.gif)
!! موضوع خاص بالفلاشات(اتفضل ادخل اكيد هتستفاد)
السلام عليكم ورحمة الله وبركاته
بدايه الموضوع ده غريب شويه وجديد ولاول مره اى شخص يتكلم فيه ولكن هنا فى الجيم بنحاول باى طريقة نلاقى الحلول بانفسنا دون انتظار المعلومه من شخص اخر
(خدو بالكم احنا هنا بنتكلم على حل من ضمن الحلول وليس حل نهائى للمشاكل عامة)
الموضوع كالتالى
طبعا كلنا عارفين ان المختصين بالبوكسات والمبرمجين عند فك الشفره او لودرات التعريف الخاصه بالهواتف ... انهم بيشتغلو على ما يسمى hash
اذن المنطقه دى ليها النسبة الاعلى داخل الهاتف واللى بالتالى المبرمجين بيشتغلو عليها وخصوصا عند تحديثات unlock
اذن احنا متفقين الان ان منطقه الهاش لها اهميه
علشان الكلام يبقى واضح اوى
ركز معايا فى الصور كويس جدا
ثانى الامور... الكل لما بيحاول ينزل فلاشة بينزل الفيرجن الموجود زى مثلا فيرجن 30.33 لجهاز n96 .... طيب الفيرجن ده النوكيا نزلت منه 10 فلاشات وكلهم نفس الفيرجن وبيحتو على فلاشة عربيه ....طيب هتقولى يا حسن مش فاهم
ركز معايا كده فى الصورة اللى هحطها دى....
لو لاحظت هتلاقى ان الفيرجن متقسم ايضا لفيرجينات.......؟؟؟؟ هنا هنقول استوب واقف
طيب يا حسن معناه ايه ده....؟؟؟
بص يا سيدى .... لكل فيرجن من الفيرجينات ده بيحل مشاكل فيرجن قبله وكمان فيه نقطه تانيه هنتكلم عنها فى النهايه.... بلاضافه الى نقطه مهمه جدا جدا وهى
الفيرجن بيكون مدعم نوع من انواع hash ....
شوف الصورة دى من احدى مواقع النوكيا المتخصصه فى الفلاشات
يعنى لكل فيرجن مميزاته وتوافقه مع الهاتف
طيب يا حسن الهاش ده بيجى ازاى .......؟؟؟؟
عند عمل تشيك على التورنيدو والجاف والمكس والمكس كمان بيظهر الهاش وهو مكون من 40 رقم
(عكس الهاش الخاص بالانلوك وهو 32 رقم )
زى ما وضحنا بالصور السابقه
هتقولى يا حسن يعنى الهاش ده بس اللى الفيرجن بيدعمه ....؟؟؟
هقلك لا مش ده بس .. هو كمان بيشتغل على كل الانواع ولكن فيه مشاكل سوفت زى مثلا n96 الشاشه السودا بعد التعريب ..الجهاز مبيقدرش يقوم وبنفضل نعطيله ملف اينو ونورماليز وفلاشه عاليه وفى الاخر بنقول العيب صيانه مع انه فى الاساس داخل سوفت
خد بالك (اللى بيموت سوفت بيتصلح سوفت)
هنا بقا بتيجى اهميه الفيرجينات دى...وعليك التجربه من فيرجن لاخر لو ان الفيرجن منقسم لفيرجينات اخرى...(هذه ميزات الفلاشات السيتب الكامله)
كمان شئ وهو خاص بموضوعات التعريب للاجهزة واللى بتموت ومش بنقدر نعملها شئ
طبعا دخلك جهاز عايز يتعرب زى مثلا n96 وكالعاده الجهاز قلب شاشه سودا...
كل اللى عليك حضرتك انك هتفلشه الاول بالفلاشات الانجليزيه ولو فيه فيرجن اعلى ومنقسم لعدة فيرجينات جرب واحد واحد وان شاء الله هيظبط وعن تجربه مليون فى الميه
وبعدين عرب بملف ppm بنفس الفيرجن وبكده هنكون قطعنا على نفسنا مشاكل كتير
وهنا السؤال اللى بصراحه حيرنى كثيرا وخصوصا فى جهاز 6288
الجهاز ده فيه عيب مشهور وهو الريستارت ومهما فلشنا باعلى فيرجن مش بيقوم غير بحل واحد؟؟؟
هو التفليش باعلى فيرجن بس يكون انجليزى ...اذن الفلاشه الانجليزيه فى الغالب بتكون مدعمه كل انواع الهاش او الاكثريه منها ..عكس الفلاشه العربيه
يعنى تلخيص الكلام
الفلاشه وما تنقسم اليها من فيرجينات بتقدر تتعامل مع انواع تحمل نفس hash او انواع تتوافق معها وبالتالى هنوفر على نفسنا تعب انتظار الحلول
تابع
رد مع اقتباس
.gif)
المفضلات