قائمة الاعضاء المشار اليهم
صفحة 1 من 2 12 الأخيرةالأخيرة
النتائج 1 إلى 10 من 12

الموضوع: 85 مليون مصرى اصبحوا خبراء سياسيين

  1. #1
    من مؤسسي المنتدى
    الصورة الرمزية Raul

    الحالة
    غير متواجد
    تاريخ التسجيل
    Dec 2008
    الدولة
    مصرى اماراتى
    المشاركات
    13,984
    الشكر
    37,632
    شُكر 44,674 فى 10,694 مشاركة
    تم تذكيره فى
    1 مشاركة
    تمت الاشارة اليه فى
    4 مواضيع
    معدل تقييم المستوى
    1310

    افتراضي 85 مليون مصرى اصبحوا خبراء سياسيين

    السلام عليكم ورحمة الله تعالى وبركاتة

    شوفتوا اللى حصل


    صرخة واحدة جمعت أكثر من ثلاثمائة فرد على شاطئ البحر في

    ثانيتين: "غريييييييييييق".. هذا الجمع الغفير لا يرى إلا رأسا لرجل
    كان أو امرأة، يعلو وينخفض، وبدأ الخبراء والمحللون والسباحون
    في إبداء آرائهم..

    حدّ يروح يخبطه على رأسه يغمى عليه ويسحبه بسرعة..
    خبير آخر: الأول يرفع رأسه فوق المية عشان يقدر يتنفّس.
    وثالث: يا عم أحسن له يرفعه على كتفه ويخرج بيه..
    أما الرابع فقد كان أكثر فهما ووعيا حين قال: يا جدع دي دوامة
    واخداه، يرفعه إيه؟

    وصاح أحدهم في الأربعة قائلا: طيب يا جماعة واحد منكم ينزل ينقذه،
    وردّ األناس جميعهم في فم واحد: إحنا ما بنعرفش نعوم!!!!
    والتفت الجمع على صيحة أخرى: الراجل غرق يا جماعة..
    وهنا هتف أحد الواقفين وهو يضرب كفا بكف:
    لا حول ولا قوة إلا بالله، الله يرحمه، طيب يا جماعة مش
    كنتم ناديتم حارس الشط ينقذه..

    هذا تقريبا ما يحدث فى مصر مع بعض الاختلافات البسيطة،
    في أحد الاجتماعات العائلية التي أصبحت منعقدة دائما منذ بدأت
    ثورة 25 يناير في معظم البيوت المصرية..

    عرفتم اللي حصل؟ ناس ضربت المتظاهرين في ماسبيرو بالنار
    من فوق كوبري 6 أكتوبر ومات كذا من الأقباط وكذا
    من المسلمين وجرحى قد كده.

    وهبّ العم محمود في ثوره عارمة: الله يخرب بيوتهم السلفيين دول مش
    ناوين يجيبوها لبر، وأكمل: يا أخي الواحد عمره في حياته ما سمع
    عن السلفيين ولا كان لهم صوت..

    وعلقت عليه زوجته، لا يا حاج سلفيين إيه، دول باقي الحزب الوطني،
    اللي... اللي... قول معايا، أيوه اللي بيقولوا عليهم "فلول"،
    باين ولا إيه، ناوين على فيها لاخفيها، ولا زي ما قال شمشون:
    عليّ وعلى أعدائي، أكيد إحنا بقينا أعداءهم زي هما ما بقوا أعداءنا..

    قاطعها على الفور ابنها عصام بقوله: طيب أقطع ذراعي إن ما
    كانوا فرقة مندسة من أي بلد عربي أو حتى أجنبي،
    دي أجندات يا جدعان.. icon10 (فقيق اوى الواد دة)

    لحقهم قائل الخبر: على العموم هما قبضوا على مجموعة منهم.
    ردّ العم محمود في حماسة: الله أكبر حلو أوي كده، يبقوا لازم يعدموهم
    في ميدان عام، والدنيا كلها تتفرج عليهم، عشان يبقوا عبرة لمن يعتبر..
    ولا حتى تتقطع رقابهم بالسيف زي السعوديين ما بيعملوا كده،
    والأفضل يتعلقوا في المشانق في التحرير، ومن غير تحقيق ولا كلام
    من ده، هما مش ضبطوهم متلبسين؟

    من غير تحقيق إيه يا عمّي؟ كده الليبراليين يغضبوا، وهما كمان يعتصموا،
    ويقولوا مافيش أحكام من غير تحقيق، وتزيد الطينة بلة..
    يا ابني صدّقني دول مافيش ليهم إلا المشانق، طيب خلوني رئيس جمهورية
    كده وشوفوا البلد دي تبقى شكلها إيه، يا ابني ده أنا ديمقراطي قديم،
    ده أنا واخد دكتوراه في السياسة والله..

    دكتوراه في السياسة يا حاج وديمقراطية؟ وسلفيين يا حاجّة؟
    ده أنت من شهر واحد كان قاموسك كله طشت الملوخية،
    خلاص كل واحد فيكم بقى أستاذ بيفلسف الأمور على هواه،
    وهو مش فاهم أي حاجة..

    في الأول تقولوا شوية العيال بتوع التحرير دول ولا يقدروا يعملوا
    حاجة.. نجحت الثورة تصقفوا وتقولوا برافو عيال جدعان..
    مبارك يقول: هاعمل إصلاحات، والحكومة هتستقيل،
    ونشكّل حكومة جديدة، ونعيّن نائب، تقولوا حلو أوي إنتم عايزين
    إيه أكتر من كده، الراجل ما عليهوش عيب، هيعمل إصلاحات،
    ويشكّل حكومة جديدة ويعيّن نائب، عاوزين إيه بقى؟

    يعترض ثوار التحرير ويقولوا: كده ما ينفعش، تقولوا أيوه
    عندهم حق، كده ما ينفعش..
    مبارك يقول إنه مش هيرشّح نفسه تاني، وإن دي بلده، أتولد فيها وهيموت
    فيها تبكوا وتقولوا خلاص ده آخر كلام، موافقين يا ريس،

    وآسفين يا ريس.. يا ناس حرام عليكم سيبوه يموت في بلده..
    لكن الثوار برضه يرفضوا ويقولوا كده ما ينفعش، تمسحوا دموعكم
    وتقولوا: أيوه عندكم حق فعلا كده ما ينفعش!

    مبارك يقول إنه ترك اختصاصاته للنائب، ومع ذلك ماسك في الكرسي
    لا يريد التنحي، مع إن الشعب كله غلب يطلب منه التنحي،
    تقولوا دي أحسن حاجة عملها، خلاص بقى كده مابقاش له دور،
    سيبوه بقى لغاية نهاية مدته.. الثوار يرفضوا ويصمموا على إنه
    يسيب الحكم خالص تقولوا: تمام عندكم حق لازم يسيب الحكم خالص..

    مبارك يعلن إنه تنحّى عن الحكم وساب الأمر للجيش، تهللوا وتهيصوا
    وتقولوا مش هو ده اللي إحنا قلنا عليه من الأول!!

    تحدث فتنة كنيسة أطفيح تقولوا......
    يقتحم بعض الضباط التحرير وتحدث مشكلة تقولوا.....
    يستولي السلفيون على جامع النور تقولوا......
    تحدث مشكلة كنيسة مارمينا تقولوا.....
    يقوم البعض بضرب المتظاهرين في ماسبيرو تقولوا.......
    يفرجوا عن سوزان تقولوا......

    هؤلاء مع من بالضبط؟! مع الثورة أم مع الحكم السابق وذيوله؟
    ما موقفهم بالضبط؟! ولماذا يعتقد كل شخص الآن أنه سياسي بارع
    لو تركوه فقط يحكم لحلّ مشاكل الوطن في 24 ساعة وربما أقل!
    لما لا يحدد كل فرد موقفه بالضبط، ويعرف قدراته، وما هو الشيء الذي
    يتقنه ويفهم به فيفتي به دون غيره...

    الحقيقة أن علينا جميعاً أن نترك من يفهم في السياسة والاقتصاد
    والعلاقات الخارجية... إلخ ممّن نحن على ثقة بأنهم غير فاسدين ولم
    يتلوثوا بأن يسيّروا الأمور ويقوموا بما يفهمونه، ومن لديه من الأفكار
    ما يفيد يتقدم به أو يحاول أن ينفّذ ما يفيد مجتمعه من حوله
    ويهدّئ الأمور، ويصلح البلد في صمت..

    يجب أن نحذّر من تحوّل مصر إلى 85 مليون سياسي واقتصادي
    ورجل أديان -وليس دين واحد- وعسكري ودبلوماسي
    ... إلخ. وإلا..لن نجد لا أقباط ولا سلفية،
    وسنجد العملية بقت في النملية

    محتاجين بعض من الهدوء والصبر
    حتى لا نغرق جميعا
    اللهم اكتب الخير لمصر والشعب المصرى
    وباقى الدول العربيه




    وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ
    صدق الله العظيم
    ـ
    الحسابات الرسمية للجيم فلاش
    Facebook:
    https://www.facebook.com/gemflash
    Twitter: https://twitter.com/GEMFLASH1

  2. #2
    .: جيماوي رائع :.
    الصورة الرمزية mido_elhoda

    الحالة
    غير متواجد
    تاريخ التسجيل
    Apr 2008
    الدولة
    Alexandria, Egypt, Egypt
    Phone
    NOKIA E71
    المشاركات
    1,077
    الشكر
    187
    شُكر 357 فى 231 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    29

    افتراضي رد: 85 مليون مصرى اصبحوا خبراء سياسيين

    لا يباشا انت غلطان في العد السياسين عددهم : 84999999
    لان انا مش سياسي

  3. #3
    .:: نائب المدير العام ::.
    الصورة الرمزية ELMASRY.7000

    الحالة
    غير متواجد
    تاريخ التسجيل
    Jun 2007
    الدولة
    مصري مقيم بالأردن
    العمر
    47
    Phone
    Lumia-1320
    المشاركات
    13,231
    الشكر
    22,920
    شُكر 27,791 فى 5,280 مشاركة
    تم تذكيره فى
    1 مشاركة
    تمت الاشارة اليه فى
    34 مواضيع
    معدل تقييم المستوى
    710

    افتراضي رد: 85 مليون مصرى اصبحوا خبراء سياسيين

    أنا بقترح أن الشعب ياخد أجازة ونروح كلنا مصيف هادى فى هاواى
    أو جزر الكاريبى الشعب يريح اعصابه ونسيب البلد فاضية شوية

  4. #4
    من مؤسسي المنتدى
    الصورة الرمزية Raul

    الحالة
    غير متواجد
    تاريخ التسجيل
    Dec 2008
    الدولة
    مصرى اماراتى
    المشاركات
    13,984
    الشكر
    37,632
    شُكر 44,674 فى 10,694 مشاركة
    تم تذكيره فى
    1 مشاركة
    تمت الاشارة اليه فى
    4 مواضيع
    معدل تقييم المستوى
    1310

    افتراضي رد: 85 مليون مصرى اصبحوا خبراء سياسيين

    اقتباس المشاركة الأصلية كتبت بواسطة mido_elhoda مشاهدة المشاركة
    لا يباشا انت غلطان في العد السياسين عددهم : 84999999
    لان انا مش سياسي
    طيب الحمد لله
    اقتباس المشاركة الأصلية كتبت بواسطة ELMASRY.7000 مشاهدة المشاركة
    أنا بقترح أن الشعب ياخد أجازة ونروح كلنا مصيف هادى فى هاواى
    أو جزر الكاريبى الشعب يريح اعصابه ونسيب البلد فاضية شوية
    كده كده
    طيب مش اللى بيحصل ده شيئ غريب
    الناس هنا معظمها بتقول كلمتين
    محدش بقى عارف مين مع مين ومين ضدد مين
    وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ
    صدق الله العظيم
    ـ
    الحسابات الرسمية للجيم فلاش
    Facebook:
    https://www.facebook.com/gemflash
    Twitter: https://twitter.com/GEMFLASH1

  5. #5
    الإدارة التنظيميه بالمنتدى
    اسم المحل
    عامر فون
    الصورة الرمزية AhMEd TOhAMY

    الحالة
    غير متواجد
    تاريخ التسجيل
    Jul 2007
    الدولة
    Cairo, Egypt, Egypt
    العمر
    32
    Sonork
    1597067
    Phone
    SAMSUNG NOTE II
    المشاركات
    32,218
    الشكر
    29,331
    شُكر 54,183 فى 17,878 مشاركة
    تم تذكيره فى
    1 مشاركة
    تمت الاشارة اليه فى
    98 مواضيع
    معدل تقييم المستوى
    1012

    افتراضي رد: 85 مليون مصرى اصبحوا خبراء سياسيين

    معاك حق ياراول والله
    بجد احنا شعب
    كلمه توديه وكلمه تجيبو
    وكله بيظيط فى الزيطه
    ربنا يهدى

  6. #6
    .:VIP Moderator:.
    الصورة الرمزية mohamed allam

    الحالة
    غير متواجد
    تاريخ التسجيل
    Jun 2010
    الدولة
    مصـــــــــــALEXــــــــــر
    المشاركات
    7,287
    الشكر
    20,679
    شُكر 19,796 فى 5,971 مشاركة
    تم تذكيره فى
    1 مشاركة
    تمت الاشارة اليه فى
    12 مواضيع
    معدل تقييم المستوى
    287

    افتراضي رد: 85 مليون مصرى اصبحوا خبراء سياسيين

    رائع يابوب
    انت كده جبتها من الاخر


  7. #7
    صديق المنتدى
    الصورة الرمزية السخاوى

    الحالة
    غير متواجد
    تاريخ التسجيل
    Jun 2008
    الدولة
    .::: Egypt :::.
    العمر
    34
    Phone
    w702
    المشاركات
    15,687
    الشكر
    19,493
    شُكر 21,931 فى 8,763 مشاركة
    تم تذكيره فى
    1 مشاركة
    تمت الاشارة اليه فى
    4 مواضيع
    معدل تقييم المستوى
    989

    افتراضي رد: 85 مليون مصرى اصبحوا خبراء سياسيين

    والله عندك حق ياراؤل

  8. #8
    .:VIP Moderator:.
    الصورة الرمزية 3llam

    الحالة
    غير متواجد
    تاريخ التسجيل
    Sep 2007
    الدولة
    Alexandria, Egypt, Egypt
    العمر
    32
    Sonork
    1654541
    Phone
    IPHONE 4S
    المشاركات
    13,787
    الشكر
    27,565
    شُكر 36,111 فى 8,470 مشاركة
    تم تذكيره فى
    2 مشاركة
    تمت الاشارة اليه فى
    43 مواضيع
    معدل تقييم المستوى
    642

    افتراضي رد: 85 مليون مصرى اصبحوا خبراء سياسيين

    والله عندك حق ياراؤل

  9. #9
    .: جيماوي متالق :.
    الصورة الرمزية oshiba

    الحالة
    غير متواجد
    تاريخ التسجيل
    Jul 2008
    الدولة
    مصر
    Sonork
    100.1612134
    المشاركات
    1,212
    الشكر
    2,046
    شُكر 1,119 فى 515 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    32

    افتراضي رد: 85 مليون مصرى اصبحوا خبراء سياسيين

    لما الناس تعرف فى السياسه مش مشكله
    بس فى ناس تانين الخوف منهم بيستخدموا الدين فى تسيس الناس على هواهوم او (بيستخدمه للوصول لمراكز قياديه) وده احتمال يحصل فى المرحله اللى جايه
    (وبكدى اكون انا بتكلم فى السياسه مع انى مليش فيها)

  10. #10
    صديق المنتدى
    الصورة الرمزية هشام الرميحي

    الحالة
    غير متواجد
    تاريخ التسجيل
    Apr 2008
    الدولة
    Hosh `Isa, Al Buhayrah, Egypt, Egypt
    العمر
    35
    Sonork
    100.1608523
    Phone
    nokia 5800 x m
    المشاركات
    12,640
    الشكر
    35,199
    شُكر 31,658 فى 11,580 مشاركة
    تم تذكيره فى
    0 مشاركة
    تمت الاشارة اليه فى
    28 مواضيع
    معدل تقييم المستوى
    921

    افتراضي رد: 85 مليون مصرى اصبحوا خبراء سياسيين

    انا بقول ان كل واحد يخليه في تخصصه

    مش مشكله انك تتابع

    و تعترض و تقول كلمتك (مش عمال علي بطال )

    لا طبعا

    كل واحد يتقن عمله و يحاول ينجح فيه و يطور من نفسه و يحترم نفسه و الاخرين

    بكده هتفيد نفسك و بلدك و اللي حواليك

    انما احنا امه بتاعت قلهم

    كل واحد فاكر انه هو الصح و هو الملاك المنزل من السماء و مش شايف ان جواه غلط المفروض يبدأ باصلاح نفسه

    اسقاطك رائع يا راؤول

    أحييك عليه

صفحة 1 من 2 12 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •