قائمة الاعضاء المشار اليهم
النتائج 1 إلى 7 من 7

الموضوع: اخطاء يقع فيها الفنيين

  1. #1
    عضو موقوف

    الحالة
    غير متواجد
    تاريخ التسجيل
    Jul 2010
    الدولة
    بلد العجائب والغرائب ((( مصر)))
    العمر
    25
    Sonork
    موبايل 0120280038
    Phone
    n73
    المشاركات
    214
    الشكر
    33
    شُكر 211 فى 94 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    0

    Smile اخطاء يقع فيها الفنيين

    salam11
    تحية طيبة إالى كل اعضاء ومشرفين ومديرين منتدى اكاديمية الفارس للمحمول وبعد....

    فى الحقيقه احب ان اوضح بعض الاخطاء التى يقع فيها كثير من الفنيين
    العاملين فى مجال الصيانه سواء سوفت او هارد
    بسم الله نبدا
    (((الجزء الأول)))

    الخطا1 : ـ عند استقبال جهاز واقع فى ماء .مثلا
    كثير من الفنيين يبدا انه يجرب سوفت او يكشف على الباور سبلاى " وهذا خطا "
    الحل الصحيح 1: ـ لابد ان ينظف الجهاز جيدا مره او اتنين على الاقل
    فى الغساله او فى علبة التنظيف
    الخطا 2 : ـ تجد بعد الفنيين ينشف البورده بالهوت اير
    الحل الصحيح 2:ـ ان ممكن تنشف بالهوت بس بشرط تكون الحراره قليله جدا والهواء مفتوح علشان لا تتاثر البورده
    الخطا3 :ـ بعد كده ناتى لدور السوفت ييجى يجرب على البوكس والجهاز مش متقفل صح بالمسامير

    علشان كثيرا ما ان الجهاز لا يعمل اتشيك مع البوكس جيدا او لا يعمل اتشيك نهائيا ويعتقد ان العيب مازال هارد وفى هذه اللحظه يبدا انه يعمل هارد
    من تسخين وتغيرر ايسهات ليس لها ايه علاقه فى العطل
    الخطا 4 : ـ ممكن ييجى جهاز للفنى مثلا عايز يعمل تعريب على طول ييجى معرب او منزل سوفت كامل حسب الجهاز ؟
    الحل الصحيح 4 : ـ لابد ان ياخذ نسخه من البى ام اللى على الجهاز "ويشوف هلى قراء البى ام على طول ولا ايه ويعمل اتشيك كويس .



    الخطا 5 : ـ عدم قراءه اصدار السوفت " وهذا خطا "
    الحل الصحيح 5: ـ لانه ممكن يسبب كونتاكت سيرفس فى معظم الاجهزه اذا نزل اصدار اقل
    على اصدار اعلى منه


    الخطا 6 : ـ الاستعجال عند انزال السوفت ,بمعنى اول ما ينزل السوفت وظهرت علامه نوكيا او لو كل مود فرح علشان الجهاز اشتغل وعلى طول يدى الجهاز للعميل ؟
    الحل الصحيح 6 :ـ لا بد بعد انزال السوفت يرجى عمل اعادة ضبط كامله مع فك تشفير "انلوك "
    وقراء السريل علشان احيانا بعد التفليش يظهر ان السريل ضرب" ؟؟؟؟؟؟؟؟؟؟؟؟؟؟؟؟ "
    وبالتالى لازم تعمل اعاده لكتابه السريل
    وممكن يحتاج الامر الى تغيير اليو ام فى بعض الاحيان
    وبعد كده نضر الى تركيب ملف اربى ال ومواضيع احنا فى غنا عنها

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
    .
    (((الجزء الثانى)))
    بسم الله نبدا
    الخطا 1 ــ كثير من الفنيين او ل ماياتى اليه عطل وليكن الجهاز فاصل باور او شى يعمله يفك الجهاز ويسخن تسخين عشوائى على القطع والايسهات ؟



    الحل الصحيح ـ ـ وبصراحه ده خطا بشع جدا
    اولا : ـ فى طريقه فحص متتاليه على الجهاز كالاتى : ـ


    1 ـ اذاكان واقع فى ماء اول شى افتح الجهاز واغسله كام غسله
    2 ـ اكشف على الجهاز سوفت
    3 ـ اكشف على الباور سبلاى
    4 ـ حدد العطل فى ايه منطقه


    الخطا 2 ــ كثير من الفنيين يقع مشكله غريبه مش عارف ليه ومكرر وهى
    اذا اتى له جهاز وليكن فيه مشكله شبكه

    الحل 2 ـ على طول تجده يسخن على اي سى الشبكه ويشيل ويركب
    وفى الاساس العيب عيب بى ام بعد ما عك وموت الجهاز

    الخطا 3 ـ عدم فحص الجهاز بطريقه علميه ؟
    الحل ـ يعنى اذا اتى ليه عطل معين وهذا العطل متعلق مثلا باى سى الباور
    والبروسيسور على طول يسخن على الاتنين ويشيل ويركب
    وبطريقه بدائيه غريبه يعنى يقول ان ما كنش ده يبقى ده
    رغم انى فيه شى اسمه باورسبلاى وافوميتر وبوكس كل هذا لتحد يد نوع العطل
    واهم شى طبعا المخططات علشان يعرف المسارات .

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

    قدمنا لحضرتكم بعض اخطاء الفنيين
    فى سلسله بعنوان " اخطاء شائعه يقع فيها معظم الفنيين"
    لكى يستفيد الاعضاء والفنيين والعاملين فى هذا المجال


    والان مع (((الجزء الثالث)))
    بسم الله نبدا



    الخطا 1 :ـ معظم الفنيين للاسف يستخدم قصدير ردىء جدا ؟




    الحل 1: ـ ان تستخدم قصدير سنغافورى نمرا واحد "ويباع







    بسعر 40 جنيه مصرى ربع كيلو" لكن ممتاز جدا











    الخطا 2 : ـ البعض يستخدم فلكس عادى ورجينا عند فك وتركيب اى قطعه على البورده سواء ic او زر باور او غير ذلك ؟
    الحل2 : ـ استخدام فلكس مخصص من نوع عالى مثل " رايو شاك " او " راديو شيك " بسعر 39 جنيه مصرى "ممتاز "






    الخطا 3 : ـ استخدام الكاويه بطريقه خطا "البعض يستخدم سن الكاويه عمودى ؟
    الحل 3 : ـ الاستخدام الصحيح لكاويه هو ان تجعل الكاويه بزاويه منفرجه علشان سخونه الكاويه تكون موزعه على السن






    الخطا 4: ـ البعض يترك الكاويه تعمل دون اى عمل ؟
    الحل 4 : ـ الحل هو فى حاله وضع الكاويه فتره دون عمل يرجى وضع قصدير عليها وتركه
    لاجل ان لا تجلفن .





    الخطا 5: ـ رفع الاى سى بطريقه خطا " وهو وضع الفلكس على الايسى مباشر ؟
    الحل 5 : ـ الطريقه الصحيحه هى وضع الفلكس على جوانب الاى سى من جميع الجهات لان الفلكس يقوم برفع درجه الحراره على المنطقه التى عليها وبالتالى سوف يوثر على الشفره الداخليه لل ic.




    وشكرا ارجو ان تكونو قد استفتم
    الى اللقاء مع الجزء الرابع




    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ





    التقتينا معا فى سلسله بعنوان
    " اخطاء الفنيين فى الصيانه "
    وهذا ان شاء الله الجزء الرابع





    بسم الله نبدا



    س1 :اول خطا يقع فيه للاسف معظم الفنيين وهو عند رفع ايه قطعه من على البوره
    يقوم الفنى برفعها بالكاويه ؟ " خطا منتشر جدا " ؟
    جـ 1 : الحل الصحيح ان ترفع القطعه من على البوره بالهوت والتركيب بالكاويه
    لاجل الحفاظ على النقاط على البوره وطبعا لازم قبل الرفع يرجى وضع الفلكس
    لعمل سيوله للقصدر والحفاظ على النقاط سليمه .



    س 2: بعض الفنيين يترك الهوت يعمل دون اى عمل ؟
    جـ 2: ـ الصح ان لاتترك الهوت يعمل لمده تزيد عن 5 دقائق للحفاظ عليها .



    س 3: كثير من الفنيين عند العمل فى جهاز يترك الفلكس والرجينا على الجهاز بعض العمل ؟
    جـ 3: الصيح وهو بعض العمل فى اى جهاز يرجى تنظيف البورده جيدا بالثنر او البنزين
    حتى لو لم يتم تصليح الجهاز لاجل اذا ذهب العميل الى فنى اخر لا يقوم الفنى
    بقول لفظ على الفنى السابق بقول غير لائق مثلا " ايه ده اللى كان شغال فى الجهاز ده طحنه "
    وبالتالى الزبزن سوف يرجع لك ويقول انت موت الجهاز .



    س 4 : كثير من الفنيين عند فك قطعه بالهوت يقوم بوضع الهوت عمودى اثناء الرفع ؟
    جـ 4 : طبعا ده مش فى اغلب الاحيان حسب موقع القطعه على البورده
    لان ممكن يكون بجوار القطعه مثلا البروسيسور او اليو اي ام .
    وللاسف يوثر الهوت على القطعه المجاوره لان الحراره كانت عموديا
    الحل الصحيح هو :ـ
    أ ـ ان تخفض الهواء قليلا مش يفتح الى الاعلى وبالتالى سوف يوثر على القطع المجاوره .
    ب ـ ان ترمى الهواء بعيدا عن القطع الكبيره المجاوره للقطعه التى سيتم رفعها
    لاجل ان لاتوثر الحراره عليها .
    جـ ـ عدم الاستعجال على رفع القطعه اثناء الرفع .
    د ـ يرجى قبل رفع القطعه يجب الخلخله الخفيفه لها لا جل الحفاظ على النقاط على البورده " البينات "
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
    التقينا معا فى سلسله بعنوان
    " اخطاء الفنيين فى الصيانه "
    وهذا ان شاء الله الجزء الخامس



    بسم الله نبدا





    س1 : ـ بعض الفنيين للاسف عندما يقع فى مشكله اوعطل على طول يكتب العطل فى احد المنتديات





    ويستنى حد يرد عليه وبعد كده واحد يقول له اعمل كذا والتانى يقول لا اعمل كذا وبالتالى يقع فى المشكله اكتر وللاسف مش بيحاول انه يبحث على العطل بنفسه واسف جدا لم اقصد احد ؟










    جـ 1: الحل يا اخوه هو اولا المعرفه الصحيحه لكل قطعه على البورده ومعرفه وظيفتها





    والكشف عليها و على المخطط لمعرفه المسارات وسبب العطل





    وان شاء الله سوف تتوصل الى العطل بدون السؤال الى احد اسف جدا لااقصد احدللمره الثانيه .





     



    س 2 : ـ تجد معظم الفنيين لا يكون لديه من ادوات الصيانه للمساعده



    فى الفك والتركيب وادوات الكشف الصحيحه ؟



    جـ 2 : ـ الحل هو ان يكون لديك ادوات الصيانه كامله ومعرفه العمل عليها مثل :ــ



    أ ـ الباورسبلاى :ـ وده اهم شى فى الادوات المستخدمه لانه يحدد العطل بنسبه كبيره جدا



    بس لازم طبعا معرفه العمل عليه صح



    ب ـ الهوت اير:ـ وده طبعا علشان فك وتركيب القطع على البورده وكلنا عارفينه طبعا.



    جـ ـ الافو ميتر: وللاسف فى ناس كتير لا تجيد العمل عليه لازم التعلم عليه جيدا



    لقياس القطع الصغيره طبعا ومعرفه توصيل المسارات وكيفيه القياس لكل قطعه .



    د ـ ادوات الصيانه : ـ مثل المفكات والفتحات الازمه لجميع الاجهزه .



    هــ ـ واخيرا بوكسات السوفت وير علشان تكون كاملالعمل فى مجال الصيانه



    وعلى الاقل يجب ان يكون لديك بوكس التورنيدو او الجاف وكيفيه العمل عليهم .



     



    س 3 : ـ كثير من الفنيين يقول على ايه قطعه على البورده على شكل كرستال بانها كرستاله



    وللاسف خطا منتشر جدا ؟



    جـ 3 :ــ طبعا يوجد فرق كبير بين الكرستاله والفلتر والدريفر



    وسوف نشرح الفرق بينهم بطريقه سهله جدا ومبسطه لكى يتعلمها كل مبتدى .





    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ



    تحدثنا عن اخطاء الفنيين فى الصيانه



    وان شاء الله تعالى هذا الجزء السادس من السلسله





    بسم الله نبدا





    فى الحقيقه كنت احضر اخطاء غير هذه الاخطاء لكن وجدت اخطاء بشعه



    للاسف يقع فيها الكثير من الاخوه الفنيين





    لــــــــــــــــــــــــــــــــــــــــــــــذا



    قررت ان اكتبها اليكم لكى الكل يستفاد ويتجنب هذه الاخطاء



    وهى فى الفك والتركيب الصحيح لكل قطعه فى الجهاز






    الخطا الاول : ـ بعض الفنيين اثناء فك التليفون يكون مستعجل ويفك بطريقه خطا





    وبمعدات لاتصلح لفك الاجهزه وليكن مثال فى جهاز6600 البعض يفك بظهر الجفت ؟



    الحل الصحيح 1 :ـ ارجو ان يكون لدى كل فنى طقم معداد كامل



    وخاصا الفتاحه البلاستيك لفك الهاوسنج او"cavar" لكى لا يخدش وبالتالى نحافظ على شكل التليفون والهاوسنج .






    الخطا الثانى :ـ اثناء رفع الشاشه من كونكتور التليفون للاسف بترفع من الشاشه نفسها




    وبالتالى يقوم بعمل خلخله لكنكتور الشاشه لان الكنكتور اضعف قطعه على البورده ؟




    الحل الصحيح 2 : ـ الصحيح هو ان ترفع من بين كونكتور الشاشه وكونكتور البورده برفق باى شى متساوى مثل ملعقه الكحت او شى مثل ظهر الجفت طويل ورفيع لكى يصل الى وسط الكونكتورين والحفاظ عليهم من التلف ولكن بحرص وبرفق .






    الخطا 3 : ــ البعض عند وجود عطل فى قطعه معينه على البورده والتاكد انها اى سبب العطل سريعا ما يقوم باستبدالها مثل فلتر الكيباد او فلتر السيم اوالايسيهات وغيرهم ؟




    الحل الصحيح 3 : ـ لابد من التعامل مع اى قطعه من القطع حتى الايسهات




    اذا كان العطل بقطعه معينه يتم التعامل معها كااتالى بالترتيب :ـ




    أ ـ التسخين على القطعه ثم الخلخله الخفيفه .




    ب ـ الرفع والتنظيف ثم التركيب .




    جـ ـ استبدال القطعه باخرى جديده .






    الخطا 4: ـ البعض للاسف الشديد اثناء رفع بعض القطع مثل سوكت الشحن فى نوكيا 1200 للاسف يقوم بوضع الهوت اير من اسفل البورده من ناحيه الكيباد سيستم ؟




    الحل الصحيح 4 :ــ هو الرفع والتسخين على القطعه نفسها مباشره وليس من اسفلها




    لعدة اسباب هى :ـ




    أ ـ لان الحراره لا تكون مباشره على القطعه المراد رفعها وبالتالى تاخذ فتره اطول لكى تفصل بينها وبين البورده فى الرفع .




    ب ـ تسبب طقطقه وانتفاخ فى البورده .




    جـ ـ تسبب انفصال بعض المسارات داخل البورده .




    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ




    تحدثنا عن اخطاء الفنيين فى الصيانه




    وان شاء الله تعالى هذا الجزء السابع من السلسله





    بسم الله نبداس1 : ـ كثير من الفنين عندما ياتى اليه جهاز فاصل لا يشحن يتعامل مع الجهاز بطريقه خطا وخصوصا لو كان المسار مقطوع ونتحدث عن تلك هذه المشكله تحديدا ؟





    جـ 1 :ـ أ ـ يرجى عدم عمل بريدج لمسار الشحن لان اذا دخل تيار عالى او غير المسموح به سوف يؤدى الى تلف البورده او ايسى الشحن او اى سى الباور حسب نوع الجهاز .









    ب ـ فى حاله عمل بريدج يرجى الحظر جيدا لان اذا كانت المقاومه الفيوزيه هى التى تلفت لابد ان نعرف .





    س 2 : ـ ما وظيفه هذه المقاومه وسوف نشرح وظيفتها : ـ




    1 ـ هى مقاومه تقع على التوالى وتوجد غالبا بعد مسار نقط التلامس مع سوكت الشحن




    2 ـ تقوم بعمل مرور التيار المسموح به بمعنى اذا ارتفع التيار المسموح به تحترق




    لكى تحافظ على باقى القطع الموجوده فى المسار مثل المكثفات التى تليها والزنر وايسى الشحن و ايسى الباور طبعا زى ما انت عارفين ان فى الجيل الرابع الذى يسمى "dct4" يكون اليوام بعمل ايسى الشحن " الشيبس " وبالتلى تحافظ على باقى القطع




    لكن فى بعض الاحيان من شده التيار يقوم باختراق هذه المقاومه واختراق ما يليها




    وبالتالى سوف تؤثر على باقى القطع .





    س3 : ـ ممكن ان اقوم بعمل بريدج بشروط هى ؟





    جـ 3 : ـ نعـــــــــــم لكن بشروط .





    أ ـ اختيار نوع سلك معزول سمك رفيع جدا سمك اقل من نص ملى لانه يقوم بعمل بديل للمقاومه الفيوزيه رغم ان ممكن ناس مش يتقتنع بهذه الفكره لكنها فعالها فى حاله عدم الحصول على المقاومه لكن المقاومه افضل طبعا




    ب ـ لابد من مراجعه العمل جيدا بعدسه سميكه علشان كثيرا ما يكون القصدير يسبب مشاكل تلاحم مع بعض النقاط على البورده .





    نكتفى بهذا القدر والى اللقاء









    @دعونى أنظر إلى السماء وأقول ربي أغفر لإمة محمد صلى الله علية وسلم@






    loading






  2. # ADS
    Circuit advertisement
    تاريخ التسجيل
    Always
    الدولة
    Advertising world
    العمر
    2010
    المشاركات
    Many
  • # ADS

    تاريخ التسجيل
    Always
    الدولة
    Advertising world
    العمر
    2010
    المشاركات
    Many


  • #2
    .: جيماوي جديد :.
    الصورة الرمزية احمد المطري

    الحالة
    غير متواجد
    تاريخ التسجيل
    Feb 2011
    الدولة
    ارض السعيدة
    المشاركات
    40
    الشكر
    95
    شُكر 44 فى 19 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    12

    افتراضي رد: اخطاء يقع فيها الفنيين

    والله انك مبدع
    بارك الله فيك
    وزاد في علمك وخبرتك

  • #3
    .: جيماوي محترف :.
    الصورة الرمزية المدينة المنورة

    الحالة
    غير متواجد
    تاريخ التسجيل
    Jun 2007
    الدولة
    العراق - بغداد
    العمر
    27
    Phone
    6700C
    المشاركات
    3,143
    الشكر
    5,010
    شُكر 2,919 فى 1,408 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    66

    افتراضي رد: اخطاء يقع فيها الفنيين

    شرح رائع وان شاء الله الكل يستفيد منها

  • #4
    عضو موقوف

    الحالة
    غير متواجد
    تاريخ التسجيل
    Jul 2010
    الدولة
    بلد العجائب والغرائب ((( مصر)))
    العمر
    25
    Sonork
    موبايل 0120280038
    Phone
    n73
    المشاركات
    214
    الشكر
    33
    شُكر 211 فى 94 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    0

    افتراضي رد: اخطاء يقع فيها الفنيين

    اقتباس المشاركة الأصلية كتبت بواسطة احمد المطري مشاهدة المشاركة
    والله انك مبدع

    بارك الله فيك

    وزاد في علمك وخبرتك
    اقتباس المشاركة الأصلية كتبت بواسطة المدينة المنورة مشاهدة المشاركة
    شرح رائع وان شاء الله الكل يستفيد منها











    شكرا اخوتى الاعزاء

  • #5
    .: جيماوي نشيط :.
    الصورة الرمزية جاد عوض

    الحالة
    غير متواجد
    تاريخ التسجيل
    Aug 2010
    الدولة
    لا اله الا الله
    Phone
    c905
    المشاركات
    410
    الشكر
    1,510
    شُكر 440 فى 212 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    19

    افتراضي رد: اخطاء يقع فيها الفنيين

    جزاك الله خير اخي ملخص على موضوع وحسب فهمي ان كل امر له تنظيم والعمل العشوائي يؤدي الى نتائج وخيمة لا تحمد عقباها وبالتالي اتباع الطريقة العلمية الصحيحة هلى الاساس وان لم تصل الى حل في تشغيل الجهاز سوف تكون حافضت عليه كامانة و اديت ماعليك ولا تسبب تلف لجهاز الزبون ان لم تعرف انت فهناك من يعرف اكثر منك

    صراحتا موضوع ممتاز تقبل تحياتي اخي

  • #6
    .: جيماوي رائع :.
    الصورة الرمزية saico

    الحالة
    غير متواجد
    تاريخ التسجيل
    Apr 2008
    الدولة
    Damanhour, Egypt
    Phone
    E-65
    المشاركات
    876
    الشكر
    263
    شُكر 1,259 فى 463 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    36

    افتراضي رد: اخطاء يقع فيها الفنيين

    اقتباس المشاركة الأصلية كتبت بواسطة خالد50338 مشاهدة المشاركة
    تحية طيبة إالى كل اعضاء ومشرفين ومديرين منتدى اكاديمية الفارس للمحمول وبعد....
    اخى اذ كان الموضوع منقول فيرجى القول بانه منقول

    ويرجى تصحيح تحيه بدايه الموضوع

    وشكرا لك

  • #7
    .: جيماوي محترف :.
    الصورة الرمزية ahmed_gsmr

    الحالة
    غير متواجد
    تاريخ التسجيل
    Nov 2010
    الدولة
    مصر -الاسكندريه-فكتوريا
    العمر
    26
    Phone
    Iphone 4S @ E1170
    المشاركات
    2,583
    الشكر
    1,492
    شُكر 2,182 فى 1,197 مشاركة
    تم تذكيره فى
    0 مشاركة
    تمت الاشارة اليه فى
    1 مواضيع
    معدل تقييم المستوى
    47

    افتراضي رد: اخطاء يقع فيها الفنيين

    اقتباس المشاركة الأصلية كتبت بواسطة saico مشاهدة المشاركة
    اخى اذ كان الموضوع منقول فيرجى القول بانه منقول

    ويرجى تصحيح تحيه بدايه الموضوع

    وشكرا لك
    سبقتيني اخي الاستاذ خالد بينقل بالظبط

  • الكلمات الدلالية لهذا الموضوع

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •