حل لمشكلة حذف البرامج والألعاب عند مزامنة الآي-فون مع الآي-تيونز
هناك أسئلة كثيرة تتردد على فى اطارهذا الموضوع والاجابة عليها واحدة
نعرض أولا الأسئلة
قمت بتثبيت برامج من ال App Store على الآي-فون
بعضها مجانى والبعض قمت بشرائه بواسطة حسابى على متجر البرامج
ولكن الفاجعة عندما قمت بتوصيل الآي-فون مع الآي-تيونز
فاعطانى رسالة تخيرنى بين Transfer او Don't Transfer
وعندما اقوم باختيار ترانسفير لا يقوم بعمل مزامنة
واذا اخترت Don't transfer يقوم بحذف البرامج والألعاب من على الآي-فون
فما الحل ؟
سؤال آخر
عندما اقوم بتوصيل الآي-فون بالآي-تيونز واختار مزامنة الApplications
يقوم الآي-تيونز بحذف البرامج فما الحل ؟
سؤال آخر
ذهبت الى بعض المحال أو احد أصدقائي وقام بتثبيت برامج وألعاب مجانية ومشتراه كثيرة جدا
بواسطة حسابه فى الApp Store
ولكنى عندما اقوم بالمزامنة مع الآي-تيونز لتثبيت برامج جديدة
يقوم الآي-تيونز بمسح البرامج والألعاب التى ثبتها لى صديقى او المحل
فما الحل ؟
سؤال آخر
كيف اقوم بنقل البرامج المجانية والتى اشتريتها عن طريق الآي-فون الى الآي-تيونز للاحتفاظ بها ؟
واليكم الحل
أولا اوضح ان اي برنامج او لعبة تقوم بتحميله من الApp Store
سواء كان مجانى او مشترى
تكون عليه حماية
ولايمكنك نقله من الآي-فون الى الآي-تيونز "اذا كنت حملته عن طريق الApp Store فى الآي-فون "
والمثل بالمثل لا يمكنك ايضا نقلها من الآي-تيونز الى الآي-فون
إلاّ
إلا ايه بأى
هو ده الموضوع اللى احنا بنتكلم فيه
لازم لازم لازم
تعمل Authorize للكمبيوتر بالحساب اللى نزلت بيه البرامج والألعاب من ال App Store
التى تريد نقلها من او الى الآي-فون
طيب ونعمل الAuthorize ده ازاي ؟
سهلة قوى
افتح الآي-تيونز
اذهب الى Store فى الأعلى
اختر Authorize Computer
ادخل بيانات الحساب الذي قمت بتحميل البرامج بواسطته
يعنى تدخل اليوزرنيم والباسوورد
سيعطيك
رسالة تفيد بانه تم عمل Authorize للكمبيوتر
طيب وايه حكايتة 5 كمبيوتر دي اللى بيقول عليها ؟
دي معناها انك هتقدر تعمل Authorize للحساب ده على 5 كمبيوتر فقط
طيب دي مشكلة ملهاش حل ياعم الحق ؟
طبعا ليها حل وكل مشكلة لها حل بإذن الله
الحل انك ممكن تعمل Deauthorize للكمبيوتر
من Store فى الاعلى
اضغط على Deauthorize Computer
طيب خليك كريم معايا
زي ماكنت أنا كريم مع الناس
أنا أعطيت الأكونت لاثنين من صحابى وكل واحد عمل Authorize عنده
وانا كنت عملت Authorize ثلاث مرات قبل كده على جهازي
وماعملتش Deauthorize قبل ماافرمت الكمبيوتر
لانى حبيبي مكنتش عارف الDeauthorize ده
وانا دلوقتى مش عارف انزل العابى وبرامجى
فما الحل ؟
الحل بسيط حبيبي
افتح الاكونت بتاعك وهتلاقى Deauthorize All منورة
ودي بتنور فقط فى حالة انتهاء الخمسة Authorization
واضغط عليها وكده هنبدا نعد الAuthorizeation من الأول
طيب سؤال أخير طالما حضرتك طيب كده
اذا قمت بشراء برنامج من الApp Store
فهل استطيع انزاله مرة اخرى من الApp Store
ام سيقوم بحسابه على كاننى اشتريته مرتين ؟
لا لا تستطيع وسيعطيك رسالة انك قمت بشراءه قبل ذلك هل تريد الشراء مرة أخرى
وسيحسبها عليك كانك اشتريته مرتين
والأفضل هو الاحتفاظ بكل برامجك والعابك التى اشتريتها على الكمبيوتر بنقلها الى الآي-تيونز
كما شرحنا عن طريق عمل Authorize للكمبيوتر بالحساب الذي تم الشراء به
ثم عمل مزامنة
ليتم نقلهم الى الآي-تيونز
وستجدهم فى هذا المسار
My ********s\My Music\iTunes\Mobile Applications
قم بعمل لهم باكب على سي دي او مكان آخر آمن
سؤال آخير حبيبي
هل هذا الموضوع يسري على البرامج المكركة ؟
لا البرامج المكركة ليس عليها حماية ويمكنك نقلها من الآي-تيونز الى اي آي-فون
ولكن لابد من انزال باتش على الآي-فون
ولكن لايمكنك نقلها من الآي-فون الى الكمبيوتر
جزاكم الله خيرا
ودمتم طيبيين
المفضلات