من اشعار .. عمنا .. الشاعر الساخر " سيد حجاب "

[أبو ملك]

يتحدث شاعرنا " سيد حجاب " عن المجتمع

بصورة السخرية من الواقع الذى ننتمى الية

بأبيات من الشعر التى تصل بسرعة البرق الى ازهاننا


سلوا قلبى وقولوا لى جوابا * لماذا حالنا اضحى هبابا

لقد زاد الفساد وساد فينا * فلم ينفع بوليس او نيابه

وشاع الجهل حتى ان بعضا * من العلماء لم يفتح كتابا

وكنا خير خلق الله صرنا * فى ذيل القايمة وف غاية الخيابا

قفلنا الباب احبطنا الشبابا * فادمن او تطرف او تغابى

ارى احلامنا طارت سرابا * ارى جناتنا اضحت خرابا

وصرنا نعبد الدولار حتى * تقول له انت ماما وانت بابا

وملياراتنا هربت سويسرا * ونشحت م الخواجات الديابه

ونهدى مصر حبا بالاغانى * فتملؤنا اغانينا اغترابا

وسيما الهلس تشبعنا عذابا * وتشبعنا جرائدنا اكتئابا

زمان يطحن الناس الغلابة * ويحيا اللص محترما مهابا

فكن لصا إذن او عش حمارا * وكل مشاً إذن أو كل كبابا

ودس ع الناس اوتنداس حتى * تصير لنعل جزمتهم ترابا

امير الشعر عفوا واعتذارا * لشعرك فيه اجريت انقلابا

وما نيل المطالب بالطيابه * دى مش دنيا يا شوقى بيه دى غابا

[أبو ملك]

يا مصرى

يا مصرى ليه دنياك لخابيط ... والغلب محيط
والعنكبوت عشش عل الحيط ... وسرح عل الغيط
يا مصرى قوم هش الوطاويط ... كفاياك تبليط
صعبه الحياه والحل بسيط ... حبة تخطيط
فتحت باب إستيرادك
وصرفت فوق ضعف إيرادك
حلى للخواجه إستكرادك
سابك بتقرا فى أورادك
وده أشطك ونزل تشفيط
ومهولاتى تحب تزيط
ساعة الفرح زغاريط تنطيط
وفى المياتم هات يا صويت
وفى المظاهرات سخن تشيط
وفى الانتخاب تنسى التصويت
وليه بترشى وتتساهل
وتبيع حقوقك بالساهل
تستاهل النار تستاهل
ياغويط ويحسبك الجاهل
ساهل وساهى وغبى وعبيط
يا مصرى يا اللى الغلا عصرك
والنهب فى عصرك حاصدك
قوم للحياه وأسبق عصرك
ولا حاجه هاترجع مصرك
إلا أن تكون شغال ونشيط
يا مصرى ليه دنياك لخابيط ... والغلب محيط
والعنكبوت عشش عل الحيط ... وسرح عل الغيط
يا مصرى قوم...هش الوطاويط ... كفاياك تبليط
صعبه الحياه والحل بسيط ... حبة تخطيط

[أبو ملك]

ع المراجيح

يا معلقين ع المراجيح
والحبل مستورد فاخر
ليلتنا فاتت زي الريح
ما هي كل حاجة وليها آخر
بس الحقيقة المذهلة
ان الجميع في السلسلة
وفوق الرقاب يا معلمين
أحبال قطيفة مدلدلة


أصل الخواجة ابن ماريكا
لما بيدخل حواريكا
يا إما ياخدك في بطاطه
يا إما يا ابني هيأذيكا
حاكم الخواجة ابن ماريكا
هو اللي بدع الشيكابيكا


افتح عيونك فنجل
لكل من جه يتحنجل
أصل الجراد أشكال وألوان
حاطط على الأخضر بيحش
وبألف ماركة وألف دراع
وكل يوم بيبدل وش


يا ابن العرب ياللا يا ويكا
اعرف بقى مين أعاديكا
ده أنت إذا كفوفك ضمّت
ما حد يقدر يساويكا


افتح عيونك فنجلجل
لكل من جه يتحنجل
أصل الجراد أشكال وألوان
حاطط على الأخضر بيحش
وبألف ماركة وألف دراع
وكل يوم بيبدل وش

[أبو ملك]

يا عينى عليكى يا طيبة

يا عينى عليكى يا طيبة لما بتضيعى منا

لما بنصحا نلاقينا بقينا حد غيرنا

و فى عز الاحتياح لحد يضمنا

و فى عز الاشتياق لحضن يضمنا

قادرين ازاى ندوس على قلب حبنا

و بقينا ازاى كده

أجمل ما فينا قلب أصبح حتة حجر

إتعلم الخيانة و اللعب بالبشر

و مين إختار لنا و إحنا إزاى رضينا

نعيش وحوش فى غابة

و نقول مكتوب علينا

و بقينا إزاى كدة

و آه من يوم هييجى مليان جرح و ألم هتدور الدايرة بينا و هندفع التمن

و تصرخ مهما تصرخ و لا حد هيسمعك

ما فيش مركب هتقدر بالعمر ترجعك

و بقينا إزاى كدة

يا عينى عليكى يا طيبة ……

لما بتضيعى منا ……

[أبو ملك]

يا مركب العمر هو العمر كام .. واحد


يا عِشته كلّه يا ضيّعته وعليك واحد


ما تقولش أصلك و فصلك كلنا واحد


من أصل واحد ورب الكون إله واحد


يامركب العمر يامركب العمر

تقول زماني رماني أو زماني اندار


تتوه في ليل الأماني في موج عفي و غدّار


تقول زماني عماني ودربي طال بي و دار


تضيع في بحر الزمن وتعيش غريب الدار


تلقى الحياة راحت

و ان كان زمان الزمان ملا لجدودك نور


و اتعصّبوا بتاج دهب في قصور من البنور


ما هم كمان إدّوا ياما وكل شيء بالدور


و هم برضه اللي خلّوا بينا الزمن ده يدور


و العالم ارتاحت

يا مركب العمر هو العمر كام .. واحد


يا عِشته كلّه يا ضيّعته وعليك واحد


ما تقولش أصلك و فصلك كلنا واحد


من أصل واحد ورب الكون إله واحد


يامركب العمر يامركب العمر

[أبو ملك]

ودي يا جماعة قصيدة جامدة جداً
اسمها .. اعلان وسيجارة وقاعدة وكاس ..
بس للأسف مش كاملة
وده الجزء الأول منها

الإعلان بيقول:
دخن دخن دخن دخن
شفطا نفخا
شدا بخا
ودنك تخن
تصتك سخن
تصبح أزكى وأكبر مخا
لما الدنيا ترخم دخن
لما الحالة تسخن دخن
فايق ولا موخم دخن
متواضع أو متضخم دخن
متفرعا قوي أو متفرخا دخن
دخن دخن دخن


وان شاء الله هكملة قريب قوى

[EXplORer_70]

دخن دخن دخن دخن
شفطا نفخا
شدا بخا
ودنك تخن
تصتك سخن
تصبح أزكى وأكبر مخا
لما الدنيا ترخم دخن
لما الحالة تسخن دخن
فايق ولا موخم دخن
متواضع أو متضخم دخن
متفرعا قوي أو متفرخا دخن
دخن دخن دخن

ياسلام عليك يابوب

بجد كلمات فى غاية الجمال

تسلم لك يابوب

وبانتظار التكلمة ضرورى

احلى تقيم لك ياغالى

[أبو ملك]

ان شاء الله بكرة بكتيره
انا مسجلة من على قناة دريم
هنقلها يا بوب

[EXplORer_70]

ان شاء الله بالانتظار

[sami2007]

مشكور على قصائد