المشرفين فى المنتدى بس مش الجيم فلاش

**ابراهيم بكر** · 19-05-2010, 02:30 PM

من الاخر ..... ندخل فى الموضوع على طول .... هو عباره عن المشرفين فى المنتدى .... اهم حاجه ما حدش يزعل .... مجرد موضووووع فكاهى ...

الحلقه الاول

اول ما قام من النوم لقى الموبايل بتاعه بيرن.....

فلقى الادمن بتاع المنتدى بيتصل بيه

المشرف:اصطبحنا واصبح الملك لله ......صباح الخير يا فندم

الادمن: خير هييجى منين الخير ياسى زفت

انت سايب قسمك ونايم الله يخرب بيت اللى شار عليا الشورة السودة دى انى امسكك مشرف

انت متنفعش حتى تبقى عضو موقوف

المشرف : ليه بس يا فندم دا انا حتى مغسلتش وشى ودخلت على طول على المنتدى

الادمن : عموما ادخل شوف قسمك ودا اخر انذار ليك

وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة

دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى

الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...

الرسالة الثالثة

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي

وانا مال اهلى انا محدش بيثبتلك مواضيعك متتحرقى انتى والمنتدى
دا رده طبعا

الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ... وقال ايه الناس فكرنها سهله ... دا احنا بناكل ضرب ههههههههههههههه

الرسالة السابعة

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

مين البنت المجنونه دى

الرسالة العاشرة

(من المشرف العام) جالك الموت يا تارك الصله ... جوست معذبنا وربنا هههههههههههه

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...

الرساله الحادى عشر

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا ..

( ليه يعنى قالولك عليا فتحها عالم سمسم بوزع ايميلات .. ولا هشتغل خاطبه على اخر الزمن ..)

بعدها الحمد لله المشرف اتجنن .... هههههههههههههه

م ن ق و ل

**هشام الرميحي** · 19-05-2010, 03:07 PM

هههههههههههههههههههههه
بقي هي كدا
و انا اللي كنت عايز ابقي مشرف
هههههههههههههههههههه

**ابراهيم بكر** · 19-05-2010, 03:11 PM

المشاركة الأصلية كتبت بواسطة هشام الرميحي

هههههههههههههههههههههه
بقي هي كدا
و انا اللي كنت عايز ابقي مشرف
هههههههههههههههههههه

انت شايف ياتش اهو الدنيا ماشيه الزاى
ههههههههههههههههههههه

**Raul** · 19-05-2010, 03:19 PM

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

ادى يا باشا الشــــــــــــاى

*
*
*
*
*
*
*
*
*
*
*
*
*
*
*
*
*
بس انت الشاى معرفتش
ان الموضوع مكرر
هنا
https://www.gem-flash.com/vb/showthr...5%E1+%C8%ED%E5

وتم اغلاقه