۩Ξ۩ طريقة رجوع الاسبريد الميت الى الحياة مرة اخرى۩Ξ۩

[ahmedana]

اخواني الاعزاء

طابت ايامكم بك الخير



اليوم هقدم لكم حل لمشاكل الاسبريد الجديدة بطريقة سهلة

..................
...........
....

تــــنــــوية


لو جالك جهاز اسبريد فاصل بور هاتعمل اية علشان الجهاز يرجع للحياة مرة اخرى



ركز معايا شوية

علشان ما تحكمش على الجهاز بالاعدم وانت مش واخد بالك لان اجهزة الزباين أمانة وانت مثل الدكتور والتليفون دة هو المريض

مثلا ينفع مريض يدخل لدكتور ويكون عندو غيبوبة سكر يروح الدكتور عاملو عملية قلب مفتوح او يشتغل في المخ ؟؟؟؟

بمجرد انو شك وبيكون حل المشكلة مثلا في ابرة انسولين والمريض يفوق
وبعدم الخبرة والتخمين الخاطيء ممكن المريض يموت


نخلينا في موضوعنا


أول ما الجهاز يدخل المكتب عند حضرتك لازم يكون معاك جهاز بور سبلاي ويستحسن من النوع العادي كما بالصورة ودة ثمنو بسيط جدا





لانو بيساعد في تحديد الاعطال بنسبة 80 %


وهانشرح جميع الحالات اذا كان هارد ام سوفت



..................
...........
....

اولا

جهاز فاصل بور وعند توصيلة على جهاز البور سبلاي بيسحب فولت لوحدو دون الضغط على زر البور وما بيرجعش لل 0 تاني طبعا 99% من الناس اللي بتشوف المشكلة دي بيقولو شورت في الجهاز وبيفك الجهاز وبيسخن علية ودة زي الدكتور اللي بيشتغل بالتخمين

طبعا فية 3 احتمالات للمشكلة دي

الاحتمل الاول يكون العيب في قاعدة السوفت اللي بتركب فيها كابل السوفت ودي بتحصل لما يكون سوكيت السوفت زي ال n70 التينمو اول حاجة هنشوف السوكيت هل هناك ارجل متلامسة او وجود سائل او صدأ علية لو تأكدنا من ان السوكيت سليم


الاحتمل الثاني في حل المشكلة هايكون بنسبة كبيرة سوفت لان الاسبريد لو فاصل سوفت بيسحب على البور وما بينزلش لل 0 ودة الجديد في الموديلات الحديثة وبتتحل بالفورمات او بالتفليش بفلاشة كاملة مثل ال 6120 zt و 555و 888


الاحتمال الثالث بتكون المشكلة هارد وير ودة احتمال ضعيف


..........................
.................
..........

ثانيا

جهاز اسبريد جاي فاصل بور وعند وضعو على البور سبلاي بيسحب دون الضغط على زر البور وبيرجع لل 0 مرة اخرى وعند الضغط على زر البور بيرفع ومش بيرضا ينزل مرة اخرى او بيرفع وينزل

طبعا هنا العيب 100% سوفت

فورمات او تفليش


لو وصلنا الجهاز على البوكس وما قبلش سوفت ؟؟ اذا المشكلة هاتكون هارد


..................
...........
....

ثالثا

جهاز اسبريد جاي فاصل بور وعند وضعو على البور سبلاي بيسحب فولت وبعدين بينزل لل 0 وعند الضغط على زر البور لا يستجيب

حل المشكلة بتكون منحصرة في عدة اشياء

1 الكيباد تأكد من مكبس زر البور

2 كونيكتور الكيباد على البوردة وعلى الكيباد ان وجد في الانواع القديمة مثل السانو

3 فلاتة الكيباد ان وجدت مثل الn82 القديمة وال ztc n73
الخ.....

4: اي سي الكيباد ودة حتمال ضعيف لاكن وارد



وفي النهاية أتمنى لكم الفائدة

اخوكم
ahmedana
ابو عمر