اخرج من بيتي يا .....وارجع بات مطرح ماكنت اااااااااامشي !!!!&

[omarfone]

اهلا بيكم ياشباب





الساعة كام فى ايدك يافندى؟" طب ارجع بات مطرح ماكنت"
البيت ده محترم و له تقاليده و لن اسمح طول مانا عايش ان النظام يتلخبط
ياهانم بنتك راجعه الساعه حداشر من بره و انا ليا كلام تانى معاها
مانتا فاشل و انا قلت لك ابعد عن الشلة البايظه الى انت ماشى معاها و الا هيكون ليا تصرف تانى
و كمان بتشرب سجاير يا كلب دانت لسه بتاخد مصروفك منى بالذمه سمعنا الجمل دى كام مره من بابا؟
كام مرة اتحرمت من المصروف كام مرة اتلطخت قلم على سداغك؟ كام مرة والدتك قالتلو سماح المرة دى عشان خاطرى ؟؟!!!!!






غير طبيعى .... نفس السيناريو لكل الاباء و نفس العند من كل الابناء – مش عايزين يفهموا ان الممنوع مرغوب – و ان ممكن من كتر مابيمنعونى انى ماحطش ايدى فى النار حطيتها بالعند فيهم
دى نفس القصة القديمة – سيدنا ادم ماكلش غير من الشجرة الوحيده اللى المفروض مايقربهاش لكن نقول ايه ؟؟
طبيعى ان بابا عايزك تبقى (بدون عيوب) و شئ طبيعى انو عايزك تبقى مؤدب و محترم و رجل منذ نعومة اظافرك و عايز البنت تبقى طوع و منكسرة و مؤدبه جدا.. جدا.. جدا (بموت فى كاريكا)ههههههه – و لكن اللى بيحصل ان التطبيق بيختلط على السواد الاعظم من الاباء و بيوصل بيهم الامر احيانا الى ( و العياذ بالله) انا ربكم الاعلى اامر فاطاع ليه كده؟؟ انا ابويا لوكان شاف فى ايدى فنجان قهوه و انا مراهق كات ليلتى تبقى كوبيا و بدون وعى ادمنت القهوة لما قرب يجيلى قرحة !! و مره بجرب سيجارة حلوانى كده و اتقفشت و من اللى شفتو نزلت اشتريت علبه بالعند فيه !!!





يا ابويا يا حبيبى لاهو انت فاكر ان الرذيله لا ترتكب الا بعد الساعة 11 ؟ ها ها طب تعالى نشوف كام بنت فى الثانوى و الجامعة انهارده نازله من بيتها الساعة سبعة صباحا تجرى عشان يا كبدى تلحق المحاضرة الاولى و لو بس بصيت فى شنطتها هتلاقى بيبى دول (مالوش ترجمة )
كام بنت بتنزل الصبح و ابوها بيدعيلها : ربنا يسهلك يا بنتى و ينجحلك المقاصد و مقصوفة الرقبة رايحه تقابل زميل و فى البوك(كلمة بلدى موت) بتاعها ورقة بعنوان : عقد زواج عرفى !!!!!!!!!!!!!!!!!!
على فكرة الشياطين مابتفتحش بعد الساعة 11 بس الشياطين توينتى فور سيفين مابيقفلوش
العيال مابتغلبش سن المراهقة ده منيل اوى و بيبقوا فاكرين انهم لو فردوا دراعاتهم هتساع الدنيا و مافيها هما فعلا شايفين كده
طيب واحد من الاوسكاريه يسالنى و يقوللى ايه الحل يعنى نسيبهم على حل شعرهم؟ نطلقهم فى الشوارع عشان ترتاح؟؟



انا بقى اقولو لا بس لازم شوية نتغير لازم نركب الموجه لازم لو جالك الطوفان تنخ و تشيل ابنك على راسك
لو عملنا احصائية ولو بين الزملاء هنا :
كام واحد و واحده حب قبل سن 15 سنه؟ منتظر ردود
كام واحد و واحده شرب اول سيجاره او نفس شيشه قبل هذاالسن ؟ منتظر ردود
كام واحد و واحده شاف فيلم فيه مناظر او مجلات من اللى و العياذ بالله قبل هذا السن ؟ انا واحد من الناس شوفت افلام كتير وبمنتهى الصراحه لاكن ؟ منتظر ردود
كام واحد و واحده مارس علاقة كامله قبل سن العشرين ؟ مش منتظر حاجه و انتو و ضميركم
هيا نتكاشف هيا نخلع الاقنعة لاننا فعلا يهمنا جيل جاى نضيف
ليه يا امهات لما تيجي بناتكم اللى فى الجامعة و تصارحكم : انى اعرف ولد زميلى بيحبنى و انا مياله ليه ماخدتيهاش على جنب فى حضنك و قولتى لها و مالو انا عايزه اشوفو و اشوف مامته و اتعرف على اهل اللى خلفو امه (مش نهارك مطين دانا هطلع ميتينك انهارده يافاجرة – ده الرد الديفولت)




ليه ماتقوليش هاتيه البيت يقابلك هنا ماهما هيتقابلوا هايتقابلوا عايزين يحسوا بحاجات حلوه بتزغزغ الحته الجوانيه ( اللى فوق ناحية الشمال و انت طالع) - ليه ماتلاقيكيش جنبها تفطميها عالصح و الغلط و الحلال و الحرام ليه ماتعلميهاش ازاى تصون كرامتها و ايه اللى ليها و اللى عليها ؟؟؟؟؟؟
انا عارف ان دى مش ثقافتنا و هتشتم لما اشبع دلوقتى بس برضو الاقمار الصناعية مش ثقافتنا هيفا وهبى مش ثقافتنا قناة اكس اكس معرفش كام مش ثقافتنا افلام ايناس الدغيدى مش ثقافتنا البت اللى بتحمى الحصان و جابته ارضا مش ثقافتنا (على فكرة الحصان بيتعالج فى مستشفى بروك الخيرى و فاقد القدرة على الصهيل ادعولوا) هكهكهكهك احنا دلوقتى بنتجرجر الى هاوية سحيقة محيقة بالانفتاح على الاعلام الغربى ديك النهار زميله بتحكيلى على سايت كلو عبارة عن كليبات لبنات صغيرة بتفض غشاء بكارتها بمعرفتها اصطناعيا و بيصوروها احتفالا بهذا الحدث المشرف!!!!!!!!!!!!!!!!!!!!!!!!ا



ها لسه لنا كام سنه عالموضوع ده؟ تفتكروا كام؟
محدش راح مارينا يا شباب مارينا دى قطعة ساحلية تنتمى لمصر؟ اللى ماشيه هناك و صرتها مش باينة (لا صرتها ايه دى الصرة دى فى القاهرة كل حاجة مش باينة) بتحتقر احتقار شديد و البنات بيبصولها و يشاوروا و يكتموا الضحك
غلفوا الدين و الفضيلة للشباب بطريقة سلسة و لذيذه تتماشى و الاطار اللى احنا فيه حببوهم فى ربنا و الدين و الحياه و الحب و التفاؤل و قبل ده كلو حببوهم فيكو كفايانا اخرج من بيتى يا كلب و تسع سنين مفيش مصروف و الهم الازلى ده الله يمسيك بالخير ياللى قلت : نسك على بناتنا بس نسلمهم المفتاح
ياله تحياتي ليكم جميعا وبشكركم على المتابعه بس عاوزين نناقش مناقشه واسعه تبين مدى اختلافنا وتقربنا الفكري ياله مستني ردودكم ونقابل بقى المرة اللي جايه من قنبله بحضرلها ليكم ياله سلامونتي يامونتي