مفاهيم اساسية اذا اردت ان تحترف الموتورولا بصفه عامه من ابو تالا

**.::karamfone::.** · 07-01-2008, 11:22 AM

قام باعداد هذه الاساسيات الاخ العزيز (ابو تالا )
اردت ان اضع لكم موضوع مهم لازم تكون فاهم انته بتعمل ايه ومعنى اى كلمة ايه عشان متبقاش بتقلد وخلاص ولو ظهرت لك مشكلة تكون قادر على حلها

( Flash ) : الفلاش هوه عبارة عن ملف عند تثبيته على العدة يقوم باضافة مزايا جديدة كتحديثات العدة للسوفت وير او اضافة لغات جديدة او اى شئ من هذا القبيل و تقدر تقول ان الفلاشة هيه تغيير شامل لكل سوفت العدة مش لبرنامج معين او خاصية معينة يعنى الفلاشة بتاثر على العدة ككل مش شئ بذاته

( Flex ) : ده ملف فيه كل شئ عن الكاريير ( Cariers like voda or mobinil ) بتاع العدة ويشمل جميع معلومات الشبكة وكيفية الاتصال بها وتلقى التصالات الخارجية وهو مهم جداا وبعض الشركات الاوروبية بتنزل ملفات فليكس مخصوصة بيها عشان محدش طبعا يقدر يغير سوفت الموبايل لكن الهاكرز ربنا يخليهوملنا ويبعدنا عن شرورهم برضه بيتغلبوا على الحكاية دى بانهم بيعملوا لملف الفليكس الخاص بالشركات دى باك اب او نسخ احتياطية فى جال لو العدة اتقفلت بعد تغيير السوفت

( Languge Pack ) : وده ملف اللغة وهناك منه عدة انواع زى اللغات الشرقية و الغربية لكن كللها تشمل الانجليزية و الفرنسية وطبعا الشرق الاوسط ليه لغاته ودى بتبقا على ملفات خاصة بها

( Boot Loader ) : البوت لودر دى هيه الشاشة الخاصة ببرمجة الموتو وتقدر تسميها البيوس الخاص بالعدة وبيكون موجود فيها رقم اصدار السوفت و هل العدة مشحونة شحن كافى لعمل برمجة ولا لا

( Monster Pack ) : دى بقا ام السوفت وير نفسه وهيه الباك اللى عليها كل شئ لتشغيل العدة يعنى تشمل باك الفلاش و اللغة و الفليكس من الاخر هيه بتتستب وتريح بالك من اى حاجة تانية محتاجة تحديث

( Seem ) : السيم ده اختصار هوه اهم تعريف بجد لو عاوز تحترف الموتو زى ماكان الفلاش هوه تغيير السوفت ككل فالسيم هوه تغيير للسوفت برضه لكن مش كليا وانما جزئيا اوضحلكم اكتر

يعنى السيم ده مش ملف قائم بذاته واما هوه بعض الخيارات اللتى تمنح لملفات السيم لتعديل خصائص معينة داخل العدة يبقا هوه بيضيف خصائص داخل البرامج اللى بتشغل العدة

مثلا لو عاوز خللى العدة بتاعتى بتقرا النغمات من على الميمورى بعمل داونلود لسيم معين واغير فيه ببرامج الكود وبعدين برجعه للموبايل تانى بيروح الموبايل يقرا النغمات من الميمورى

طبعا انا مش بخترع لكن الهاكرز بيحاولوا كل يوم انهم يكتشفوا الجديد جوه العدة وكل ما سيم جديد يكتشف بينزل من على بعض المواقع
طبعا انا لخبطتكم اوى لكن الموضوع سهل وبسيط وهيوضح اكتر لما انزل موضوع عن السيمات وازاى نضيفها

( PDS ) : دى عبارة عن منطقة محمية داخل ميمورى التليفون بيكون فيها معلومات خاصة بالعدة ودى مساحتها 64 ك بت والمعلومات دى زى رقم الايمى بتاع العدة و نسختها وكمان العدد المحمية اللى مش بتشتغل الا على خط واحد بيكون معلومات الخط ده داخل المساحة دى ولما نحاول نفك التشفير ده بنفكه من المساحة دى وعلى فكرة انا معرفتى سطحية بفك التشفير لكن لو عرفته هقولكم

( i Tunes ) : الاى تونز ده اصدار من العدة V3 Razer بحيث انه متوافق مع برنامج الاى تونز وبيتعرف عن طريق وجود زرار مخصص للاى تونز اما لوكانت العدة مافيهاش الزرار ده تبقا نسخة ( Dap ) اختصارا لجملة ( Digital Audio Player ) وده برنامج من شركة موتورولا لتشغيل الم بى ثرى لكن طبعا الاى تونز احدث واسرع

س1 : ايه هيه مشكلة الام بى ثرى مع العدة V3i ؟

هيه مش مشكلة انما هوه بخل من شركة موتورولا لانها عاوزة تزيد من اتساع رقعة مستخدمى تطبيقات شركة ابل لاتفاق بينهم على كده عشان كده هيه اغلقت قوائم الاغانى من النغمات وكمان قوائم التشغيل ( Playlists ) من داخل الساوندز وكمان لانها كانت ناوية تنزل طبعا عدة احدث وتكون متوفرة بالاممكانيات دى وبكده تكسب مرتين وبنفس العدة

بس الهاكرز برضه ماسابوهاش ف حالها واكتشفوا السيمات المسئولة عن تشغيل الاغانى كنغمات رنين وعن تشغيل البلاي ليست داخل الساوندز وايضا خاصية اخفاء الاغانى اثناء تشغيلها من الساوندز وان شاء الله هوريكم ازاى تعملوا كده بس شوية شوية

س2 : طيب عموما ازاى اقدر اشغل الاغانى على العدة ؟

فيه 3 طرق
الطريقة الاولى : برنامج الاى تونز وده من اهم عيوبه انك لازم توصله بالكومبيوتر عشان ياخد اغانى يعنى لو نزلت نغمة بالبلوتوث مش هيشوفها وكمان بعد اما تنزل الاغانى عليه متقدرش تبعتها بلوتوث ومش هتتشاف داخل قايمة ساوندز
وطبعا ده مشكلته اتحلت تقريبا حاليا لان شركة ابل نزلت نسخة جديدة فيها فايل مناجر يخليك تتحكم ف الاغانى وتبعت او تحذف او غير كده لكن الحقيقة انا لسه مجبتش البرنامج الجديد ولما اجيبه و اجربه هنزله ان شاء الله

الطريقة الثانية : عن طريق برنامج بيتستب اسمه Digital Audio Player وده برنامج جميل و فيه خاصية الاخفاء يعنى ممكن يشغللك الام بى ثرى و الموبايل مقفول كمان ممكن تتصفح الاغانى وتعمل بلاي لسيت جديدة وانته بتسمع الاغانى ومن اهم عيوبه انه تطبيق اى انه بيزيد من استخدام البطارية كمان اه لسه مش بيقرا عربى ايضا ان تطبيقات الجافا مينفعش تشتغل مع بعض اى انك مش هتلعب جيمز وانته بتسمع اغانى يا خوسارة

الطريقة التالتة : من قوايم الساوندز جوه المالتيميديا ودى لازم عشان نشغل منها نعمل سيم اديت عشان نفتح خاصية البلاي ليست وكمان خاصية الاخفاء عشان تسمع الاغانى و العدة مقفولة ومن اهم عيوبه انك مينفعش تتصفح الاغانى و انته بتسمع الااغانى ومن اهم مميزاته انه حنين عالبطارية كمان تقدر تلعب وانته بتسمع اغانى

هيه دى حكاية الاغانى مع عدة الموتورولا V3i

س3 : هل انا محتاج اغير السوفت وير للعدة عشان يبقا عندى التلات طرق ؟؟

الان بالنسبة للطريقتين الاخيرتين كل اللى هتحتاجه عملية تغيير السيم ودى من اسهل مايكون ومش بتمس السوفت ف حاجة

اما الطريقة الاولى الخاصة بالاى تونز فلانى لسه مجبتش البرنامج مش هقدر افيدكم دلوقتى

العيوب من وجهة نظرى ف عدة V3i :

* اعتمادها على تطبيقات جافا التى رغم انها الاخف و الاسرع و الاقل ف استهلاك البطارية بين التطبيقات الا انها محدودة المزايا كما ان الجهاز لا يستطيع تشغيل تطبيقين ف وقت واحد

* عدم وجود خاصية التسجيل اثناء المكالمات ( جارى البحث عن حل ) .

فى رايى اى عيب غير دول ليه حل

من اهم مميزات العدة طبعا غير شكلها الانيق واعتمادها على النانو تكنولوجى ف التصميم الداخلى لبعض الشيبات الا انها تمتاز بالسهولة و ايضا انها مش بتتفيرس ودى نقطة مهمة جدا