قائمة الاعضاء المشار اليهم
صفحة 1 من 4 1234 الأخيرةالأخيرة
النتائج 1 إلى 10 من 33

الموضوع: يعني ايه فيس بوك؟

  1. #1
    .:VIP Moderator:.
    الصورة الرمزية 3llam

    الحالة
    غير متواجد
    تاريخ التسجيل
    Sep 2007
    الدولة
    Alexandria, Egypt, Egypt
    العمر
    32
    Sonork
    1654541
    Phone
    IPHONE 4S
    المشاركات
    13,794
    الشكر
    27,578
    شُكر 36,132 فى 8,477 مشاركة
    تم تذكيره فى
    2 مشاركة
    تمت الاشارة اليه فى
    43 مواضيع
    معدل تقييم المستوى
    649

    Question يــعــنــي ايــــه فـيــس بــــوك؟

    السلام عليكم ورحمه الله وبركاته





    بما ان الفيس بوك اتهكر

    واتوقف لمده ساعات بل اقل من ذلك

    استوقفنى عده اسئله


    facebook logo



    اولا
    الكلام ده اتقال ع الفيسبوك ....ايه رايكم ؟؟؟؟؟





    ع الفيسبوك


    1

    عرفت ناس وهمية ..
    ولما قابلتهم ..


    طلعوا كدة فعلاً !



    2
    حضنت الفرحة ونمت ..
    صحيت من غيرها ..
    قمت عملت ريفريش ..
    لقيتها في بروفايلها !


    3
    مؤمنين عاملين ملحدين ..
    ملحدين عاملين مؤمنين ..
    لكن اللي شفته كتير كانوا ..
    حيوانات .. عاملين بني آدميين !
    .............




    يعني ايه فيسبوك؟.

    يعني تقعد تتناقش بالساعات والأيام ..


    وفي الآخر كل الكلام ده يروح في الهوا وماحدش بيتغير
    ..............



    يعني ايه فيسبوك؟

    يعني لما واحدة تتعلم الطبيخ وتيجي تدوق أكلها وتلاقيه حلو أوي تجري ع الفيسبوك وتكتب ستاتس : أنا فظييييييييييييييعة!


    والمطلوب منك إنك تستنج سر الفظاعة
    ................


    يعني ايه فيسبوك؟.



    يعني إنك تعيش فيها شوية وتحس بقيمتك ..
    اللي يضايقك تعمله دليت وبلوك .. وكدة بقى مش موجود .
    اللي يكتب كومنت سخيف .. أمسحه بالكومنت على طول .
    اللي بيستظرف أو اللي مش نازلك من زور دخله النار بتاعتك وأطرده من قائمتك .
    .................


    يعني ايه فيسبوك؟؟.





    يعني إنك تكتب ستاتس .. وتبص عليها كدة من بعيد وتقول "ايه يا واد العبقرية ديه" ..
    تروح عامل لايك!


    ..................
    يعني ايه فيسبوك؟

    يعني إنك تعرفنا تقريرك اليومي لشخصك المبجل ..
    "أنا قررت استحمى النهاردة يا جماعة" !


    .................



    يعني ايه فيسبوك؟؟


    يعني شباب فاضي فاكر إنه مكافح ..
    شباب عاطل فاكر نفسه مثقف ..
    شباب مالوش لازمة .. بقالهم لازمة



    .................



    يعني ايه فيسبوك؟


    يعني إنك لما تحس إنك سخيف وفي نفس الوقت صادق مع نفسك .. تروح تفكر تعمل ريبورت للأكونت بتاعك!


    .................


    يعني ايه فيسبوك؟


    يعني إنك لما تعمل صفحة وتنجح .. تلاقي 5 مليون صفحة طلعت زيها بتقلدها ..
    وكل واحد حسب فكره ..
    عندك على سبيل المثال .. صفحة "بس يا سيدي وقامت معيطة"



    ..
    قامت فتاة .. بتحويلها "بس يا سيدي وقام معيط" ..

    ثم ظهر رد فعل عبثي رائع .. "بس يا سيدي وقام عمل ريبورت للصفحة"


    ...................

    يعني ايه فيسبوك؟


    يعني إنك لما تحب تشتغل في البشر تعمل صفحة يتيمة سب في الله أو الأديان ..
    عشان تلاقي 5000 أهطل عمل مليون صفحة للرد عليها !
    والأظرف أن تجد كل كارهي الصفحة يدخلوها ليطلبوا من الآخرين الخروج منها !



    ..................
    يعني ايه فيسبوك؟



    يعني سبوبة لناس وشهرة لناس وبيزنس لناس ..

    بكرة هطلع على إذاعة مدغشقر الرسمية .. اسمعوني !





    .................

    يعني ايه فيسبوك؟



    يعني مولد وصاحبه غايب ..
    يعني ناس بتتريق ع الدين ..
    وناس بتدافع عنه ..
    ناس عايزة تحرق الفقرا ..
    وناس عايزة تغتصب الأغنيا ..
    ناس بتشجع الأهلي ..
    وناس ملهاش في الكورة ..
    ناس بتعبد عمرو دياب ..
    وناس بتسجد لتامر حسني ..


    ..................



    يعني ايه فيسبوك؟.


    يعني ملتقى المرضى النفسيين في كل مكان !



    .................

    يعني ايه فيسبوك؟

    يعني إنك لما تقبل صداقة حد ييجي يكتبلك ع الوول شكراً ع الإضافة !
    يعني حد يضيف واحدة ولما تسأله عن سبب الإضافة يقولها أصلي افتكرتك سِنجِل !
    يعني -إنت كشخص بياناتك واضحة- لما تقبل صداقة بروفايل وهمي , ييجي بعدها يسألك إنت مين؟


    ...................



    يعني ايه فيسبوك؟

    يعني انك تكتب نوت وتنام ..
    تصحى تلاقي ناس شغالة بتشتم بعض في التعليقات !
    (يلا يا حبيبي انت وهو .. كله على بروفايله .. هنرش مية)



    ................
    يعني ايه فيسبوك؟



    يعني هبل طبعاً
    ..............


    يعني ايه فيسبوك؟



    يعني علاقات , حب , خطوبة , علاقة مفتوحة , جواز ..
    يعني إنك تكون مرتبط باتنين على بروفايلين ..
    يعني انك تكون مرتبط بشخصية وهمية ..
    يعني لما الناس كلها تيجي تباركلك العلاقة الجديدة في التعليقات .. ومن ورا ضهرك .......
    يعني الناس تقولّك العلاقة ديه هايلة ولما تلغيها .. نفس الناس يقولوا معلش إنت أحسن برضه ..




    ................
    يعني ايه فيسبوك؟





    يعني لما الفضا يجيب آخره معاك تروح مألف شخصية وهمية أكثر جرأة من شخصيتك الحقيقية عشان تأكد على كلامك ..
    يعني لما الجنان يجيب آخره معاك تروح مألف شخصية وهمية ضد أفكارك تماماً ولا بأس لو تعاركت مع شخصيتك هذه في تعليقات بالسباب رايح جاي .. أمام الجميع !


    ..................



    يعني ايه فيسبوك؟

    يعني الناس تبطل تعترض على أفكارك ..


    لغاية ما تكتشف -بعد ما أكونتك يتقفل- إنهم كانوا بيعملوا ريبورتات للأكونت بتاعك في صمت وإخلاص!


    ................




    يعني ايه فيسبوك؟

    يعني واحدة تيجي تقول : أنا هنتحر يا جماعة !
    وكله ييجي يهدي فيها عشان تعقل
    ماعدا حد بحترمه جداً ممكن يكتب : هتوحشينا !





    ................

    يعني ايه فيسبوك؟





    يعني حد يكتب ستاتس : والدي توفى اليوم!


    ويروح ييجي واحد يعمل لايك !



    ................
    يعني ايه فيسبوك؟
    ................


    يعني إنك تحط لينك من ساعة لتجد عليه تعليق من 10 ساعات !
    يعني إنك تحط لينك من ساعتين لتجد بعض التعليقات اختفت من عليه ..
    يعني إنك تحط لينك من 3 ساعات لتجد بعدها الأكونت بتاعك اتقفل ..
    يعني إنك تبعتلهم رسالة عشان يرجعوا الأكونت من 4 ساعات فيطلبوا منك إنك تصور البطاقة أو رخصة العربية وتبعتهالهم عشان يتأكدوا إنك أنت أنت ..
    يعني إنك لما تبعت اللي عايزينه من 5 ساعات يفضلوا يبعتولك نفس طلبهم بكل آلية ..
    يعني إنك بعد 6 ساعات تظبط نفسك عشان تعمل أكونت جديد ..



    ..................

    يعني ايه فيسبوك؟





    يعني إنك تلاقي الملحد بقى مؤمن ..
    المؤمن بقى ملحد ..
    المسلم بقى مسيحي ..
    المسيحي بقى مسلم ..
    يعني إنك تلاقي الملحد اللي بقى مؤمن رجع ملحد تاني !
    والمسلم يقلب يهودي !
    والمسيحي يرجع بوذي !
    ..................


    يعني ايه فيسبوك؟



    يعني إنك لما تكتشف إن اللي قارفك في عيشتك بتعليقات خنيقة ممكن يطلع ..


    أخوك .
    أو صاحبك .
    أو إنت نفسك !


    .............
    يعني ايه فيسبوك؟



    يعني جوز خالتك يطلع عمتك !
    ..............



    يعني ايه فيسبوك؟



    يعني إنك تحس إن اللي حواليك كلهم متنورين , معارضين , مثقفين !
    تطلع للشارع تلاقي عكس الكلام ده ..



    وغالباً العكس ده بييجي من نفس مثقفي الفيسبوك !
    مع تحيات الفصام .


    ............
    يعني ايه فيسبوك؟

    يعني إنك تحب فتاة لأيام وشهور ولو متخلف عقلياً ممكن نقول سنين كمان !
    ترفض لقائك لأنها محترمة .
    تضع لها صوراً كثيرة لتؤكد على شخصيتها
    أو ترفض أن تريك صورتها لأنها محترمة !
    وترفض أن تعطيك رقم المحمول لأنها محترمة !
    وفي الآخر تطلع واحد صاحبك بيشتغلك اشتغالة محترمة !




    .............










    استوقفتني عده اسئله

    انت وانا وغيرنا كتير الفيس بوك اجتذبنا وخد منا وقت كبير..........


    انت او انتي ماذا يعني لك الفيس بوك بالزبطicon5
    ماذا استهواك
    icon5 التعارف .. الالعاب ... التجمعات ...
    او غير ذلكicon12

    ولماذا انت هناك
    icon5



    هل حافظت على شخصيتك الحقيقيه والطبيعيهicon5



    ماذا استفدت وماذا خسرتicon5







    اللهم إني ظلمت نفسي ظلماً كثيراً، ولا يغفر الذنوب إلا أنت. فاغفر لي مغفرةً من عندك، وارحمني إنك أنت الغفور الرحيم

    جيم فلاش
    = هوستينج العرب


  2. #2
    صديق المنتدى
    الصورة الرمزية MoHaMeD GaZaL

    الحالة
    غير متواجد
    تاريخ التسجيل
    Mar 2010
    الدولة
    سيـــنــــاء
    العمر
    29
    Sonork
    100.1622347
    Phone
    i phone 5
    المشاركات
    3,360
    الشكر
    10,652
    شُكر 6,493 فى 2,260 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    113

    افتراضي رد: يــعــنــي ايــــه فـيــس بــــوك؟

    فيس بوك

    يعنى هيافه × هيافه

    حسبى الله ونعم الوكيل


  3. #3
    .: جيماوي نشيط :.
    الصورة الرمزية جاد عوض

    الحالة
    غير متواجد
    تاريخ التسجيل
    Aug 2010
    الدولة
    لا اله الا الله
    Phone
    c905
    المشاركات
    410
    الشكر
    1,510
    شُكر 440 فى 212 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    19

    افتراضي رد: يــعــنــي ايــــه فـيــس بــــوك؟

    موضوع جميل قوي قوي ههههه والله كلامك كلو تمام وانا دخلت على الفيس بوك موش اكثر من فضول بس لقيت نفسي عملها سوبرمان ههههههههه ولقيت طلبات الصداقة تنزل عليا بالجملة
    لاني جعلت من نفسي صاحب دم خفيف مع اني العكس تماما ههههههه
    والله اخي الحبيب بعدها وعرفت انو الفيس بوك دا لناس ملهاش في التاريخ ولا الحضارة ولا كل دا
    ماعدا ماعد القليل منهم من يغتنم فرصة لصلح ةتعغيير الذات وبناء المجتمعات خاصتا كعرب ومسلمين ولكن ما لا يخفي على لبيب ان معظم مشتركي هذا الموقع الذي جعلو منه صرخة الحضارة كلهم ناس فضيين ملهمش هدف في الحياة وربنا يستر من الايام الي جية ويجيب العواقب سليمة
    الف شكر اخي على الموضوع المميز وذوقك الاكثر تميز في اختيار المواضيع الهادفة

  4. #4
    .: جيماوي نشيط :.
    الصورة الرمزية عمر الفيلالي

    الحالة
    غير متواجد
    تاريخ التسجيل
    Dec 2008
    الدولة
    Tunisia
    العمر
    36
    المشاركات
    429
    الشكر
    316
    شُكر 258 فى 162 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    22

    افتراضي رد: يــعــنــي ايــــه فـيــس بــــوك؟

    أكره الفيسبوك لأنو حطملي حياتي

  5. #5
    .: جيماوي محترف :.
    الصورة الرمزية Abu Ahmed*GEM

    الحالة
    غير متواجد
    تاريخ التسجيل
    Sep 2007
    الدولة
    تركيا - اسطنبول
    Sonork
    100.1589366
    Phone
    s3 Neo
    المشاركات
    2,913
    الشكر
    9,414
    شُكر 3,099 فى 1,615 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    186

    افتراضي رد: يــعــنــي ايــــه فـيــس بــــوك؟

    ..................



    يعني ايه فيسبوك؟.


    يعني ملتقى المرضى النفسيين في كل مكان !



    .................

    المعنى دة صحيح 100%

    فيس بوك - نت لوج - سبيس مان - الخ.....

    والحمد لله أني لم أسجل بكل هذه المواقع لأنني كنت مدركاً وقتها بأنه مضيعة للوقت واثارة الفتن ودي الوقت ظهرة الحقيقة أمام اللذي يعقل هذا الكلام

    ممتاز أخي علام

    بارك الله فيك وبارك الله في اللذي يعقل بهذا الكلام
    التعديل الأخير تم بواسطة Abu Ahmed*GEM ; 24-09-2010 الساعة 09:23 AM

  6. #6
    من مؤسسي المنتدى
    الصورة الرمزية Raul

    الحالة
    غير متواجد
    تاريخ التسجيل
    Dec 2008
    الدولة
    مصرى اماراتى
    المشاركات
    13,984
    الشكر
    37,632
    شُكر 44,674 فى 10,694 مشاركة
    تم تذكيره فى
    1 مشاركة
    تمت الاشارة اليه فى
    4 مواضيع
    معدل تقييم المستوى
    1310

    افتراضي رد: يــعــنــي ايــــه فـيــس بــــوك؟

    مابكرهه فى حياتى قده
    كنت مسجل فيه من سنوات وكان لدى اربع اصدقاء وكمان كنت مخفى يعنو محدش يشوفنى ولا يسمح له بعمل اضافة لكنى كرهته وتركته بسبب المهاذل التى به ربنا يهدينا جميعا يارب تسلم حبيبى على الموضوع الرائع

  7. #7
    صديق المنتدى
    الصورة الرمزية gsm.magic

    الحالة
    غير متواجد
    تاريخ التسجيل
    Jan 2009
    الدولة
    المــــغرب
    Sonork
    100.1592533
    Phone
    غير قار
    المشاركات
    4,112
    الشكر
    10,458
    شُكر 14,123 فى 2,862 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    513

    افتراضي رد: يــعــنــي ايــــه فـيــس بــــوك؟

    يعني ايه فيسبوك؟.


    يعني ملتقى المرضى النفسيين في كل مكان


    تسلم اخي علام على الموضوع
    واحلى تقييم
    +++++

    GEM-FLASH
    [SIGPIC][/SIGPIC]
    Gsm.magic

  8. #8
    صديق المنتدى
    الصورة الرمزية ميناالمصري

    الحالة
    غير متواجد
    تاريخ التسجيل
    Jun 2009
    الدولة
    النواهض
    العمر
    27
    Phone
    nokia n70/1100
    المشاركات
    12,405
    الشكر
    4,563
    شُكر 16,734 فى 6,302 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    270

    افتراضي رد: يــعــنــي ايــــه فـيــس بــــوك؟

    الفيس بوك!!!!!!!!!!!!!!!!!!!!!!!!!!!!!!!!!!!!!!!!!!

  9. #9
    .: جيماوي متالق :.
    الصورة الرمزية master mobil

    الحالة
    غير متواجد
    تاريخ التسجيل
    Mar 2008
    المشاركات
    1,206
    الشكر
    262
    شُكر 377 فى 230 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    31

    افتراضي رد: يــعــنــي ايــــه فـيــس بــــوك؟

    مش احنا فى زمن العولمه والتكنوليجيه
    منه لله تامر ابوالليف
    منهم لله الى بوظوا الشباب
    الطفل فى اليابان بيخترع اختراع جديد ××××××××××××وفى مصر اعقد على الفيس بوك

  10. #10
    .: جيماوي متالق :.
    الصورة الرمزية karim1980

    الحالة
    غير متواجد
    تاريخ التسجيل
    Jun 2008
    الدولة
    الجزائر
    المشاركات
    1,277
    الشكر
    1,762
    شُكر 1,514 فى 684 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    35

    افتراضي رد: يــعــنــي ايــــه فـيــس بــــوك؟

    يعني ايه فيسبوك؟؟


    يعني شباب فاضي فاكر إنه مكافح ..
    شباب عاطل فاكر نفسه مثقف ..
    شباب مالوش لازمة .. بقالهم لازمة




    مشكور اخي كلامك صحيح ،شغلونا بالتفاهات

صفحة 1 من 4 1234 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •