يعنى ايه اتش ار؟

[هشام الرميحي]

ياتري كلنا عارفين يعني ايه الاتش أر

ممكن نكون نعرف د/ فلان أصل كلامه مريح وجميل أوي

ممكن نكون سمعنا محاضرة جميلة أوي عن كذا

لكن ياتري نعرف انه علم مستقل

ياتري نعرف ايه أهميته وفايدته


تعالوا نعرف مع بعض



ركزوا معايا كدة

موضوع الاتش أر ده موجود من زماااااااان جدا
وبرغم كده ابتدى ينتشر قوى من كام سنة عندنا فى مصر وبردو لسه فى ناس كتير أوي مش عارفاه


المجال ده جميل جدا اغلبنا بيقرأ كتير فى فروعه ومواضيعه او بيسمعه او بيعمل الى فيه
من غير تعلم او حاجة ومن غير مايعرف ان ده علم


عارفين قناة smart tv دى قناة مخصصة لمواضيع ومحاضرات التنمية البشرية

عارفين د/ابراهيم الفقى ود/طارق سويدان دول مدربين عالميين فى التنمية البشرية

عارفين اختبارات الشخصية واختبارات iq لاختبار نسبة الذكاء



عارفين مواضيع ازاى تخطط لحياتك وازاى ترسم اهدافك
وازاى تنظم وقتك

وازاى تزود ثقتك فى نفسك وازاى تبقا شخصية ناجحة ومبدعة


وازاى تتعامل مع الاشخاص وتكسب الاصدقاء وتكسب حب الاخرين
وازاى تكون فرق عمل وازاى تبقى قائد ناجح فى اى مكان

وازاى وازاى و..................



وده شئ مش جديد علينا لاننا لو دورنا فى سيرة الرسول عليه الصلاة والسلام
هنلاقى معانى كتير من اللى بيتناولها هذا المصطلح "التنمية البشريه"
فى معاملات واخلاقيات الرسول عليه الصلاة والسلام والصحابة رضوان الله عليهم



بس الجديد
ان العصر الحديث تناولوا الموضوع بشكل جديد يتناسب مع احتياجات العصر
مثل الحاجة الى وظيفة تتناسب مع امكانيات الفرد ومستوى تعليمه ,
وكيفيه مواجهة الفرد الحياة العمليه وغيرها


وزى ما احنا بنعمل تنمية زراعيه للنهوض بالزراعة وتنميه اقتصادية للنهوض بالاقتصاد وزيادة الدخل .
ليه ما نعملش تنميه بشريه , للنهوض بالفرد والمجتمع الانسانى قبل اى شئ



طيب هي إيه أهداف الاتش أر دي ؟؟؟؟


- الاتش أر ده بيعلمك - إزاي تكون قادر على مواجهة الحياة والتغيرات اللي حوليك بشكل ايجابى وفعال


- بيساعدك تفكر بشكل ايجابى وابداعى
وبيغير نظرتك من نظره سطحيه الى نظرة اكثر عمقا
وبشكل مختلف للحياه اللي حواليك


- يثري تواصلك بالمجتمع بشكل اخلاقى ومؤثر تعبر فيه عن نفسك
ويولد شئ من الارتياح بينك وبين اسرتك واصدقائك وزملاء العمل وقائديه .


- بيساعدك لايجاد الوظيفة المناسبه له وكيفيه الحصول عليها
وماتحتاجه لذلك من مؤهلات ودورات سمات فى الشخصيه


- ازاي تتعامل مع فريق العمل ومع قائد الفريق

- بيجعلك تدرك إيه اهميه الوقت وإيه دورك
وإزاي تستغل طاقاتك ومواهبك وتضع اهداف لحياتك

- إزاي تتعامل مع المشكلات اللي بتواجهك بشكل ايجابى



هو ده بأة الاتش ار

[elnahas1975]

تمام يا اتش .......؟
بس من غير ار

[mohamed allam]

شكرا اخى على المعلومات

[& ربيع &]

معلومات مهمة
بارك الله فيك

[هشام الرميحي]

شكرا للمرور اخواني

[ابوكنزى]

الله ينور يا اتش ار
يوووووووووووة
قصدى يا اتش
بس هو الاتش ار دة
لة علاقة بموضوع الغيبوبة
ههههههههههههههه

[هشام الرميحي]

الله ينور يا اتش ار
يوووووووووووة
قصدى يا اتش
بس هو الاتش ار دة
لة علاقة بموضوع الغيبوبة
ههههههههههههههه

من هنا ورايح

غيبوبات و حوارات و كده

هههههههههههههههههههه

[abkareino]

فعلا معلومات مفيدة جدااا

وانا اعرف المعلومات دى بس كان الشخص دة مجرد - شخص فى قسم الموارد البشرية
او شخص اجتماعى فى مدرسة او منشائة



فعلا المعلومات دى اضافت لية حاجات كتير

شكرا يا هشام

[محمد السيد.]

شكرا يا اتش على المعلومات

[برق]

تسلبم ايدك يا اتش
فعلا معلومات اكتر من رائعة ومفيده جدا
تعلم كيف تتعلم و كيف تجعل من نفسك انسانا متميزا
فعلا هذه مواضيع حلوة وشيقه ورائعة
تسلم ايدك يا اتش