السلام عليكم ورحمة الله وبركاته
تعرف مين بيحب التاني اكتر فينا؟
!!!!!!!!!!!!!!!!
اكيد هتقول انا فما علينا
طب تيجي نسال الناس اللي حوالينا
وهما يجاوبونا من نظرات عينينا
بس صدقني محدش هيقدر اللي بينا
ولا حد هيفهم اللي جوا قلوبنا لينا
بس بقولك ايه انت يا اخينا
انا بحبك اكتر موافق ولا اجيب السكينه؟
!!!!!!!!!!!!!!!!!!!!!
ياترى مين بيحب التاني اكتر فينا؟
!!!!!!!!!!!!!!!!!!!
اقولك الحق مش انت ده اكيد انا
لاني معنديش اغلى من ديني واهلي وحبنا
وانت عارف انا هشهد على كلامي مين... هشهد عليه ربنا
اللي خلقني وخلقك وجبنا احنا الاتنين هنا
عشان نتقابل وبقدرته نحب بعضنا
شوفت بقى اد ايه بحبك .. وال بتقول انا ال ..
ياعم روح من هنا
!!!!!!!!!!!!!!!!!!!!!!!
ياترى مين بيحب التاني اكتر فينا؟
!!!!!!!!!!!!!!!!!!!!!!!
فاكر ساعة ما كنت عايز تقولي بحبك... ومن خوفك على زعلى كتبتهالي في ورئه
لا وبعديها بكام يوم جتلي وبتقولي ايه ردك..... وكنت حاسس ان ليلتك هتكون زرئه
يابني لو حبك ليا كوبايه .. فانا بقى في بحورك غارئة
بقولك اكيد بحبك اكتر اصل انا حالتي مستعصية وطارئه
ونبل مني اني بحبك كده بس ده لاني حاسه اني بجد معاك فارئة
يلا بقى عد الجمايل وهاتلي كوباية مية احسن انا شارئة!!
!!!!!!!!!!!!!!!!!!
بس ياترى مين بيحب التاني اكتر فينا؟
!!!!!!!!!!!!!!!!!!!!!
والله احسن لك تكون انت اكتر ده يعني من مصلحتك
اصلي خنيقة اوي ومش اي حد يستحملني بكلمك بالحق وبراحتك
غيورة وعصبية وحساسه زيادة فاياك تقولي حاجة وحشه في وشي بصراحتك
وبجد اسفة لو جه يوم علينا واتخصمنا وبقصد او بدون جرحتك
ولو جتلي في مرة تقولي اسف عن اي حاجة فاعتبر من دلوقتي اني سامحتك
!!!!!!!!!!!!!!!!!!!!
تفتكر انت بقى
مين بيحب التاني اكتر فينا؟
!!!!!!!!!!!!!!!!!!!!!!
ياااااااااااه... لو بعد كل ده تكون انت بتحبني اكتر
بجد هتخليني اسكت وانكتم ويمكن (بعد الشر بعد الشر) افكر
ما انت عارف اني مبحبهوش وخاصة في ايام الصيام اصله بيفطر!!
بجد بتحبني اوي كده... معقولة بتحبني اكتر..
بس تعرف مين بجد فينا الاشطر
اللي يحافظ على التاني وعلى حبه ويراعي فيه الواحد الاكبر
ياريتك تكون بتحبني اكتر
ما تقولها بقى ولا اجيب يعني العصايا لتكونشي مثلا مستكبر!!
اه مهو مش من اولها يعني هتطنشني ولاحلى كلمة تكبر
يلا قول ورايا .... انا بحبك
انا
بحبك
اكتر
المفضلات