مبارك أيها الغبي ألا تفهم ( إرحل قبل أن تسحل )

[ELMASRY.7000]

للأسف تابعت ما يحدث ببلدى الحبيب مصر ساعات طويلة وأنا أقلب القنوات الفضائية
وكما توقعت نجحت المظاهرات وكما توقعت نزل الجيش للشارع
فهذا أكبر دليل على فشل نظام مبارك وفشل جهازة الأمنى جهاز البطش والظلم
الشعب قالها لا نريد مبارك ومبارك الغبي يقول هغير الحكومة
أي حكومة أيها الغبي فأنت الأمر الناهي وليس الوزراء ولا الحكومة أنت الحكومة أنت أكبر فاسد فى مصر
لقد ضاق الشعب بك وبأبنائك وشلة الفاسدين والحرامية حولك
نهبتوا مئات المليارات والشعب لا يجد قوت يومه
صدقني نصيحة لك
أرحل قبل أن تسحل فى الشوراع
إرحل كما فعل صديقك بن علي
مستحيل أن تهدأ المظاهرات فهدوءها معناه قتل وسجن من قام بها
وهذا لن يحدث وستري اليوم والأيام القادمة ماذا سيفعل الشعب
فرضت حظر التجول فى الشوراع ولم ينفذ ولن ينفذ لأني كما أتوقع هناك أوامر مضادة لقوات الجيش
وبكره ستري ماذا سيفعل الجيش
إرحل إرحل إرحل أيها الغبي
30 سنة ولا تفهم لا تستوعب

[حسن المتخصص]

انا مع كلامك يا عمو ياسر بس انت نسيت اهم نقطه انه فعلا احسن رجل سياسي في مصر بكلمته بتاعت الصبح وانه هيغير الحكومه كلها الشعب ارتاح وهدي انا عن نفسي نفسي يتغير بس مش هنلاقي راجل سياسي مثله مره اخري ومتنساش انه بقاله 30 سنه بعدنا عن اي قرف يوصلنا الخوف الاكتر اللي هيجي بعده هيبقي عامل ازاي ممكن يكون فرعون ويمص الشعب ويخرب البلد ولا يعمرها ومتقوليش البرادعي البرادعي ده اول واحد هيخربها لو مسكها بصراحه انا دماغي وقف من كتر التفكير انا منمتش من امبارح لحد الان ومش عارف ايه اللي هيحصل في البلد انا عن نفسي عايزه تكون باحسن حال هو الواحد اتغرب من شويه يا عمو ياسر يا رب يا رب تكوني في احسن حال يا مصر

[ELMASRY.7000]

انه فعلا احسن رجل سياسي في مصر بكلمته بتاعت الصبح وانه هيغير الحكومه كلها الشعب ارتاح وهدي

يا عم حسن ده ثعبان وحرباء يتشكل ويتلون حسب المواقف السياسية
ألا يعلم مبارك بحال الشعب التعيس ألا يعلم بحالات القتل فى أقسام الشرطة
إن كان لا يعلم فهو غبي وبيضحكوا عليه وإن كان يعلم فهون قاتل ويجب محاكمته
وبردعى مين ده كلب
بلدي مصر دولة عسكرية لظروف المنطقة وإسرائيل
وبكرة هتشوف مصر لن يمسكها إلا واحد عسكري واحد من الجيش
ومهما كان هيكون أحسن ألف مرة من هذا الغبي المسمى مبارك
وأحسن ألف مرة من أن يحكمها إبنه جمال
وستري مذا سيحدث فى الأيام القادمة

[حسن المتخصص]

منتظرين والله الخير يا عمو ياسر يا رب

[nasrin-13]

ماهو سبب التدخل الامريكي في القضايا الشعوب العربية

بعد رئاسة اوباما و دخول بعض السياسيين الاحرار من دول متفرقة في اجتماع يخص الارهاب
و بعد التحليل وجدو بان الشباب العربي و بالضغوطات الحكومية (لا سكن و لا عمل ) و استلاء على اموال الشعب
يصبح هادا الشاب ارهابية و يبدء بالتخطيط و يستغله البعض في عمليات ارهابية و هدفه قتل الامريكان و عمليات في وسط امريكا

واصلو تورتكم المجيدة في تحرير بلدكم من الفاسدين
و تاكدو بان مبارك رايح يغادر مصر في الايام القليلة القادمة

[MOMOS_GEM]

صباح الفل خويا ياسر و حبيبي حسن
و كل الشعب المصري و كل الجيماويين
عندنا مثل بتونس يقول
اقطع الراس تنشف العروق
ما يفعله مبارك هو مسرحية سياسية يحيكها بكل ذكاء
لو نسال انفسنا من يقوم بالفساد باي بلد عربي
سنجيب جميعا بانهم الوزراء و اتباعهم
لكن هناك سؤال اهم من هذا السؤال
هو من اين يتلقي هؤلاء الفاسدين الاوامر و بمن يحتمون عند قيامهم باعمال مشينة
طبعا من يعطي الاوامر هو رئيس الدولة
و الامر لله سبحانه تعالي
لكن ما تناساه رؤساء الدول هو ان الشعوب العربية لم تعد تلك الشعوب الساذجة المغمضة الاعين
فنحن شعوب مثقفة اجتماعيا و سياسيا و لا نرضي بعد اليوم
ان يكون علينا اي احد وصي
فنحن اليوم باذن الله تعالي لدينا قدر من المسؤولية تمكننا من تقرير مصيرنا و تسيير امورنا و لا نحتاج لرئيس دولة سوي للمحافظة علي امننا و تحقيق مطالبنا
و غير ذلك فلن يكون وجود باذن الله لاي رئيس يكرس مفهوم الدكتاتورية
لمصالحه الشخصية له و لاتباعه الوسخين الذين لا دين لهم
سوي عبادة المادة و المصالح الشخصية
و كم تمنيت بعد تعرفي علي العديد من الاخوة المصريين ان يقوموا بما قام به شعبنا التونسي
لكن ما ضاع حق وراءه طالب
و الحمد لله اندلعت الثورة المصرية و اتمني ان يقوم الشعب المصري
كما قام الشعب التونسي
انا كنت من المشاركين و كل اعمال التخريب التي نسبت الي الشعب التونسي ليست سوي اشاعات هدفها تشويه صورة الشعب امام الراي العام عالميا
ما اتمناه اليوم هو ان يكون الاخوة المصريين بنفس المستوي العالي من الوعي
و يفعلو كما فعلنا
الحفاظ علي الممتلكات العامة من التخريب
فتلك اموالكم لا تفسدوها
و الله لا يحب المفسدين
التظامن يد واحدة حتي يقدر الله لهذه الثورة ان تحقق مطالب الشعب
بصراحة اخواني لدي كلام كثير جدا لكن الشعب المصري مثقف لدرجة انه لن يقوم باشياء ضد مصلحته العامة
تحية خالصة من القلب الي الشعب المصري
ووفقكم الله لما فيه خير لكم
و اصبروا و صابروا و رابطو فان الله مع الصابرين

[حسن المتخصص]

الله يرحم ليك الوالدين فعلا كلامك صح 1000*1000
يا ريتني كنت هناك علشان اقدر اعمل حاجه

[nasrin-13]

ولله قلوبنا معكم ودعواتنا لكم ان شاء الله النصر قريب والله يرحم للشهداء

[GSMELECTRO]

قلوبنا معكم يا اهل مصر

[sasa_sasa]

اخ حسن احب اوضحلك نقطه انه لو مسك البلد اى رئيس تانى مش هيعرف يضر البلد لانه هيكون عارف ان الشعب مش هيسكتله وهيشيله زى اللى قبله

ثانيا انه لما يكون فيه مجلس شعب ومجلس شورى منتخب من قبل الشعب لا الرئيس ولا الحكومه تقدر تعمل حاجه تضر البلد لان فيه مجالس نيابيه تقدر تقف ضد اى قوانين تكون فى غير مصلحه البلد يعنى كده باختصار مجلس الشعب والشورى كلمته هتمشى على الرئيس والحكومه

ده فى حاله انه منتخب من قبل الشعب وليس بانتخابات مزوره لصالح الحزب الوطنى

ان شاء الله تكون وضحت الصوره