عفوا - الدخول للمصريين بس : وأنا مش مسئول لو مت من الضحكالإمتحان النهائى فى اللغة العربية لطلاب المرحلة الابتدائية
السؤال الأول: التعبير
اكتب ما لايقلعن 650 سطر فى أحد الموضوعات التالية
- لم يجد الطفل غير الشارع ملجأ نظرا لحالة البلد المقندلة .. فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 999000 جنيه للطن.. اكتب ما يمليه عليك ضميرك على أن يبدأ موضوعك بعبارة
"أنا باشتغل فىحديد عز"
- بعد انتشار ظاهرة أكل لحم الكلاب والحمير.. من وجهة نظرك كحمار تكلم عن هذه الظاهرة ومن المتسبب فيها بدون غلط.. الورق متراقب
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة.. مشكفاية بتاكلوا لحمة ومستورين.. عايزين إيه تانى؟
- ما هى اللحمة؟ أو على الأقل حدد أقرب معنى خيالى لها
- مرادف معجزة فى اللغة: هو
(تغيير وزارى - زيادة المرتبات - رغيف العيش)
اختر يا مقلول البخت
- لماذا ضربه الرجل بالجزمة وليس بالعصى مثلا؟؟
- أهو كسل .. لسة هيرفع العصاية؟
- عشان العصاية قلة قيمة برضه واحنا فى عصر الديمقراطية
- عشان العصاية شغالة مع واحد تانى .. افهم انت بقى اختر
حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــــــــــــ
السؤال الثالث القراءة من موضوع ( الزعيم..والفنان.. والقدوة) اقرأ القطعة وأجب
- ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟
- دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم .. اختر علىأن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــــــــــــ ــ
السؤال الرابع النصوص أجب عن أحد النصين الآتيين من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى فشوارعها وتشكى لها
- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فىالنص؟
المسيسبى - الأمازون – يونج يانج
هذا النص من نصوص الحزب الوطنى والدليل وجود اسم مهم من قيادات الحزب فى النص . استخرج الاسم.. وبوسه من بُقـُّه ورجَّعُه مكانه
أكمل الأبيات إلى آخر كحكة فى الكليب
قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية ..كلف ياسيدى
ــــــــــــــــــــــــــــــــــــــــــــــــــــــــ
ـمن نص (حين ميسرة)..أجب عنالآتى
اذكر اسم مصيبة واحدة محصلتش فى الزمن الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر . كمبيوتر إرهابى بقى
سبب وجود الشرطة كل خمس دقائق فى النص :
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص
ـــــــــــــــــــــــــــــــــــــــــــــــــــــــــــ
السؤال الخامس النحو
أعرب ما تحته خط.. لو مالقيتش القطعة أصلا .. اتصرف
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة .. أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط
كوز المحبة انخرم..طرطش علىكمى.. ياحبيبى بطل جفا وارحم عذاب أهلى
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
أنا بعتبر هذا الموضوع أقوى موضوع قرأته بحياتى
طبعا الموضوع منقول
الدخول للمصريين بس ( أقوى موضوع قرأته بحياتى )
رد مع اقتباس
المفضلات