي إن لحد النهاردة مفيش و لا جنيه رجع من فلوسنا اللي عند الحرامية ...يبقي فيه حاجة غلط


لما تقوللي إن أسبانيا أخدت من حسين سالم 32,5 مليون يورو ومباني بقيمة 10 مليون يورو و احنا مشوفناش منه مليم من فلوسنا اللي سرقها .......... يبقي فيه حاجة غلط


لما تقوللي إن خزينة الدولة مفيهاش فلوس لتحقيق مطالب المواطنين مع إن في مصر ألاف الموظفين بيقبض الواحد منهم فوق المليون جنيه شهريا و ومساعدينهم بيقبضوا مئات الآلاف في الشهر .... و كمان رجال الأعمال عليهم مليارات الجنيهات ضرائب للدولة .... يبقي فيه حاجة غلط


لما تقوللي إن أحد فلول الحزب الوطني هدد بعزل الصعيد و قطع الكهرباء عن مصر لو تم منعهم من الترشيح لمجلس الشعب و محدش حتي رد عليه ................يبقي فيه حاجة غلط

لما تقوللي إن كل الناس اللي بتعارض خونة و عملاء و مأجورين من غير حكم واحد قضائي يقول كده .... و لا حتي تحقيق ................ يبقي فيه حاجة غلط


لما تقوللي إن فيه مؤامرات داخلية و خارجية علي البلد و ترمي اتهامات يمين وشمال من غير ما تكشف أشخاص و لا مؤامرة و أنت عندك أمن وطني و مخابرات و جيش ............ يبقي فيه حاجة غلط

لما تقوللي إن المشير و عمر سليمان و العيسوي شهدوا في المحكمة ببراءة مبارك من كل التهم رغم إن البيان رقم 52 للقوات المسلحة قال رفضنا أوامر بإطلاق النار علي المتظاهرين .....يبقي فيه حاجة غلط


لما تقوللي إن الثوار بيتحاكموا عسكري و مبارك قاعد في مستشفي 7 نجوم .ونائب رئيس الشرطة العسكرية بيضرب تعظيم سلام للعادلي في المحكمة ........ يبقي فيه حاجة غلط


لما تقوللي إن تونس انتخبت لجنة تأسيسية لوضع دستور جديد و تشكيل حكومة انتقالية و مصر لسة بتعمل مجلس شعب هاينتخب لجنة تأسيسية لوضع دستور بعد سنة .. ومش هيشكل حكومة .. يبقي فيه حاجة غلط


لما تقوللي المشير مش طمعان في الحكم و تلاقي حملة لترشيحه للرئاسة.. يبقي فيه حاجة غلط


لما تقوللي إن المجلس العسكري بيعد وثيقة مباديء فوق دستورية تجعل منه قوة فوق المحاسبة و فوق الشعب و الحكومة و تجعل منه دولة داخل الدولة .........يبقي فيه حاجة غلط



كفايه كدا ولا عاوزين كماااااااااااااااااان

[احمد مشعل]

مابني علي باطل فهو باطل
اكيد كل حاجة غلط
حسبي الله ونعم الوكيل .

[محمد السيد.]

اكيد فيه حاجة غلط
حسبي الله ونعم الوكيل .

[محمود زكى]

كل تلك المعانى تهدف إلى غرض واحد حب النفس والمصلحة الشخصية عاجلا وأجلا

لكن لو كان فى حد بيفكر لصالح البلد حتى لو على حساب نفسه ولا يهمه مسميات ومناصب ومال

ويعلم أن الدنيا إلى زوال لوجدت كل شئ يسير فى مجراه الصحيح بدون أى تدخل من أى أحد

[ahmedhessin2]

مابني علي باطل فهو باطل
اكيد كل حاجة غلط
حسبي الله ونعم الوكيل

[alifahad1]

عندنا في اليمن او في مصر عندكم روسائنا يتفصلوا على مقاس الغر ب ومصالحهم وللاسف نحن ازلنا اشخاص وليس هيمنه استعماريه مازالت جاثمه شئنا ام ابينا وكل الذي يحصل ومازال يحصل مهزله وضحك على الشعوب .هل يعقل ان رئيس قتل وسرق وظلم واستبد يحصل على حصانه دوليه وعربيه ومحليه ان لم يكن عميل للغرب ورئيس قاعد في محاكمه هزليه لن ينتج عنها اي شئ وووووو...

[Salah Sharaf]

محور الخلاف الاساسى
دوله دينيه ..اخوان وسلفيين والجماعه الاسلاميه
دوله مدنيه ديمقراطيه ..سائر الشعب والليبراليين
ورتب على ذلك جميع الازمات والاختلافات التى تمر بها البلاد وعدم الاسراع فى بناء واصلاح نظام ديمقراطى واقتصادى وسياسى