تعالوا نرجع بالزمن شوية صغيرين

**maroo** · 02-06-2010, 08:05 PM

اعضاء المنتدى الاعزاء

فين زمان وحلاوة زمان والخير والبركة اللى كانت فى كل البيوت

ياترى الناس فاكرة كنا بنعمل اية زمان

وعايشين ازاى

كلنا فاكرين يوم الجمعة طبعا

كانت الناس كلها تصحى الصبح ( طبعا اجازة ) الاب يجيب الفول والطعمية

والبصل الاخضر والبيض ابو سمن بلدى

دة علشان الفطار

والخضار واللحمة للغذاء

طبعا البيت كلوا من صغير للكبير يتلم على الصفرة او ( الطبلية ) او على الارض

ونفطر كلنا

بعد كدة الام تروح على المطبخ علشان تجهز الغدا

واحنا الاطفال نتفرج على التليفزيون

طبعا (سينما الاطفال ) ماما عفاف

وماما نجوى وبابا ماجد

لغاية ما تستحمى علشان صلاة الظهر

ونلبس هدم زى مايكون عيد

نصلى فى الجامع طبعا

ونسمع الشيخ الشعراوى فى التليفزين

ونتلم برضو علشان الغدا

بعد ما نخلص الغدا نشوف الماتش بتاع الدورى

القناة الاولى كانت تزيع ماتش الاهلى والثانية ماتش الزمالك

او الفيلم لو مافيش ماتشات

ممكن نزاكر شوية لغاية الساعة 7

نحضر العشاء ونتعشى واحنا بنتفرج على المسلسل

وطبعا كا بنشوف مجلس الشعب اللى قبل المسلسل

ويبقى يوم بايخ لو مجلش الشعب اطال وتم الغاء المسلسل

وبعد كدة على الساعة 9 او 9ونص نبتدى ننام علشان

نصحى الساعة 6 تروح المدرسة

ياه .......... ايام جميلة

معلش انا طولت عليكم

ياريت لو حد افتكر حاجة تانى يضيفها

تحياتى للجميع

**elnahas1975** · 02-06-2010, 08:32 PM

يااااااااااااااااااااااااااااااااااه فكرتى ؟
منك لله ؟ والله يا اخى كانت ايام جميله جدا

**maroo** · 02-06-2010, 09:43 PM

فاكرين برنامج ( امانى واغانى )

(تاكسى السهرة ) اللى كان يعرض يوم الاثنين

(جولة الكاميرا )

**commandos** · 02-06-2010, 09:55 PM

يااااااااااااااااااااااااااااااااااااااااااااه
كان الواحد مش شايل هم اي حاجة خالص
لكن دلوقتي الله يكون في عون الجميع

**ابراهيم بكر** · 02-06-2010, 10:20 PM

الارض ذى ماهيه البيوت زى ماهيه
الحجر الشجر والدك والدتك اخواتك حجر نومك
حتى يمكن جيرانك
بس الا تغير احنا الا تغيرنا مش الزمان ولا المكان
ورجع اقول يرحم ايام زمان وناس ايام زمان وكلام ايام زمان

**elnahas1975** · 02-06-2010, 10:20 PM

المشاركة الأصلية كتبت بواسطة maroo

فاكرين برنامج ( امانى واغانى )

(تاكسى السهرة ) اللى كان يعرض يوم الاثنين

(جولة الكاميرا )

يا راجل كفايه بقى فاكرتنى بحاجات ؟؟؟؟؟؟؟؟؟؟