كيف اصبح محترف صيانة

[elking abbas]

السلام عليكم ورحمة الله وبركاته
نداء الى كل اعضاء الجيم فلاش
بصراحة انا مالقيتش منتدى ذى الجيم فلاش فى الموبايل انا من وجهة نظرى ان هو المنتدى الاعظم على الاطلاق
انا مش هطول عليكم انا مهندس فنى صيانة فى الموبيلات بقالى 4سنين بس بصراحة فى مشكلة نفسى الاقيلها حل ومعظم اللى شغالين فيها بيشتغلوا ذى ما انا بعمل بالظبط
بس انا بصراحة حاسس انى شغال وانا مش فاهم نفسى اعرف ازاى اوصل للعيب علمى اولا قبل ما اوصل للعيب عملى يعنى بمعنى اصح مثلا لو جالى عيب ميمورى كارت مش شغال كل اللى بنعمله بنغير الكرستالات بتاعة الميمو والبيت الجهاز لو جاب خير وبركة ولو ماجابشى بنوقف ساكتين مابنعرفش نعمل ايه تانى فى التليفون وبنرجعه للزبون
يعنى بمعنى اصح انا مش عايز اطول عليكوا انا نفسى عرف ازاى اتعامل مع المخططات وازاى اعرف ان فى تراك فاصل على البوردة مثلا عن طريق القياسات وتكون بطريقة واضحة وسهلة علشان اللى مش فاهم يقهم
انا حاولت كتير جدا فهم الموضوع ده وماعرفتش والمشكلة اللى بتواجهنى عند البحث عن عطل فى المنتدى بنلاقى الاوة الاعضاء بيردوا علينا وبيفهمونا ازاى ناخد القياسات علشان خاطر نوصل للعيب بس لكن اللى انا عايزه ان احنا نبقى فاهمين ازاى نعمل الكلام ده من غير ماندور
وانا اسف لالااطالة

[محمد صلاح]

بسم الله الرحمن الرحيم
نشكرك اخى على الشهادة هذه ونحن سعداء لاننا نخدم اخواننا الاعزاء

ويمكنك اخى متابعه قسم مدرسه الصيانه ستجد كل ما يفيدك فى عالم الصيانه من مواضيع مهمه مقدمها اساتذة كبيرة وشروحات عظيمه
https://www.gem-flash.com/vb/forumdisplay.php?f=109


وبالنسبه للمخططات ايضا يوجد قسم للمخططات وشرح طريقه استخراج العطل منها

[نـاصـر الشـافـعي]

تمام محمد وايضا قم بزيارة هذا القسم سيفيدك كثيرا

دليل تصليح والأسئلة الشائعة

ولو في مشكله عندك او شئ مش فاهمه اعمل بيه موضوع جديد واحنا هنساعدك

بالتوفيق ان شاء الله

[::ahmed muka::.]

ودايما اعضاء المنتدي ومشرفيه معاك 24 ساعة في اي حاجة تقف معاك

[mohammeddaas]

بسم الله الرحمن الرحيم
شكر لكل الاخوة المشرفين والاعضاء
نحن غايتنا أن ننشر العلم الذي تعلمناه والحمد لله أن سخر لنا هذا الصرح العظيم ( الجيم فلاش ) لنقوم بمساعدة الاخوة في كل ما يحتاجونه