بسم الله الرحمن الرحيم
كيفكم شباب
كل سنة وانتو طيبين
مين مننا مش عاوز يتغير للاحسن
اكيد كلنا عاوزيين
طيب ايه هو التغيير
التغيير هو الانتقال من حالة واقعية الى حالة منشودة
يعني الانتقال من واقع احنا عايشينه الى حالة نتمنى الوصول اليها
قبل ما نتقدم في الموضوع دا في حقائق مهمة عن التغيير
نعرفها الاول بعدين نخش في موضوعنا
اهم حقيقتين عن التغيير احب نتفق عليها هي
1-لايمكن تغيير اي انسان بدون رغبته
صنف سيدنا محمد الاول من حيث التاثير في تاريخ الانسانية
ومن اعظم الاشخاص قدرة على التغيير
ومع ذلك يقول ربنا عز وجل عن عمه ابو لهب
( تَبَّتْ يَدَا أَبي لَهَبٍ وَتَبَّ مَا أَغْنَى عَنْهُ مَالُهُ وَمَا كَسَبَ سَيَصْلَى نَارًا ذَاتَ لَهَبٍ )
فهمتوها صح
2-التغيير ينبع من الداخل وليس الخارج
"إن الله لا يغير ما بقوم حتى يغيروا ما بأنفسهم"
طيب نرجع لموضوعنا
في ناس كتير اول مايوصل محلو ويقول بسم الله ويفتح محله
يبدا يحس بالتوتر والزهج والقرف
ويبدا يشرب الشاي والسجائر بشراهة
ومتوتر وعايز بس اليوم ينتهي
وهو لسه في بدايه يومه
ايه اللي بيخليك ياحبيبي زهجان واحنا لسه بنقول يافتاح
هو بيقول مش عارف ليه
بس انا عارف ليه
هو بيعاني من صراع بين القيم والمبادئ والمصالح الشخصية
ايه ياعم كلام النفسانيين دا
طيب نقول بالبلدي
هو مفلس واحواله المادية زفت وبيضطر انه يعمل حاجات عارف انها غلط
برضو مش فاهم
طيب نضرب شوية امثلة عشان الموضوع يوضح
المثال الاول
بيجيلو زبون عندو مشكلة في الشحن مثلا
لقا مدخل الشحن مكسور مدخل الشحن باتنين جنيه مثلا
وهو مفلس
اقنع الزبون ان المشكلة في اي سي الشحن
وخد عشرين جنيه
هنا الفلس خلاه يتصادم مع قيمة عظيمة ربانا عليها الاسلام والاب والام والمدرسة والشارع
وهي الصدق
اتخيل حجم التاكيد اللي في نفسيتك على قيمه زي دي
الموضوع دا حايعمل له هاجس وقلق وضميرو مش حايسيبو
ممكن يستخدم احد الحيل النفسية اللي بيستخدمها عقل الانسان مثل التبرير
ويقنع نفسو باسباب منطقية خلته يعمل كده ومش عاوزين نخوض في التبريرات
بس اتاكد ان التبرير مش حايحل عقدة الذنب
المثال الثاني
جالو زبون بجهاز طافي وطلعت المشكلة ملهاش حل
جرب شاشة الجهاز الطافي لقاها شغالة
وعندو جهاز تاني عاوز شاشة
خد شاشة الزبون الاول وباعها للزبون التاني
هنا حبينا راح يصطدم بقيمتين اسلاميتين عظيمتين هما الصدق والامانه
والضمير عاوز يدبحه وحاسس بذنب عظييييييييم
لانه من عيله ومتربي
المثال الثالث
حانعمل مثال اخير لبتوع السوفت وير عشام مايزعلوش
جاله زبون عنده جهاز اتصل بالبائع
الزبون راح لواحد مابيعرفش
وقالو الجهاز عايز ملف اربيل
بيكلف مثلا 100 جنيه
بس الملف مش عندي
جاله كشف على الجهاز لقيه عايز ملف بي ام بس
اقنع الزبون انه حايشتري الملف وخد 100 جنيه
هنا اصطدم مع قيم الصدق والامانة واكل الحلال
وهكذا
يستمر الصراع بين القيم والمصالح
طبعا في صنف من البشر ماعندهم مشاكل نفسية
لان قيمهم تخدم مصالحهم الشخصية
ودول اوضع واحقر من ان يخط قلمي كلمة تصف امثالهم
انا بتكلم عن الناس المتربيه
طيب انا اتكلمت كتير عاوز في نهاية الموضوع اسال سؤال
اتمنى تجاوبوني عليه
في حالات القيم السامية يمكن تضيعك تعمل ايه
يعني جالك زبون
ضابط شرطة مثلا هههههههههههههههه
عندو جهاز ضرب في الشحن وطفا
وانت بتغيير في اي سي الشحن خلعت بنات رئيسية يعني الجهاز مش حايشتغل تاني ابدا تعمل ايه
هههههههههههههههههههه
ملاحظة اخيرة
قد يتسأل البعض كيف الانسان يستخدم الحيل الدفاعية
وهو عارف انها غلط
الجواب ان ربنا خلق المخ بطريقة معينة
الهدف منها راحة الانسان
عشان كده لما يشوفك متألم وحاسس بالذنب
بيبداء يشوف حيلة يخفف بيها عليك
المخ بيساعدك تقرب من المتعة وتبعد عن الالم
وانت اللي بتحدد متعتك
سجائر-صلاة-جهاد-افلام ... الخ
على مزاجك
عشان ماتلومش حد
دمتم بخير
منهجية التغيير 1 (القيم والمبادئ والصيانة)
رد مع اقتباس
.gif)
المفضلات