.gif)
( فى حاجه غلط )
( فى حاجه غلط )
..
* لما تقوللى مفيش أمن بعد 9 شهور .. رغم المليارات اللى اتصرفت على الشرطه ... يبقى فى حاجه غلط .
* لما تقوللى إن الفوضى هتستمر حتى منتصف 2013 ( موعد انتخابات الرئاسه ) .....يبقى فى حاجه غلط
* لما تقوللى إن لحد النهارده مفيش ولا جنيه رجع من فلوسنا اللى عند الحراميه .... يبقى فى حاجه غلط.
* لما تقوللى ان اسبانيا أخدت من حسين سالم 23.5 مليون يورو ومبانى بقيمة 10 مليون يورو .... يبقى فى حاجه غلط.
* لما تقوللى إن خزينة الدوله مفيهاش فلوس لتحقيق مطالب المواطنين بالرغم من أن هناك ألاف المواطنين فوق المليون جنيه شهريا ومساعدينهم بيقبضوا مئات الالاف شهريا وكمان رجال الاعمال عليهم 100 مليار ضرائب للدوله .... يبقى فى حاجه غلط
* لما تقوللى ان احد فلول الحزب الواطى هدد بعزل الصعيد وقطع الكهرباء عن مصر لو تم منعهم من الترشح لمجلس الشعب وماحدش رد عليه .....يبقى فى حاجه غلط .
* لما تقوللى إن كل الناس اللى بتعارض ( خونه وعملاء ومأجورين ) من غير حكم قضائى واحد يقول كده .... يبقى فى حاجه غلط .
* لما تقوللى ان فى مؤامرات داخليه وخارجيه على البلد وترمى اتهامات يمين وشمال من غير ما تكشف اشخاص ولا مؤامره وانت عندك أمن وطنى ومخابرات وجيش .... يبقى فى حاجه غلط.
* لما تقوللى أن المشير وعمر سليمان والعيسوى شهدوا فى المحكمه ببراءة مبارك من كل التهم بالرغم من ان البيان 52 للقوات المسلحه قال رفضنا أوامر بإطلاق النار على المتظاهرين .... يبقى فى حاجه غلط .
* لما تقوللى ان الثوار بيتحاكمو محاكمات عسكريه ومبارك قاعد فى مستشفى 7 نجوم ونائب رئيس الشرطه العسكريه بيضرب تعظيم سلام لحبيب العادلى فى السجن .... يبقى فى حاجه غلط.
* لما تقوللى إن تونس بتنتخب لجنه تأسيسيه لوضع دستور جديد وتشكيل حكومه انتقاليه ومصر بتعمل مجلس شعب هينتخب لجنه تأسيسيه لوضع دستور جديد بعد سنه ومش هيشكل حكومه .... يبقى فى حاجه غلط .
لما تقوللى المشير مش طمعان فى الحكم .. وتلاقى حمله لترشيحه للرئاسه ... يبقى فى حاجه غلط.
.
.
.
* لما يسألك ابنك : ليه يا بابا سيبت الثوره تضيع سنة 2011 ؟؟؟؟؟ وما عملتش المستحيل عشان مستقبلى يبقى افضل ؟؟.... وما تقدرش ترد عليه .... يبقى فى مليون غلط .
...
...
طيب أيه الحل ؟؟ نتمسك برئيس مدنى منتخب من الشعب قبل ابريل 2012 لأن الفتره اللى كانت محدده لتسليم السلطه انتهت من زمان .
...
الاستقرار مش إن الجيش يحكم ... لو الجيش حكم من هيحمى الحدود ؟؟؟؟!!!!!!!
المفضلات