##$$ لو معاك ربع جنية تعمل بية اية$$##

**mohamedmizo** · 09-08-2008, 09:59 PM

صعيدي كان معاه ربع جنيه ..

ففكر يعمل بيه إيه ..

يشرب عصير قصب و لا يركب الأتوبيس فقال :

أنا لو ركبت الأتوبيس هيبقي في حل من إثنين :

يإما هقف أو هقعد

لو وقفت مش هيبقي في أي مشكلة

لكن لو قعدت هيبقي في حل من إثنين :

يإما هيقعد جنبي راجل أو تقعد جمبي ست

أنا لوقعدت بجانب راجل مفيش مشكلة

لكن لو قعدت بجانب ست هيبقي فيحل من إثنين :

لإما هنعجب ببعض يإما مش هنعجب ببعض

لو مأعجبناش ببعض مفيش مشكلة

لكن لو أعجبنا ببعض هيبقي في حل من إثنين :

يإما هنتجوز يأما مش هنتجوز

لو مإتجوزناش مفيش مشكلة

لكن لو إتجوزنا هيبقي في حل من إثنين :

يإما هنخلف يأما مش هنخلف

لو مخلفناش مفيش مشكلة

لكن لو خلفنا هيبقي في حل من إثنين :

يإما هنخلف ولد أو بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين :

يإما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين :

يإما يدمن أو مش هيدمن

لو مأدمنش مفيش مشكلة

لكن لو أدمن هيبقي في حل من إثنين :

يإما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين :

يإما هيسرقني أو هيقتلني

لو سرقني مفيش مشكلة لكن لو قتلني ..

... يقتلني ؟؟!!!!!!!!!

لا ياعم أنا أشرب عصير قصب أحسن

**GHOST** · 09-08-2008, 10:04 PM

في حل من الاتنين يا اما تموت يا اما تموت برضو

ههههههههههه

شكرا حبيبي علي الموضوع

**mohamedmizo** · 09-08-2008, 10:12 PM

مشكور على مرورك حبيبى

**Jine** · 09-08-2008, 10:27 PM

ههههههههههههههههههه
/
مشكور يا غالي على الموضوع

**AhMed FaWzY™** · 10-08-2008, 12:07 AM

ابعد ياابنى عن الصعايدة
اشرف هيظبطك

**~~-»G•h•a•z•L«-~~** · 10-08-2008, 12:22 AM

##$$ لو معاك ربع جنية تعمل بية اية$$##

::::

بالاول خلينا نفهم العنوان

هني الربع جنيه قديه بيطلعوا

**AhMed FaWzY™** · 10-08-2008, 12:27 AM

المشاركة الأصلية كتبت بواسطة -»Ġ•ħ•à•z•Ł«-

##$$ لو معاك ربع جنية تعمل بية اية$$##

::::

بالاول خلينا نفهم العنوان

هني الربع جنيه قديه بيطلعوا

ااااااة قولتيلى انتى اصلا مش عارفه الربع جنيه
اقولك انا

انزلى تحت شويه

الربع جنيه دة عندنا كدة الى هو قسمى الجنيه اربعه
دة ربع واحد بس
بمقص حلو علشان ميتقطعش
ههههههههههههههههههههههههههههه