انقل لكم بعض مما قاله أحد اعضاء تنسيقية الثورة السورية في مدينة حمص (عاصمة الثورة)
ومش عايز بعد كده حد يعتب أو يستغرب تصرفات الموالين لبشار ( المنحبكجية )
::
شفت اليوم فيديو من كلية الطب بجامعة العاصمة الحبيبة
الأحرار و الحرائر عم يهفتو حرية حرية
و المنحبكجية عم يهتفو طز فيكي حرية!!
البعض استغربو .. بس أنا ما استغربت
لإنو المنحبكجي:
* بيشوف رسوم(الاجور) الموبايل رخيصة و متل الفجل و الانترنت متوفر للجميع بسرعة نارية
*بيشوف جامعاتنا ممتازة و أحسن من هارفرد و إكسفورد
*بيشوف المدارس نموزجية و سبقنا اليابان إلا شوي
*بيشوف السيارات رخيصة و رسوم الرفاهية محقة
*بيشوف الشرطي بس ما بيشوفو عم يرتشي
*بيشوف الموظف بس ما بينتبه ع الفساد
*بيشوف الشوارع مخروبة منشان خط مي واحد بيقول الحق ع المواطن
*بيجرب الغلاء و بيشوف ارتفاع الأسعار و بفكر البشرية متآمرين علينا
*بيشوف الناس عم تهج من البلد و بيستغرب ليش!!
*بيشوف آبار النفط عنا و ما بيسأل ليش البانزين و الماظوط عم يغلو أكتر و أكتر
*بيشوف كل منتخباتنا الرياضية عم تتبهدل من ورا الفساد بيقول كسبنا شرف المشاركة و التعويض بالقادمات
*بيشوف البلد بآخر كل ترتيب عالمي إلا بالفساد و الرشوى و بيشوف البلد عم ترجع لورا بيقول أهم شي الأمن و الأمان
*بيشوف دبي صارت أعجوبة عالمية بـ 11 سنة و بيقول عطو الرئيس فرصة كمان
*بيعرف إنو إيران هيي الحليف الوحيد للنظام و بيقول بدنا ندمر و بدنا نعمل و بدنا نزلزل
*بيشوف مظاهرة سلمية و بيتخيل إنا مسلحة و إرهابية
*بيسمع أصوات تكبير بيقول إخونجية و سلفية و متشددين و تكفيريين
*بيشوف الجولان محتل من أربعين سنة و بيصدق الممانعة و المقاومة
*بيشوف الدبابات بالشارع و بيقول ما في تواجد عسكري
بيشوف كل هالبلاوي و بيصدق إنو البلد بخير
ما لإنو أعمى أو ضعيف نظر
لإنو عبد .. و ما في غير العبد الراضخ و المستسلم بيسمع كلمة (حرية)
بيهتف (طز فيكي حرية)
المفضلات