(( نفسك تقول ايه لربنا ))
(( نفسك تقول ايه لربنا ))
يمكن الحكاية جديدة علينا أو مختلفة شوية
بس لازم على طول نكلم ربنا سبحانه وتعالى
اكيد طبعاً على قدره سبحانه وتعالى
ولو إن احنا مهما عملنا مش هنعرف
بس فى الموضوع دا هنكلمه بلغتنا
بالعامية مهو مش لازم نكلمه وندعيه بالفصحى
واحد زيى ميعرفش هيعمل إيه يعنى ميدعيش !
فاكرين الأعرابى لما قال للرسول عليه الصلاة والسلام
أصل انا مبعرفش أقول زيكم بقول يارب الجنة وبلاش النار
الرسول عليه الصلاة والسلام قاله حواليها بنتكلم
طيب هنكلم ربنا إزاى وهنقوله إيه
قوله الحمد لله إن أنا فى صحة وستر ومحدش غيرك يارب بدعيه
قوله شكراً يارب إنك كل شوية تبعتلى أسباب علشان أبقى كويس
قوله سامحنى يارب على حاجات كتير عملتها وانت عارفها أكتر منى
قوله نجحنى ووفقنى فى حياتى واجعلنى سبب لنصرة الإسلام ومساعدة الناس
قوله وسع عليا واكرمنى ونفسى أبقى سبب علشان أفك ضيقة أى مسلم
قولنا على موقف حصلك فى يومك أو من زمان حسيت فيه بصفة من صفات ربنا
مثلاً كنت هتقع تتكسر مرة بس ربنا ستر وعلى آخر لحظة أخدت بالك
مثلاً عملت حادثة بس طلعت خفيفة وخرجت سليم
مثلاً حد زعلك وسامحته علشان ربنا وأكرمك بعدها
هنكلمه على طول .. أصل إحنا ملناش غيره
الموضوع مستمر إن شاء الله
(( نفسك تقول ايه لربنا ))
ونفسك تحكيلنا إيه حصلك علشان نحس معاك بصفات ربنا
ونقرب منه أكتر ؟
للأمانه الموضوع منقول ولكنه عجبني حبيت نحي جميعا بيه وشكرا أخواني
رد مع اقتباس
.gif)
المشاركة الأصلية كتبت بواسطة 3llam™
.gif)
المفضلات