الموضوع المفيد والمهم للجميع
الجيم يعتبر بيتنا جميعا بنكتب وبنتناقش فيه
وكل واحد بيقول رأيه بحريه وبدون اعتراض من احد
كل واحد بيكتب اللي هو عايزه
طيب القسم العام من اجمل الاقسام يعتبر زي قهوة المثقفين اصحاب الرأي صح
* طيب ما خلينا نتفق ان اي موضوع لأي عضو يكون ليه مغزى فايده تعود على اللي بيقرا المواضيع
* يعني كل واحد فينا قبل ما يكتب موضوع يتخيل انه شخص اخر وهو اللي بيقرا الموضوع هيحس بأيه ؟ يعني هيستفاد منه ولا أي كلام من عمك عبدالسلام
يعني عايزين القسم بجد يكون كل موضوع ليه فايده علشان كده بتلاقي الموضوع فيه رد او اتنين او احيانا مفيش خالص
او رد ( شكرا حبيبي على الموضوع ) بدون قراءة للموضوع والسبب صاحب الموضوع لانه عايز ينزل موضوع وخلاص
بجد يا شباب الفتره الاخيره ان حسيت فيها بإستياء شديد - احيانا مواضيع بس علشان الاسم او العنوان او الشخص صاحب الموضوع
خلي الردود تزيد في الموضوع الواحد يكون محل نقاش او فائده للقارئ
لو مثلا الاداره خلت الوقت اللي بيكون فيه العضو متواجد في الموضوع قبل ما يرد ظاهر للجميع يعني يتكتب بجوار الرد الوقت اللي قضاه العضو في قرائة الموضوع
هتلاقي ان موضوع يستحق قراءته من 10 - 15 دقيقه قام صاحب الرد كتب رده بعد اقل من 30 ثانيه صح الكلام
علشان كده اتمنى من اخواني جميعا ان اي موضوع يكون مفيد وليه مغزى يعني يستحق القراءة والنقاش
واسف جدا للاطاله واتمنى ان اي حد ما يخدش الكلام عليه لان والله انا بنصح نفسي اولا واخواني
وشكرا للجميع
رد مع اقتباس
.gif)
المفضلات