نكت سياسيه
السلام عليكم ورحمة الله وبركاته
مره حسنى مبارك راح مدرسه ابتدائى فلما جت فتره الاسئله ولد رفع ايده مبارك
ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
كان فى سرير المرض حينما أخذ يلقى بوصاياه الأخيرة لوزيره نظيف : -
وصيتك الحكم من بعدى يا احمد
- فى رقبتى يا ريس .. كله تمام والسلطة هياخدها جمال
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد . - ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد - نعم يا ريس؟ - ماتنساش .. توكيل الزلط لعلاء
حسنى مبارك ركب طياره هو وعيلته.
طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين.
علاء قال طيب ماتخليهم خمس ورقات بعشرين وتسعد خمسه .
جمال قال طيب ماتخليهم عشر ورقة بعشره جنيه وتسعد عشره.
الطيار قال طيب ما ترمى نفسك وتسعد 80 مليون
مرة واحد ركب تاكسي ولقي السواق معلق في العربية صور جمال عبد الناصر
وانور السادات وحسني مبارك الراجل استغرب سال السواق مين اللي انت معلقهم صورهم عندك قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
القذافي يهدي للشعب الليبي أغنية : اليسا " يانعيش مع بعض حبيبي يانموت احنا آلاتنين"
حمار هرب من ليبيا وصل تونس وقفوه سألوه ليه بتجرى؟
قال وهو بيلهث القذافي أمر بذبح كل بقرة
قالو له لكن انت حمار مش بقرة
قالهم حد يفهمه
قناة الجزيرة تعتذر عن بث خطاب القذافي حيث أن حقوق الملكية للخطاب
مخصصة لقناة موجه كوميدي
من الشعب المصرى للشعب الليبى الشقيق:
نناشدكم بإنهاء التظاهرات لأن الشعب المصرى مش حيستحمل خطاب تانى من القذافي
الكوميديا الليبيه
مذيعه ضاربه حبوب هلوسة في القناة الليبية
قرار مجلس الامن بتبني حظر جوي علي ليبيا حرام شرعا لان التبني محرم في الاسلام
شاهده هنا
رد مع اقتباس
المفضلات