نصائح لتعيش ب400 جنيه شهريا حياة سعيدة
1- الاعتماد الكلي علي الرغيف المدعوم 3رغيف يوميا ب6 جنيه شهريا
ولو انت مواظب على الصيام
اتنين وخميس والايام البيض
يبقا يا ماشاء الله
2-كل يوم 2 جنيه فول وبجنيه طعميه اي 90 جنيه شهريا
والا اقولك خلوها 15 يوم فول
و15 طعمية
يعنى 15 يوم ب30 ج
و15 يوم ب15 ج
يبقا هتوفر النص
3-كل اسبوع تتغذي برة بطبق كشري ب6 جنيه أي 24 جنيه شهريا
4-عدم التفكير في الزواج نهائيا أو البحث عن زوجه غنيه
5- كل شهر تشترى قطعة ملابس واحدة بالترتيب بين الاشهر شهر قميص وشهر بنطلون وشهر جزمه وشهر داخلي وهكذا 60 جنيه شهريا
واعمل حسابك تشترى من الوكالة
بلاش افترى وتبزير وشراء من المحلات
6-عدم ركوب المترو أو الميكروباص والاعتماد علي القطار أو المشي يعني جنيه واحد مواصلات كفايه
وتخيل لو مشيت ووفرت الجنيه
منها رياضة ومنها توفير
7-الحذر الشديد من الامراض المعديه ونزلات البرد لانها مكلفة وإن حدث لاسمح الله الاعتماد فقط علي الاسبرين والريفو
8-الاكتفاء بالرنات علي الموبيل رنه واحدة عشان محدش يفتح عليك وتبقي مصيبه
والاحسن بقا
لو طلب على حساب المتصل عليه
يعنى اضرب شباك قبل الرقم
والله الحياة سهلة وحلوة
بلاش تعقيد
وطبعا لو الا بترن عليه
زايك وحريص
اقضوها كلمنى شكرا
9-التهرب من الاقارب والاصدقاء عشان محدش يقولك تعاله نخرج نتمشي او نقعد علي كافيه أو يدبسك في كبايه شاي بجنيه
10- عمل جمعيه ب40 جنيه شهريا عشان تقبضها وتغير الموبيل كل سنه
ومتنساش
انك هتوفر من الفول والطعمية 45ج
بكدة يكون المجموع الشهري حوالي 360 جنيه والباقي تخليه للظروف
اي خدمة.............................. .....اظن مفيش بعد كده!!!!!!!!!!!!!!
المفضلات