كل سنة وانتم طيبين ويا رب يكون عيد سعيد عليكم
العيد عدى وجه وقت الشغل والكفاح من تاني
طبعا كلنا عارفين ان الموديلات التي بداخلها بطارية داخلية تحدث بها مشاكل كثيرة مثل
عدم الاقلاع
التهنيج
الفصل في المكالمة
الخ......
طبعا فية واحد يقول اننا نغير البطارية الداخلية خالص لانها بتكون ضعفت
طيب انا فعلا غيرت البطارية الداخلية ونفس العيب التليفون بيفصل اثناء المكالمة او في الmp3 اذا العيب مش بطارية داخلية
طيب العيب فين؟
العيب بيكون في ضعف اجزاء مكونات البوردة لانها اصبحت غير قادرة على اداء وظيفتها وهي نقل الفولت اللازم لتشغيل الهاتف بالشكل الكامل
طيب دلوقتي هانعمل اية علشان نحل المشكلة ؟
طبعا الطريقة معروفة بالنسبة للماتريكس وهي توصيل الموجب للبطارية الداخلية بموجب ريش البطارية الخارجية وطبعا كلنا عارفين ان الكوبري دة بيكون واخد من اول التليفون الى اخرة وفية اوقات كتيرة بيعمل تلامس مع مقاومات التليفون مما يسبب المشاكل مثل القافلات وعدم الاقلاع وهذا الكوبري(البريدج) بيكون
( شكلو رخم اوي اوي اوي)
طيب فية مشكلة تانية؟ هي انا لو وصلت الكوبري والتليفون ما اشتغلش وما رضاش يسحب على البور سبلاي اعمل اية ؟
طبعا بقول اكيد المشكلة في الكيباد طيب اعمل اية؟
غيرت الكيباد ونفس المشكلة
طيب العيب فين دلوقتي؟
هاقولكم العيب فين
العيب غالبا بيكون في انقطاء خط الموجب للبطارية الداخلية او تلف الاجزاء الموصلة للفولت الخاص بالبطارية الداخلية
طيب فين الحل ؟
الحل بسيط جدا بس عايزكم تركزو معايا شوية والحل دة ساري على
كل الموديلات
التي تحتوي
على بطارية داخلية
طيب اعمل اية علشان احل المشكلة؟
لازم يكون معاك ادوات
اية هية الادوات دي؟
الادوات المطلوبة
جهاز بور سبلاي
وهذا الجهاز له اهمية كبيرة في تحديد الاعطال
جفت عادي
وطبعا بوردة الجهاز المراد عمل تعويضة البطارية لة
اولا - اوصل اطراف الموجب والسالب الخارجين من البور سبلاي الى ريش التليفون بالطريقة الصحيحة الموجب مع الموجب والسالب مع السالب
ثانيا - امسك التليفون بيدك اليسرى ويكون في وضع افقي بحيث تكون بوردة الجهاز لاعلى وشاشتة الى اسفل وبأصبعك بنفس اليد اضغط على زر البور بشكل مباشر
(ابقى ضاغط على زر البور ضغط مستمر)
طبعا البورسبلاي واصل بالجهاز ولاحظ عدم سحب الجهاز لاي فولت رغم توصيلة بالبور سبلاي وطبعا لان خط الموجب للبطارية الداخلية مفقود
ثالثا - امسك الجفت باليد اليمنى وضع طرف منه على ريش البطارية الموجب وفي نفس الوقت بيكون موجب وسالب البور واصلين بريش الهاتف الموجب مع الموجب والسالب مع السالب وبطرف الجفت الاخر مرر على النقاط والمقاومات القريبة من ريش البطارية المشار اليها بالصورة وغالبا بتكون في نفس الاتجاة الريشة الموجب وطبعا خلي عينك على عداد البور سبلاي
ملحوظة خلي البورسبلاي على
3:8 الى 4.5
فولت
لان هذة العملية من المحتمل ان تحدث شورت بسبب التوصيل الخاطئ طبعا ما تقلقش
مش هايسبب اي مشكلة
لو لاحظت ان البور سبلاي
كتب صفر من الجهتين
دة في حالة استخدام البور المرفق في الصورة اعد فصل البور سبلاي وتشغيلة مرة اخرى وكرر العملية الى ان يستجيب الهاتف بسحب فولت من البور من جهه اليسار ولاحظ اقلاع الهاتف بعدها
وبكدة يبقى قدرنا نحدد النقطة المفقودة اللي عايزينها وطبعا هاتكون اقرب
بكثير
وكثير
وكثير
من نقطة موجب البطارية الداخلية
اوصل سلك معزول من خلف موجب البطارية الخارجية بعد تزويد قصدير علية بسن المكواة بحرص
ولاحظ
وعدم تلامسها مع اي قطعة اخرى من البوردة
ووصل الطرف الاخر من السلك المعزول
الى النقطة اللي حددناها في الطريقة السابقة بعدها وصل البطارية الخارجية وأضغط زر بور
الان
الجهاز اشتغل 100%
معلومة : ممكن تسيب البطارية الداخلية واصلة عادي في حالة ضعفها ولاكن الهاتف لن يعمل الا بالبطارية الخارجية
وفي النهاية اتمنى لكم التوفيق
كل سنة وانتم طيبين
مع تحياتي
اخوكم
ahmedana
ابو عمر
المفضلات