قائمة الاعضاء المشار اليهم
النتائج 1 إلى 2 من 2

الموضوع: قبل المغربية مع خالة خيرية

  1. #1
    .: جيماوي محترف :.
    الصورة الرمزية saleh84eg

    الحالة
    غير متواجد
    تاريخ التسجيل
    Oct 2007
    الدولة
    مصــ بالكويت ـــــــري
    العمر
    32
    Phone
    Iphone 4
    المشاركات
    2,633
    الشكر
    4,228
    شُكر 5,129 فى 1,845 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    154

    افتراضي قبل المغربية مع خالة خيرية

    قبل المغربية مع خالة خيرية
    تزهم وتنادي إنتي فين يابدرية
    بدرية في السطوح مع علوية
    يفرشو الطراريح ويخشخشوا الناموسية
    يالله يابنت إنتي وهيا بسرعة شوية
    حاضر يا أمي دقايق ونخلص من القضية
    واد يا أسعد فين أخوانك البقية
    في الزقاق بيلعبوا عسكر وحرامية
    أزهم عليهم يطلعو لا تجيهم الجنية
    صلي عالنبي ياأمي دي ساعة مغربية
    صدقة يا عباااااااااس أطلعو بلا أزية
    طيب طالعين خلاص مع ستي مهدية
    مهدية لخيرية أولادك هدول فرفوشية
    زفوني في الدرج يقولولي ياستنا ياعسلية
    عباس مجروح في رجلو بقزازة مرمية
    وصدقة ببجامة مقلمة وصخة زي الميكانيكية
    خيرية .. إيش هادا حسبي الله عليكم شقاوية
    مهدية ...لا تضربيهم عشاني وإنتي رضية
    حاضر ياأمي عشانك بس المرة دية
    يالله قدامي إنت وهو أتروشوا من الحنفية
    وإنتي يا أمي أجلسي جمب المصلية
    عشان إذا أدن تصلي المغربية
    وإنتو يابنات يالله تعالو نسوي المقلية
    ونزبط زلطة الحومر والفلفلية
    بعد المغربية ، ياولد ياساتر طريق ياخيرية
    أتفضل يبو اسعد مافي غير عمتك مهدية
    كيفك ياعمة نورتي البيت ياعودة وعنبرية
    تعيش ياجوز بنتي كلك زوق ومفهومية
    هيا سموا بالرحمن ونقنقو من المقلية
    ونونو نونو لقمة هنية تكفي مية
    أسعد يوشوش أبوه يبغى هدية
    ماشاء الله نجح وأتخرج من الثانوية
    أبشر ياولدي بس تجي فلوس الإكرامية
    ولايهمك يبويا مافي مشكلة حصبر شوية
    ياواد عباس إيشبها كدا رجلك ملوية
    دخلت فيها قزازة يبويا من العصرية
    تاني مرة فتح عينك لا أخرملك هيه
    ولا اشوفكم تلعبو حفايا ترى تاكلكم التكرونية
    بدرية .. يبويا فين حتودينا هادي الصيفية
    والله يابنتي كالعادة الطايف حي البخارية
    الله يسعدك يبويا نبغى أبها البهية
    يابنتي أبها بعيدة مرررررة وسفرية
    خلاص اللي تشوفو يا أغلى أب في الدنيا ديه
    بنت ياعلوية ناوليني الكمر حقي والسديرية
    أنا خارج دحين ياخيرية رايح الشامية
    أودي صك الوقف حق بيت السليمانية
    خلي الأولاد يسبقوني للحرم تحت المكبرية
    عشان نصلي العشا ونكسب الفرض سوية
    بعد العشا وفي السطوح عند المشربية
    خيرية تفت العيش في الحليب وبدرية مسلقحة متحنية
    هاتي ياعلوية الجبنة البلدي والحلاوة الطحينية
    وكمان كم بيضة نسوي شكشوكة في الصينية
    لمة حلوة وظريفة وعيلة عفوية
    أتعشو وعليهم بالخير يدوروا عالناموسية
    عشان يصحو بدري مع أدان الفجرية
    لاسهر لاكسل يومهم كله نشاط وحيوية
    فينك يا ايام زمان تشوفي حالنا والفوضجية
    مانعرف راصنا من رجلنا وحياتنا سارت ملوخية
    لكم مني ارق التحيه
    اخوكم - صالح




  2. #2
    .: جيماوي رائع :.
    الصورة الرمزية ahmedbekooo

    الحالة
    غير متواجد
    تاريخ التسجيل
    Feb 2008
    Phone
    n97 min
    المشاركات
    730
    الشكر
    89
    شُكر 353 فى 202 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    25

    افتراضي رد: قبل المغربية مع خالة خيرية

    رائع جداً حبيبي

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •