من هي أسماء محفوظ ( من شباب 25 الطاهر )

[ELMASRY.7000]

إسمها اسماء محفوظ ... صبية مصرية جميلة اصبحت من اهم رموز شباب ميدان التحرير ... وهي عضو في حركة شباب 6 ابريل ... تحولت بلباقتها الى نجمة تلفزيونية تتحدث باسم الشباب وثوار الميدان ... وكانت من رائدات ثورة الفيسبوك التي انفجرت في 25 يناير
وكل ما نعرفه عنها ما نشرته عن نفسها ... واليكم ما كتبته

انا اسماء محفوظ عضو بحركة شباب 6 ابريل عندي 10 أعمام و9 خلان كل واحد فيهم عنده متوسط 5 ابناء وكلهم تقريبا اتجوزو يعني العدد اتضاعف وكمان خلف يعني اتضاعف 4 مرات

يعني ممكن نقول مثلا في بتاع 400 فرد في شجرة العيلة
كل واحد فيهم في منصب مختلف ودراسة مختلفة وفكر مختلف
مباحث أمن الدولة ابتدت بوالدي كل يومين مكالمة تليفونية من مباحث امن الدولة عايزين حضرتك في موضوع يهمك بخصوص بنتك تيجي انت برجلك ولا نجيبك احنا بطريقتنا؟؟؟
وطبعا الإجراء إلي بيعملوه ده غير قانوني ووالدي رفضه
وهديوا شوية
رجعوا تاني بمخبرين في كل مكان يلاحق كل فرد في اسرتي يسأل عنهم وهذا اثار ضيقة اسرتي

ابتدوا يهددوا اخواتي
هددوا اخواتي عن ايقافهم من العمل وليس هذا فقط
بل هددوهم ايضا انهم لو ذكروا اي شيء عن هذا التهديد هيسجنوهم
وبعد التهديدات طلبوا اقرار مني مكتوب بخط ايدي باني لن يكون اي علاقة من بعيد او قريب بالسياسية وتحديدا في حركة شباب 6 ابريل
وكمان اطلع على صفحات الجرائد واقول اني ندمانة اني كنت عضوة في حركة شباب 6 ابريل

ولو مقدروش يخلوني اعمل كده .. طلبوا تزوير شهادة صحية تفيد باني مختلة عقلية
وطبعا سببوا لي مشاكل جثيمة في البيت وقلق شديد لاهلي
وانا قررت إني لن أتنازل عن دوري الوطني من أجل بلادي
راحوا هددوا اخي وقالوا له : طيب متزعلش مننا بقى لما نجرجر اختك من بيتها بواسطة زوار الليل الساعة 3 الفجر وهنجيبها عندنا وانت اكيد فاهم كويس ممكن نعمل ايه في بنت
فلمصلحتك ولسمعتك متجبرناش اننا نعمل كده
الكلام ده من شهرين وطول الفترة دي الاقي كل شوية فرد من العيلة يكلمني يقولي اتصل بي فرد من الحزب الوطني وقال لي ابلغك انهم عايزين يقعدوا معاكي عشان يحموكي من اللي حصل بمجرد انك تقولي انك ندمانة من معرفتك بشباب 6 ابريل
ورفضت

راحوا غيروا الطلب احنا عاملين لجنة وعايزين نتكلم معاكي ياتقنعينا بنشاطك يانقنعك احنا بنشاطنا
وبردو قد رفضت الحديث معهم تماما
وهديوا شوية سواء بتوع الحزب الوطني او مبحاث امن الدولة
فجأة تليفون من أمن الدولة يطلبوا زيارة اخي لهم ورغم اني نصحت أخي بعدم الذهاب لهم فقد ذهب بالفعل اليوم
كانو عايزين بس يقولوله كلمة واحدة
ابن خالك تقدم لوظيفة في وزارة الخارجية ووهو يصلح لها بعد ان نجح في كل الاختبارات بجدارة بس للاسف هو اترفض بسبب اسماء محفوظ تعد فرد من عائلته الكريمة

إلي كل الهيئات التي تعمل ضد راحه أهلي
أنا أسماء محفوظ أقر بأني أفخر بمصريتي وببلادي وأبزل كل الجهد من أجل تحسين وطني وتطويره ونقله إلي مرتبه الرقي والقوة .. بدلا من الظلام والإستبداد والضعف والوهن الذي نعيشه ...
وأني لن أتنازل عن حلمي الذي أحلمه كل يوم لمصر بأن تكون مصر القوة والأمان
اعطوا لكل فرد حقه وانا اوعدكم باني هبطل نشاطي السياسي

أسماء محفوظ
عضو بحركة شباب 6 ابريل

http://www.youtube.com/watch?v=IwsJ2...layer_embedded

الشباب والفتيات بيمارسوا نشاطهم علنيا امام أعين رجال الأمن
يعنى مش منظمة نزلت بالباراشوت فجأة على مصر

سيذكر التاريخ كثيرا جدا ثورة 25 يناير كما ذكر ثورة 23 يوليو
بل على العكس هى الأكبر والأقوي فالثورات الشعبية أقوي بكثير من الأنقلابات العسكرية

ويمكرون ويمكر الله والله خير الماكرين

[السخاوى]

ربنا يحمى مصر ويحمى كل الشباب الحر

[anim]

رب امراءة ب 1000 راجل

[essam3m]

مشكور عمو ياسر

[Raul]

شاهدت حواراها
والجدير بالذكر لباقتها
واعجبتنى بشده عندما طلبوا منها ان تتحدث
فى المطالب والامور الساسيه
فأجبت بكل صدق انا لا اصلح للاجابه
ولا املك الخبرة الكافيه للتحدث فيها
وانما رتبت بعض اسماء يمكنهم التحدث بالنيابه عنا

[NasirNS]

طبعا ياسر هى فعلا من ضمن شباب 6 ابريل الرائعين انا كنت متابعهم من فترة طويلة من خلال

الفيس بوك والتويتر بس من بعيد ,,, تسلم ياسر على الفيديو الرائع الذى يوضح مدى حب هؤلاء

الشباب الصغير السن لمصر وللتغيير ,,,

[ELMASRY.7000]

تحية لكي أسماء وتحية لكل شباب مصر
الذي غير وجه مصر ليس مصر فقط بل العالم أجمع