برنامج صبايا النهارده كان عارض موضوع مهم جدا
100 حاله لاطفال فى عمر الورد
بيعانو من عدم السمع والكلام(صم وبكم)
حالات تقطع القلب والله يا جماعه
اهاليهم يتمنو بس انهم يسمعوهم بيتكلمو ويقولو بابا وماما
وكلهم ممكن يسمعو باذن الله ويتكلمو تانى
بس كل واحد فيهم محتاج 160 الف جنيه
وفيهم الى قدامه شهر بس
خلال الشهر ده لو معملش العمليه
هيصاب يصمم دائم
ومش هتنفعله العمليه
تخيلو شهر واحد يفرق فى مستقبل طفل
ويخليه يا اما شخص طبيعى فعال فى المجتمع
او معاق
ريهام مذيعة البرنامج عامله حمله
اسمها حملة الخمسه جنيه
طالبه من كل مواطن يدفع 5 جنيه
عشان تقدر تعمل العمليه لل 100 طفل دول
العمليه اسمها عملية ذرع قوقعه
وعلى فكره البرنامج جمع فلوس قبل الثوره وعملو العمليه ل 65 طفل وخفو الحمد لله
بس بعد الثوره التبرعات قلت
والنهارده جمعت 100 طفل تانى وبتدعى الناس تتبرع ب 5 جنيه
ياريت يا جماعه نتبرع كلنا
كل واحده عندها اطفال تطلع صدقه عن كل واحد فيهم 5 جنيه
5 جنيه مش هيفرقو مع حد فينا بس هيفرقو فى حياة الاطفال دى
التبرع بيكون فى بنك مصر - حساب عملية زرع القوقعه
وده حساب تبع وزارة التضامن الاجتماعى
وريهام اكدت ان الفلوس بتروح للاطفال دول
ساعدوهم بالى تقدرو عليه
وانا ان شاء الله هبداء بنفسى وهطلع عن كل فرد فى اسرتى 5 جنيه
مين معايا ؟؟؟؟؟؟؟؟؟

وده رقم الحساب

122/1/32336

لحساب المؤ سسه العامه للتكامل الاجتماعى

زكى عن اولادك بى 5 جنيه لا قيمه لها الا فى الاخره


يوم لا ينفع فيه مال ولا بنون