طريقة عمل فلاش لستورم 2

**hany.ali** · 22-09-2011, 01:02 PM

اخواتي الاعزاء

انا عندي ستورم 2 9550 و التليفون كان مغلق علي شبكة امريكية و روحت الي محل صيانه و نزل سزفت وير عشان يتفك علي اي شبكة و حصل فعلا لكن في الاونة الاخيرة التليفون تقيل جدا و ساعات كتير يهنج لما ارد علي اي اتصال فقررت ان الافضل اني انزل فلاشة جديدة للتليفون و اعمله تحديث و لكن مع كتر بحثي و الله في المنتدى العظيم لم اجد رابط محدد للاجابة عن استفساري و ده راجع طبعاً لكتر حلولكوا لمشاكل الناس و كتر المواضيع الموجودة بالمنتدى فانا محتاج لاجابة سؤالين

1- محتاج شرح لطريقة عمل فلاشة كاملة و لو بالصور يكون افضل بكتير
2- هل يوجد اي نظام تشغيل نزل للستورم 2 غير 5

و لكم جزيل الشكر

22-09-2011 01:02 PM

**~~حسن المتخصص~~** · 22-09-2011, 07:24 PM

قم بمراجعه المواضيع المثبته وسوف تجد طلبك

**hany.ali** · 25-09-2011, 03:23 PM

طب ايه هي المشكلة لو تجيبلي لينك عشان انا فعلا مش عارف الاقيه في المواضيع المثبته
او علي الاقل عشان متتعبش قولي هو اسم الموضوع ايه و انا ادخله . لاني لو كنت عارف اكيد مش هسأل
و بعدين في سؤال تاني انا سألته و اجابته مش موجوده في الموقع كله و سألته قبل كده و محدش رد برده

هو انتوا بتتضايقوا اوي لما حد يسألكوا علي حاجة ...... سبحان الله العلي العظيم

**~~حسن المتخصص~~** · 25-09-2011, 05:33 PM

ردا علي سؤال يا اخي احنا مش بنضايق بس الكل عايز الحاجه تجيله عليالجاهز لو تعبت نفسك شويه وقرئت المواضيع المثبته سوف تتعلم كل شئ من الالف الي الياء في البلاك بيري
اما بالنسبه للمواضيع اتفضل علشان متتعبش في البحث لحل مشكلتك
عملية تحديث السوفت وير os: operating system لجهاز البلاك بيري بالصور

للمستخدمين الجدد في عالم البلاك بيري

شرح كل خصائص برنامج BlackBerry Desktop Manager

**hany.ali** · 26-09-2011, 12:54 PM

يا استاذي العزيز انا قريت كل المواضيع دي فعلا قبل كده و هي حقيقي مفيده جداً و انا استفدت منها و انا مش عايز حاجة تجيلي علي الجاهز ابدا و الدليل اني قريت المواضيع دي بس ممكن اكون انا موضحتش انا عايز ايه بالضبط انا مش عايز اعمل تحديث انا كل اللي عايزه عايز اشيل السوفت وير اللي عندي و انزل واحد جديد و العملية دي تقريبا اسمها تفليش او فلاش هو ده اللي انا عايزه بالتحديد و معرفتش اوصله في المواضيع المثبته لانها بتتكلم علي التحديثات و السؤال الثاني هل للستورم 2 نظام تشغيل غير 5

هو ده كل الموضوع مش اكتر

**abkareino** · 26-09-2011, 04:39 PM

العملية دي تقريبا اسمها تفليش او فلاش

؟؟؟؟؟؟؟؟

بعد اذنك يا حسن

حبيبى لو انت مستخدم فقط ولا ليس فنى ارجو منك الذهاب الى اقرب محل للصيانة

ولو فنى يا سيدى العزيز الموضوع مش محتاج لكل دة الموضوع محتاج انك تعمل فلاش برضو عن طريق المواضيع الى اشر له اخى حسن وعن التحديثات موجودة كلها فى المنتدى

تقبل مرورى

**hany.ali** · 29-09-2011, 11:40 AM

حبيبى لو انت مستخدم فقط ولا ليس فنى ارجو منك الذهاب الى اقرب محل للصيانة
عشان كده انا مش فاهم
انا اسف علي القلق اللي عملته انا هاروح لاقرب محل صيانه شكراً جداً