مشكلة صوت زنه عند رنين مكالمة واردة ومشكلة رمز الحماية

**the master** · 13-09-2010, 09:45 AM

السلام عليكم

انا اشتريت من اسبوع او اقل من اسبوع تليفون

G-Tide G7

بس بقى بيحصل معايا ان لما حد يرن عليا التليفون بيشتغل صوت النغمة عادى ولكن بيظهر صوت زنه فظيعة اثناء صوت الرنة مع انه في الاول الصوت كان طبيعى امبارح بس ظهرت مشكلة صوت الزنه دى

ارجو معرفة ايه سبب مشكلة صوت الزنه ده اللى بيظهر مع صوت الرنه رغم ان الرنة صوته نقى جدا فى الاصل وكان التليفون فى اول 3 ايام بدون المشكلة دى وايه الحل يا جماعة

الحاجة التانية :
رمز حماية التليفون الافتراضى 1234 لا يعمل كل ما اجرب ادخله يقول رمز خاطئ من ساعة ما اشتريت التليفون على كده يعنى انا لا غيرت الرمز الاصلى ولا حاجة اصلا

بصراحة خلاص انا دلوقتى مقتنع ان اى تليفون صينى زبالة وخسارة فيه الفلوس فعلا اهئ اهئ اهئ ....

رجاء مساعدتى

**the master** · 13-09-2010, 10:32 AM

رمز الحماية طلع 1122 لتليفون gtide g7 على عكس الكلام اللى مكتوب فى الدليل بتاع التليفون ههههههه

فاضل بقى مشكلة صوت الزنه يا جماعة لما حد يتصل بيا صوت النغمة بيطلع وكمان معاه صوت الزنه فى نفسا لوقت

ايه الحل بقى

**ابوكنزى** · 13-09-2010, 01:13 PM

ممكن تخلى صوت نغمة الرنين اقل شوية
جرب و رد علينا
متابع معاك

**the master** · 13-09-2010, 02:03 PM

مستوى صوت الرنين هو اقل مستوى رقم 1

وبرده اصلا درجة الصوت بتبقى عالية مقارنة بالتليفونات الاصلية

يعنى انا عامله درجة 1 مستوى الصوت بس صوته عالى برده

وعلى فكرة صوت الزنة ده بيطلع كمان لما اشغل برنامج الموسيقى والاغانى

طيب كده اعمل ايه بقى ؟؟

**ابوكنزى** · 13-09-2010, 02:22 PM

حضرتك قولت فى المشاركة الاولى
ان صوت الزنة بيطلع فى النغمة فقط
و الاغانى شغالة عادى
و فى المشاركة الاخيرة بتقول ان صوت الزنة موجود كمان
فة مشغل الموسيقى
كدة عيب سماعة و نصيحة ليك لما تغيرها
متخليش الصوت على الاخر
على فكرة العدة الى معاك جيدة جدا
لكن كتير بيحصل فيها عيب السماعة دة
ابو كنزى

**the master** · 13-09-2010, 02:28 PM

المشاركة الأصلية كتبت بواسطة mamado07

حضرتك قولت فى المشاركة الاولى
ان صوت الزنة بيطلع فى النغمة فقط
و الاغانى شغالة عادى
و فى المشاركة الاخيرة بتقول ان صوت الزنة موجود كمان
فة مشغل الموسيقى
كدة عيب سماعة و نصيحة ليك لما تغيرها
متخليش الصوت على الاخر
على فكرة العدة الى معاك جيدة جدا
لكن كتير بيحصل فيها عيب السماعة دة
ابو كنزى

والله عمرى ما عملت الصوت على الاخر التليفون بقاله اقل من اسبوع اشتريته اول يوم العيد يا غالى ومستوى الصوت كان المستوى الافتراضى رقم 5 وانا قللته كمان

وفعلا فى البداية مكنش بيعمل مشكلة فى تشغيل الموسيقى لانى مكونتش جربت الموسيقى او الاغانى كتيير

لكن واحدة واحدة قلت اجرب الموسيقى والاغانى لقيتها هى كمان نفس المشكلة حصلت فيها

طيب هو عيب السماعة ده كده هيتكرر يعنى ععلى طول ولا ايه ما هو انا اصلا كده اذا كان وانا فى اول اسبوع وباظت من غير حتى ما استخدم التليفون فى سماع اغانى ولا حاجة كتيير

طيب رأيك ايه اوديه الضمان اركب سماعة هناك ولا عند اى مركز صيانة هينفع الافضل ايه علشان مش عايز كل شوية اغير له سماعة انا بصراحة حاسس انى شربت التليفون ده

وشكرا يا غالى على مساعدتك