إحنا اسفيــــــــن يا ريــــــــس ....!!!!
رسالة حب وتقدير من الشعب المصرى الى الريس حسنى مبارك
على المجهود الجبار الذى بذله من أجل الحفاظ على سلامة المواطنين
أسفين يا ريس وحقك علينا
ده احنا اللى خربناها بايدينا
الله يكون فـ عونك
وما تشوف شعب تانى زيينا
*************
اللى بيقبض 200 جنيه
محتار بيهم يجيب إيه؟
قصر أرض وفيلا
عربية هامر ولا شالية
أسفين يا ريس وحقك علينا
************
وادى الشباب أهو شغال
حراس أمن و للنضافة عمال
وكلهم خريجين جامعات
وقالو بطالة لأ صحيح عيال
أسفين يا ريس وحقك علينا
***************
والمدرس فـ المدرسة ويا التلميذ
عباقرة م التعليم وكله لذيذ
والمناهج ملهاش مثيل بياخدو فسحة
و يطلعو بدرى يوم الخميس
أسفين يا ريس وحقك علينا
************
ده فـ عهدك شفنا الفيديو كليب
ولا هو حرام ولا هو عيب
وصحافة واعلام وعشان الحرية
من بعدك جمال هتجيب
أسفين يا ريس وحقك علينا
*************
والمساجد كلها اتقفلت
ومصر كده بقى اتأمنت
كفاية بتفتح وقت الصلاة
واسامى المصلين اتسجلت
اسفين يا ريس وحقك علينا
*************
غلى البنزين والسكر عادى
وغلى الحديد ويا الأراضى
ويولع الشعب كله يا ريس
بس انت تكون مبسوط وراضى
أسفين يا ريس وحقك علينا
***************
اسفين ليك ولعز ولحبيب وابنك جمال
كان المفروض شعبنا يفضل جبان
وتفضل العزة والكرامة ليكو
والذل والفقر للشعب الغلبان
أسفين يا ريس وحقك علينا
*************
أسفين للمدام لماما سوزان
أم بصحيح وشوال حنان
بيها كملت العصابة
لما الشعب نام جعان
أسفين يا ريس وحقك علينا
*************
أسفين الكل قال نازلين
ميدان التحرير وكمان طالبين
يقيلو سيادتك وحكومتك وشفيق
وكمان أمن الدولة .. لأ خونة مندسين
أسفين يا ريس وحقك علينا
**************
والمصيبة ان شباب ده الجيل
قالو خلاص كلنا هنشيل
اسم مبارك من كل مكان
اخص عليهم نكروا الجميل
اسفين يا ريس وحقك علينا
***************
وقالو كمان وده مش اسرار
هايحاكموك ياخدو بالتار
علشان بس معاك قال ايه
يا اخواتى سبعين تمانين ملياااار
أسفين يا ريس وحقك علينا
**********
وايه يعنى شوية ماتو فـ الميدان
وقال بيقولو عليهم شهدا كمان
بس لما حفيدك يتوفى
مصر أه تتقلب قلبان
اسفين يا ريس وحقك علينا
*************
اسفين يا ريس ع السكات
عن حقنا , كرامتنا واللى فات
أسفين حكمت شعب صحى
بعد تلاتين سنة ممات
اسفين يا ريس وحقك علينا
**************************
وأخيرا وليس آخرا .... احب اقول ان الناس دى مينفعش معاها التعاطف ولا كنوز الدنيا توفى ارواح الشهداء ولا كنوز الدنيا تعوض المظلومين ....
حاجه واحده بس وهيا معاقبة الفاسدين ...
اللهم آمين
رد مع اقتباس
.gif)
.gif)
المفضلات