قائمة الاعضاء المشار اليهم
النتائج 1 إلى 4 من 4

الموضوع: الراجل مش بس بكلمته !

  1. #1
    .:VIP Moderator:.
    الصورة الرمزية mohamed allam

    الحالة
    غير متواجد
    تاريخ التسجيل
    Jun 2010
    الدولة
    مصـــــــــــALEXــــــــــر
    المشاركات
    7,284
    الشكر
    20,667
    شُكر 19,786 فى 5,969 مشاركة
    تم تذكيره فى
    1 مشاركة
    تمت الاشارة اليه فى
    12 مواضيع
    معدل تقييم المستوى
    287

    افتراضي الــراجــل مــش بــس بــكلمــته !




    D8A8D8B3D985D984D8A920D981D984D8A7D8B4

    النهاردة هنخرج برة المنتدى
    في جولة صحفية عن موضوع مهم أوي
    هتعرفوه بعد ما تشوفوا التقرير معايا قصدي تقرأوه


    أخدت مواصلة من على باب المنتدى SnipeR20285429
    وروحت على الجامعة

    gemflash
    شفت شاب واقف تحت شجرة
    وبيدخن فقلت أكبس عليه وأعمل مع الحوار ده
    أتعرف على حضرتك
    أنا اسمي هيثم
    اهلا بيك ياهيثم
    هيثم عاوز أسألك سؤال
    اتفضل
    أنت بتدخن ليه
    بص لي ونفخ في وشي الدخان
    كحكحكح ايه يابني هتخنقني ولا ايهSnipeR20287529
    بقولك بتدخن ليه مش اخنقني
    طب وده سؤال برضه ياعم الحاج
    كل الرجالة بيدخنوا
    يعني لما بتدخن ياهيثم بتحس انك راجل
    طبعا بحس أوي , بحس خالص
    طيب ياهيثم سلام
    سلالام ياعم الحاج ونفخ تاني في وشي الدخانSnipeR20285429
    gemflash

    مشيت شوية
    لقيت شاب واقف مع بنت
    قلت لازم أعمل معاه الحوار
    بس بس
    بص لي وأخد باله وجالي
    أيوة
    ممكن أتعرف عليك
    أنا طارق
    ممكن تقولي ياطارق أنت واقف مع البنت دي ليه
    أنت هتستظرف ولا إيه ؟؟
    لا والله أبداً عاوز أعرف بس
    كل الرجالة اللي في سني لازم يكون لهم بنت يمشوا معاها
    الرجالة !!! SnipeR20285429
    آه طبعاً رجالة عندك إعتراض ؟؟؟؟؟؟SnipeR20289229
    لا أبداً يا أستاذ طارق
    طب عن إذنك علشان مينفعش أسيبها لوحدها علشان محدش يعاكسها
    أنت بس اللي تعاكسها
    بتقول إيييه ؟؟؟SnipeR20288829
    لا أبداًَ مفيش حاجة
    gemflash

    زي ما أنتم شايفين التقرير ده متعب أد إيه
    واحد خنقني والتاني كان هيضربني وربنا يستر في الباقي
    ياريت الإدارة تصرف لي بدل طبيعة عملSnipeR20285429

    gemflash

    ماشي فلقيت هيصة وزعيق جامد أوي
    بصيت لقيت واحد ضخم
    ماسك راجل غلبان ونازل فيه طحنSnipeR20288829
    إيه ياعم أنت ؟؟
    أنت مفيش في قلبك رحمة
    بص لي حتة بصة
    بصراحة خفت منه SnipeR20285429
    قال لي في حاجة ياكابتن
    استجمعت قوتي وقلت له
    أنت بتضربه ليه بالطريقة دي
    أنا راجل المنطقة وأعمل في منطقتي زي ما أنا عاوز
    يامعلم بالهداوة بس
    أنت ما سمعتش الحديث بتاع النبي عليه الصلاة والسلام
    اللي بيقول فيه
    ليس الشديد ذو الصرعة إنما الشديد الذي يملك نفسه عند الغضب

    ساب الراجل الغلبان من ايديه وقاله خلاص عفوت عنك المرة دي
    لكن المرة الجاية مفيش حد هينجيك من تحت ايدي

    قلت له ربنا يصلح حالك يامعلم وبالراحة عالناس شوية
    وبالإذن ياعم الفتوة SnipeR20285429


    gemflash

    الجو حاااااااااار جداً قلت أروح أجيب عصير من المحل اللي على أول الشارع

    السلام عليكم
    وعليكم السلام
    لو سمحت ياحاج عاوز عصير مانجا
    اتفضل
    أذاااااااااااااااااااااان الظهر
    لقيت الراجل واقف عادي خالص ولا كأن في حاجة
    بقولك ايه ياحج
    نعمين
    أنت مش هتروح تصلي ولا إيه
    هصلي بعدين
    إزاي بس
    يعني عاوزني أسيب شغلي وأروح أصلي
    وفيها إيه بس
    العمل عبادة والراجل هو اللي يأخد باله من شغله
    طيب ما تكمل المرجلة وتروح تصلي
    يلا ياكابتن شوف مصلحتك علشان مش عاوز أذيكSnipeR20288829
    طيب ياعم بالراحة شوية متزقشSnipeR20285429
    gemflash

    تقرير إيه ده اللي كل ضيوفه عاوزين يضربونيSnipeR20285429

    صليت الظهر وقولت أروح منطقة تانية
    الأتوبيس جاااااااااااااي
    معلش هحط عدة الشغل في الشنطة مش فاضي لكمSnipeR20289429

    gemflash

    وبعد جهد جهيد طلعت الأتوبيسSnipeR20287529

    ولقيت كرسي بالعافية

    في المحطة التانية
    طلع راجل عجوز
    فقلت تعالى ياحاج اقعد مكاني
    قام اللي قاعد قدامي وقال
    والله ما هو قاعد الا مكاني أنا
    وقام وقعده مكانه وفضل واقف جنبي
    قلت له عملت ليه كدة
    قال أنا مش راجل ولا إيه
    وبعدين الرسول عليه الصلاة والسلام
    قال وأن تعين الرجل في دابته فتحمله عليها صدقة

    قلت صلى الله عليه وسلم يلا ياعم فزت بالأجرSnipeR20286929


    gemflash

    كان قاعد شاب جنبي باصص للشباك علطول
    حسيت أن دماغه مش في الأتوبيس أصلاً
    لقيته بيهمم بكلمات مش فاهمها
    ركزت أوي علشان أسمع هو بيقول إيه
    لقيته بيذكر ربنا وعينه فيها دموع
    فافتكرت حديث السبعة
    ورجل ذكر الله خالياً ففاضت عيناه
    فدعيت له في نفسي وقلت ربنا يكتر من أمثالك
    وبعدين وصلت للمكان اللي كنت عاوزه ونزلت من الأتوبيس

    gemflash

    بيني وبينكم عصير المانجا اللي فات شربته من غير نفس لأن صاحب المحل زي ما أنتم عارفينSnipeR20285429

    لقيت محل تاني قلت فرصة
    وأنا رايح
    أذااااااااااااااااان العصر
    وصلت المحل لقيت صاحبه بيقفل
    قلت واحد عصير مانجا لو سمحت
    قالي بعد الصلاة
    قلت علطول مش هياخد وقت الأذاان لسة مأذن
    قالي بعد الصلاة
    كل ما أقوله حاجة زي ما يكون متبرمج على كلمة بعد الصلاة
    وفي الآخر قالي يابني أنت عاوزني أخالف الآية
    قلت له آية إيه
    (أَيُّهَا الَّذِينَ آَمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ )
    والرجل هو اللي مينشغلش بالشغل عن الصلاة
    قلت له عندك حق
    جزاك الله خيراً
    وروحت صليت معاه العصر
    وبعد الصلاة اشتريت العصير
    طبعاً المفروض يكون ليا في المهمة دي بدل عصيرSnipeR20285429
    يلا مش مشكلة

    gemflash
    وبعدين اتمشيت شوية على النيل لغاية المغرب
    قلت أذكار المساء وروحت صليت في المسجد
    مشيت شوية لقيت راجل شايل حاجات تقيلة وزي ما يكون خايف لحد يشوفه
    مشيت وراه قولت أكيد وراه حاجة
    لقيته طلع شقة في بيت قديم أوي
    شوية ونزل فاضي قلت لازم أعرف الحاجات اللي معاه راحت فين ؟؟
    مستغربوش أصل الصحفي الكويس اللي زي لازم يتمتع بنظرة زي نظرة المفتش كرومبوSnipeR20285429SnipeR20285429
    طلعت الشقة وخبطت طلعت ست عجوزة
    قلت السلام عليكم ياحاجة
    قالت وعليكم السلام يابني خير؟؟
    حسيت أنهم فقرا وممكن يكونوا محتاجين حاجة
    قلت أنتم محتاجين حاجة ياأمي ؟؟
    قلت ربنا يكرمك يابني بس الحاج أبو عبدالله مش مخلينا محتاجين حاجة
    قلت الحاج أبو عبدالله اللي كان هنا من شوية
    قالت الله يبارك له ويعمر بيته ويبارك له في ولاده
    5 سنين وهو واخد باله مني ومن ولاد ابني الأيتام
    قلت لها الله يبارك له ياحاجة ويكثر من أمثاله
    سلام عليكم
    قلت في نفسي مش جاي تسئ الظن ياكرمبو إلا في كافل الأيتامSnipeR20285429SnipeR20285429
    وتذكرت حديث النبي صلى الله عليه وسلم
    أنا وكافل اليتيم كهاتين في الجنة وأشار
    باصبعيه السبابة والوسطى



    gemflash

    طبعاً بعد الرحلة الشاقة دي نكون وصلنا لنهاية التقرير

    استفدنا إيه بعد التقرير ده ؟؟؟

    تقريرنا كان عن مفهوم الرجولة عند الناس والشباب خصوصا

    شفتوا هيثم مفكر الرجولة في سيجارة

    وطارق معتقد أن المشي في البنات هي الرجولة

    والراجل الفتوة مفكر الفتونة هي الرجولة

    وأما صاحب المحل اللي كان عاوز يضربني مفكر أن الشغل وإهمال الصلاة هي الرجولة

    على العكس منهم

    الأخ اللي قعد الرجل العجوز مكانه شايف أن هي دي الرجولة

    والأخ اللي كان قاعد جنبي شايف أن ذكر الله وخشيته هي الرجولة

    وصاحب المحل اللي مرضاش يبيع بعد الأذان أي حاجة وشايف أن ده هيعطله عن الصلاة لأن الرجولة من وجهة نظره أن الشغل ميعطلكش عن الصلاة

    وكان ختام التقرير الحاج أبو عبد الله اللي بيكفل الأيتام من 5 سنين وبيخفي عمله ده وماشاء الله مش مخليهم محتاجين حاجة


    أرجو أنكم تكونوا استفدتم


    gemflash


    ممااعجبنى





  2. #2
    .:VIP Moderator:.
    الصورة الرمزية 3llam

    الحالة
    غير متواجد
    تاريخ التسجيل
    Sep 2007
    الدولة
    Alexandria, Egypt, Egypt
    العمر
    32
    Sonork
    1654541
    Phone
    IPHONE 4S
    المشاركات
    13,773
    الشكر
    27,533
    شُكر 36,084 فى 8,463 مشاركة
    تم تذكيره فى
    2 مشاركة
    تمت الاشارة اليه فى
    43 مواضيع
    معدل تقييم المستوى
    642

    افتراضي رد: الــراجــل مــش بــس بــكلمــته !

    وصلت المعلومه يا ملاوانى
    شكرا لك على الموضوع

  3. #3
    .:VIP Moderator:.
    الصورة الرمزية mohamed allam

    الحالة
    غير متواجد
    تاريخ التسجيل
    Jun 2010
    الدولة
    مصـــــــــــALEXــــــــــر
    المشاركات
    7,284
    الشكر
    20,667
    شُكر 19,786 فى 5,969 مشاركة
    تم تذكيره فى
    1 مشاركة
    تمت الاشارة اليه فى
    12 مواضيع
    معدل تقييم المستوى
    287

    افتراضي رد: الــراجــل مــش بــس بــكلمــته !

    اقتباس المشاركة الأصلية كتبت بواسطة 3llam™ مشاهدة المشاركة
    وصلت المعلومه يا ملاوانى
    شكرا لك على الموضوع
    اسعدنى مررورك يابوب

  4. #4
    .: جيماوي فعال :.
    الصورة الرمزية mohsenbb5

    الحالة
    غير متواجد
    تاريخ التسجيل
    Apr 2009
    الدولة
    Egypt
    Sonork
    1603719
    Phone
    Iphone 4
    المشاركات
    163
    الشكر
    263
    شُكر 269 فى 82 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    20

    افتراضي رد: الــراجــل مــش بــس بــكلمــته !

    شكرا لك على الموضوع

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •