ساشارك ايضا بالموضوع الجبار دا
جالى الزبون اليوم بجهاز n95 2 جيجا
قالى انا شارية من واحد وهوا وداه يتصلح ومتصلحشى
الزبون جابهولى علشان مفيش ولا بيانات ولا اضاءة فى الجزء العلوى والزراير السفلية بتنور عادى وسامع صوت الجرس والسماعه الداخلية لاكن لا يوجد بيانات ولا اضاءة
فالمهم استلمت الجهاز من الزبون وقالى هيتكلف كام قولتله هيتكلف فى حدود ال 100 جنيه
طبعا علشان لو غيرتله فلاته او شاشة او الاتنين متخسرشى معايا قالى ماشى الى فيه اعملة
فقولتله هتسيبهولى 3 ايام على ما اسافر اجيبلك الحاجه الى ناقصة فيه وعلشان وقتى
فالمهم لقيت فلاته جديدة راكبة وشاشة لسه عليها لزقتها فقولت بس يبقا العيب من البوردة لان الفنى الى قبلى زمانه تعب فيه وزمانه وداه لفنيين تانيين
فالمهم فكيت الجهاز كله قطعه قطعه
نظفت البوردة وغسلتها بالغسالة
ونشفتها بالهواء ومسحت سوكت الفلاته مجابشى نتيجة
فالمهم غيرتله شاشة جديدة اخرى الجهاز اشتغل بيانات فقط ولا يشتغل اضاءة
فقولت اغير فلاته كمان غيرتها الجهاز جايب بيانات فقط ومش شغال اضاءة فقمت باعادة اللحام على سوكت الفلاته نفس الكلام ايضا
فاتجهت الى دائرة الاضاءة بعد تغيير شاشة وفلاته
نظفت الكريستالة نفس المشكلة
قمت بالتهييت على كريستالة الاضاءة مظبطشى قمت بتغييرها مظبطشى
سخنت على ملف الاضاءة الاضاءة ظهرت بسيطة جدا فعرفت ان المشكلة من ملف الاضاءة
رفعته ونزلته مرة اخرى ظلت نفس المشكلة فدورت على بديل ليه وجبته من جهاز 1200
وركبته الجهاز جاب اضاءة واشتغل زى الفل بس هنا
ملحوظة يجب تغيير ملف الاضاءة اولا وليس كريستالة الاضاءة حتى يكون الحل بالترتيب الصحيح
وهذا شرح بالصور
والسلام عليكم والى الامام
المفضلات