مسآآآء الروقان
بجد الإمتحانات دي بلوة على راس كل تلميذ .. كابوس .. ما بنصدق تخلص عشان نحرق الكتب و المذكرات و اوراق المراجعة
كل تلميذ بيحس ان المدرسة دي مسلسل مصري بايخ .. كله مط و تطويل و وجع قلب .. و الغريب انهم ما بيدوناش فلوس ع التمثيل بتاعنا .. اشمعني يحيى الفخراني يعني ؟؟
تاتاراتاتااااااااا .. نبدأ المسلسل
ده شكلنا اول السنة .. فاكرين نفسنا أحمد زويل و يا أرض اتهدي ما عليكي قدي
بعد اول أسبوع دراسة .. دخلنا في الجد
تاني أسبوع .. بجد الواحد بيحس ان المدرسين عاوزين ينتقموا منه ..حتى اللي جاية متخانقة مع جوزها بتطلعه فينا احنا
قبل امتحان نص السنة .. أغلبنا بيخش بقلب جامد على اساس انه مذاكر و واكل الكتب اكل
و في الإمتحان .. بنتحطم من الأسئلة الغريبة العجيبة اللي لا يمكن تلاقي اجابتها و لو حفرت تحت الأرض .. و تبدأ البراشيم تطلع
بعد الإمتحان .. يلا .. هتتعوض اخر السنة
قبل امتحان اخر السنة بتلات أسابيع .. برضو داخلين بقلب جامد .. و مخ مهلبية
ده شكلنا لما نشوف جدول الإمتحانات .. رياضيات بعدها علوم بعدين انجلش .. رحمتك يا رب
بجد الناس اللي بتحط الجداول عندها عقد نفسية .. عمري ما شفت جدول امتحانات عدل بصراحة
قبل امتحان اخر السنة بأسبوع .. النوم مهم برضو
قبل الإمتحان بست أيام .. حيرت قلبي معاك .. تررم
قبل الإمتحان بخمس أيام .. أنا بذاكر اهو يا بابا
قبل الإمتحان بأربع أيام .. كله من العربي
قبل الإمتحان بثلاث أيام .. إلحقونا بالمطافي
قبل الإمتحان بيومين
قبل الإمتحان بيوم
ليلة الإمتحان ..كل همنا نذاكر الرغي اللي في الكتب اللي مالوش اول من أخر .. و معانا الليل بطوله
قبل الإمتحان بساعة .. خلااااااااااااااااااااااااااااااااااااص .. ربنا يحرق الكتب اللي ودتنا ورا الشمس دي
في الإمتحان .. مسائل من كوكب الضياع حتى عمنا نيوتن ميعرفش يحلها .. بس كده كده لازم نعك في الورقة عشان نطلع من لجنة الشوم ديه
و أخيرا .. شكلنا بعد ما نعرف النتيجة و نستلم الشهادة اللي مليانة كحك و بيتي فور و حاجات حلوة
المفضلات