لفتره الاخيره وبالتحديد بعد خروج فك شفره الايفون 3G 3Gs baseband 6.15
بدء ظهور بعض المشاكل فى الهاتف ونذكر منها الاتى
1- البطاريه بتخلص بسرعه جدا
2- وجود سخونه فى الهاتف
3- خاصيه ال GPS لا تعمل فى اهاتف اصدار 4.2.1
اليوم ان شاء الله هانكلم على حل اول مشكلتين وهم
1- البطاريه بتخلص بسرعه
2- وجود سخونه بسيطه فى الهاتف
وان شاء الله بكره نكلم على الموضوع الاخير الخاص بخاصيه ال gps وخطوات علاجها تفصيلى بالصور
اولا : شرح سبب المشكله
المشكله الى بتحصل فى التليفون بتبدا تظهر بعد فك شفره الهاتف من خالا ال wifi والتعامل مع ultrasnow 1.2
ولكن المشكله مش سببها عمليه فك الشفره نفسها ولكن سبب المشكله هو عمليه الاكتيفشن الى بتم من خلال برنامج ال REDsnow
معنى الكلام ده ان الانلوك مش هوا سبب المشكله ولكن سببها الاكتيفشن
طيب علشان احل الموضوع ده اعمل ايه ......
ثانيا : الادوات والبرامج المستخدمه لحل المشكله
1- برنامج Redsnow for windows user
2- برنامج ال Itunes
3- برنامج اسمه Sam وده هانعمله دون لود من خلال برنامج ال Cydia
ثالثا : خطوات العمل
1- اولا ادخل على ال Cydia من خلال الهاتف ( يجب ان تكون متصل على اى شبكه نت من خلال ال WIFI )
2- اضغط على كلمه Mange ( موجوده فى البار الاسود اسفل البرنامج على اليسار )
3- اضغط على كلمه Sources ( موجوده فى منتصف الشاشه )
4- اضغط على كلمه Edit ( موجوده اعلى الشاشه على اليمين )
5- اضغط على كلمه ADD ( موجوده اعلى الشاشه على اليسار )
6- اضف السورس كما هو موجود (
http://repo.bingner.com
)
7-من السورس ده هانقوم بتحميل برنامج SAM وبرنامج SAMPrefs
8- دلوقتى نروح بقه للكمبيوتر ونشغل برنامج Redsn0w 0.9.6b6
9- نحط علامه صح امام خانه Deactivate ثم اضغط على مفتاح Next وتتبع البرنامج الى ان ينتهى من عمل وظيفته
10- نرجع للتليفون مره اخرى ونضغط على ايقونه Settings
11- نحرك القايمه الى اسفل هانلاقى خانه جديده اسمها Sam
12- ادخل على البرنامج واضغط على مفتاح De-Activate iPhone ( هايكون موجود فى منتصف الشاشه )
13- الان وصل الهاتف الى الكمبيوتر وشغل برنامج ال Itunes هايقوم البرنامج بعمل عمليه الاكتيفشن لوحده بدون تدخل منك كل الى عليك هو الانتظار حتى ظهور رساله "iPhone is activated على شاشه الكمبيوتر
وفى اسوء الحالات قد لا يتمكن برنامج ال Itunes من عمل عمليه الاكتيفشن للهاتف
هنا هانحتاج ان احنا ندخل مره تانيه على برنامج Sam من خلال الهاتف وتحت كلمه De-Activate iPhone
هانلاقى سطر مكتوب فيه كلمه Method بيكون مكتوب امامها Auto Detect
كل الى هانعمله هانغيرها الى By Country and Carrier
وبعد كده نختار البلد ومشغل الشبكه
Country Egypt
Carrier Vodafone
14- اعمل ريستارت للهاتف
وبس كده عالجت مشكله تهريب الشحن الى بتحصل وفى نفس الوقت عالجت مشكله السخونه فى الهاتف
ملحوظه مهمه جدا : ما سبق ذكره لا يحدث الا فى الاجهزه التى قمنا بترقيه ال baseband فيها من 5.14.2 الى 6.15.00
ارجو ان اكون وضحت طريقه علاج المشكله بطريقه سهله واتمنى الفائده للجميع
لا يمكنك وضع ارقام تليفونات فى اى مكان بالمنتدى
مراقب القسم
المفضلات