حل جذري لعطل الكاميرا ليست مستعده في الاجهزة الصينية

[امير الورداني]

بسم الله الرحمن الرحيم

اخوانى اعضاء ومشرفين المنتدي الغالي

Gem-Flash

كما هو واضح من عنوان موضوعي (حل جذري لعطل الكاميرا ليست مستعده في الاجهزة الصينية)
يتبين مدي اهمية الموضوع لكثرة انتشار هذا العطل بأغلب الأجهزة وان لم يكن كل الأجهزة الصينية

اولا : التأكد من تركيب الكاميرا في مكانها بالوضع الصحيح مثال ( t33) لها علامة او ترقيم للكونفرت فيرجي التاكد من التركيب الجيد بالوضع او الاتجاه الصحيح ونظافه الكونفرت او اماكن اللحام اذا كانت الكاميرا لحام مثال (Matrex M1)

ثانيا : التأكد من ان الجهاز لم يتم عمل سوفت وير له بفلاشة مغايرة عن فلاشتة الاصليه
مثال ( بعد تغيير شاشة الجهاز ولم يعطي بيانات اى الشاشة اصبحت بيضاء فنقوم باعطاء الجهاز بفلاشة معالجة للشاشة البيضاء واحتمال عدم تطابق driver الكاميرا في بيانات الفلاشة الجديدة وحينها يكون العطل موجود )

ثالثا : وهو الحل الجذري والأخير بعد التأكد من الخطوتين السابقتين بتكون المشكلة في المعالج ( البروسيسور ) والحل بيكون بالتسخين مع هزة خفيفة


ملحوظة : تمت التجربة علي اجهزة ( k900 / t33 / matrex / A200 / g-tide G25 ) ومن الواضح ان الاجهزة المجرب عليها الحل كلها من فئة البروسيسور MTK وفي الحقيقه لم يتم التجربة علي فئة Spread وجارى التجربة ان شاء الله

هام : يتم اخطار العميل في حالة استلام جهاز بهذا العطل وتبين انه المشكلة في البروسيسور يستحسن استلام الجهاز قاطع باور لعدم الوقوع في المحظور D:

اتمني الفائدة للجميع
وكلمة شكرا تكفي

[Mega-Mex]

مـــوضــوع مــهــم تــســلــم إيــدك يا أســتــاذ أمــيــر والى الامـــام دائمــا ,, شكـــرااا

[امير الورداني]

مشكور اخ ميجا وشكرا ايضا لمرورك

[احمد مشعل]

تمام ياأمير بس لية ملحوظة
ازاي يتم الاستلام الجهاز فاصل
لأ طبعا هو انت مستلم الجهاز شغال
ازاي تستلموا فاصل برجاء مراجعة
هذه الملحوظة تقبل مروي.

[امير الورداني]

مرورك منور يا ابوحميد
ولكن انا شايف ان الملحوظة في محلها
ودا راجع لرأي العميل في الاول والاخر
يعني اذا ما وافقش مش هزعل
ولكن اذا وافق هيديني ثقه وعدم خوف ان الجهاز هيقطع منى وهضطر ادفع حقه
يعني مثلا لو جهاز جاي بعيب اي سي فلاش بيسحب شاشة بيضه ويرستر دا استلمه شغال ازاى
هو بالنسبة لصاحب الجهاز شايفه شغال لكن انا بشتغل علي اي سي احتمال يقطع الجهاز باور
فعشان كده بتفق ان ما يبقاش عليا ضرر لو الجهاز قطع فعلا
ودي في الاخر وجهات نظر ولا تفسد للود قضية
واخيرا انا اكيد نفسي انى احل المشكلة عشان احاسب العميل علي تكلفتها يعني مش نفسي ان الجهاز يقطع