أول ما تلاقي نفسك زهقان طهقان متضايق

**mohamed allam** · 10-01-2011, 11:41 AM

\

مش عارف انت فين وليه وامتي وازاي وعشان إيه...

جرب إحدي هذه الوسائل أو كلها لو حالتك صعبة قوي..؟؟؟؟؟؟؟؟؟؟؟

* سوق عربيتك قدام نقطة مرور وانت مش معاك رخصة!!

* روح للادارة العامة لمكافحة المخدرات ومعاك في جيبك كيس دقيق أبيض

* افتح قناة اخبارية صينية وتابع الأخبار وهز رأسك واعمل فاهم

* روح ماتش الأهلي والزمالك وارفع علم البرازيل وشجع

* اركب تاكسي وقوله واديني ميت شيكاغو

* روح صيدلية واشتري رغفين عيش..

* ادخل علي النت واختار شات سياسي ونزل موضوع عن الخضار والمحشي..

* اكتب تعليقاً علي موضوع بيتكلم عن سامي يوسف واشكر في عمرو خالد..

* أو اقولك ادخل باسم المشرف ورد علي الاعضاء

* لو لسه مش قادر اتصل من الشارع بالدليل وقولهم ابعتولي حد يوصلني البيت!!

ههههههههههههههههههههههههههههههه

او

او

او

او
: عيش اليوم بيومه , فكر فى بكره آه , وظبط لبكره آه , بس ما تنساش
النهاردة , وتفضل شاغل نفسك ببكرة , يعنى إحنا فى النهاردة وبكرة لسة مجاش
, يبقى هانعيش النهاردة , ونعيشه كويس , وبكرة هايجى وهايكون متظبط بردة ,
لو فكرنا فيه وظبطناله كويس.
او
: حلمك لازم يكون كبير" أنسى تحقيق
حلمك , يبقى هاتعمل ايه "هاتولع فى نفسك مثلا" ولا تتنتحر , لو حلمك
الكبير ما عرفتش تحققه يبقى أعمل فيها "حرباية" واتكيف مع الظروف , يعنى
كان نفسك تكون , صحفى , مش هاتفرق كتير لو بقيت "نقاش" إيه حد بيتهمنى انى
بهزر , طيب ايه الفرق بين قلم الصحفى وفرشة "النقاش" ولا حاجة قلم الصحفى
"صغير" والفرشة كبيرة , هو دة الفرق ,
او
: حاول تدور على أى فرصة علشان تخلع من البلد دى , ونصيحة منى سيبك من
الخليج , مش عارفين السيد بوش ناوى على مين , ولا امريكا يمكن تتمسك
إرهابى , ويطلع عين أهلك , طيب ممكن تفكر فى , البرازيل , الأرجتين , أو
مورتانيا , ممكن الدول دى تلاقى فيها لقمة عيش , بالذات أنها دول داخلة
باب الديمقراطية من اوسع أبوابه .
او
: عيش زى ما تكون مش عايش , نفض , وكبر , وطنش , واعمل عبيط , عن كلام أمك
وهى بتقولك "يامدهول هاتفضل فى البيت ليل ونهار" ولا كلام أبوك "يا ابنى
انزل اشتغل اى حاجة خليك تتقندل وتتجوز" اه كبر لكلام ابوك وامك , وخليك
بااااااااااااااااااااارد , وربنا خلقلنا أذنان ليه , واحدة نسمع منها ,
والتانية ننفض منها .
وفى
النهاية , عيش حياتك , وواعى تتبعنى وتسرق , انا كنت بهزر معاك , اما فى
البرود والتناحة مع البيت , دى بقى خليك على طول , وربنا يسهلك , وتعيش
باااااااااااااااااااااااااااارد

　
　
طبعا يا جماعه ده كله هزار
مفيش حل يفيد غير اللجوء
للــه سبحانه وتعالى

**المدينة المنورة** · 10-01-2011, 11:49 AM

مفيش حل يفيد غير اللجوء
للــه سبحانه وتعالى

بارك الله فيك اخ ملواني

**الاسد فريد** · 10-01-2011, 12:20 PM

هههههه شكرا اخى الكريم
ونعم بالله

**aladin02002** · 10-01-2011, 02:54 PM

إعمل لحياتك وكأنك تعيش أبدا

وإعمل لمماتك وكانما تموت غدا

والله هذا الحديث ما عملت به أمة من الأمم ألا وكانت فى أول الأمم

وللأسف إحنا تركنا الدنيا والدين أيضا

ربنا يهدينا جميعا

وشكرا على الموضوع

**khamis50** · 12-01-2011, 12:47 PM

كلام سليم اخي

بالتوفيق

**rawshaa** · 13-01-2011, 05:52 PM

: عيش اليوم بيومه , فكر فى بكره آه , وظبط لبكره آه , بس ما تنساش
النهاردة , وتفضل شاغل نفسك ببكرة , يعنى إحنا فى النهاردة وبكرة لسة مجاش
, يبقى هانعيش النهاردة , ونعيشه كويس , وبكرة هايجى وهايكون متظبط بردة ,
لو فكرنا فيه وظبطناله كويس.

لا تقل بلأمس كنا ولا غدا سوف نكون
فإن الأمس قد ولي وغدا قد لا نكون
احنا ولاد النهارده

تسلم يا حوبي

اممممممممممممممممممواه