الله الله الله انتوا كنتوا حتعملوها و تحتفلوا من غيري ولا ايه
وولا واحد فيكم دعاني للحفلة بتاعي
انا كنت حزعل منك اوي يا علام يعني كده تفضحني بس ملحوقه يا عم هههههههه.
انا مش حنغص عليكوا الفرحة بأ, وكهدية مني بهذه المناسبة كلكم مدعوين عندي في قسم السامسونج علشان تشربوا حلاوة الترشح.
ما تخافوش بعدين حدبر لكل واحد فيكم توصيلة علشان يروح بيتهم ما نتوا عارفين انا و اعوذ بالله من هذه الكلمة ابو توصيلات كارد السيم و كل واحد فيكم حيختار التوصيلة الى هو عاوزها علشان يروح ههههههه.
بس انت الوحيد يا علام الي حتروح علي رجليك للقسم الترفيهي و حنشوف ان كنت حتقدر تتحمل غلاسة سي احمد حلمي ده هههههه.
انا باهزر معاكم بالطبع و ان شاء الله ما تكونوش زعلتوا من كلامي و خصوصا انت يا علام.
و الله و ملكمش علي حلفان انا بجد فرحان و متشكر اوي علي الثقة الى اتمنحتلي
و ان شاء الله السميع العليم مش حخيب ظن اي و احد فيكم اعضاء و دا الاهم و مشرفين علشان اكون قد المسؤولية.
انا عندي كلام كتير اقولوا بس حكتفي بهذا القدر و لوانوا انا شايف اني رغيت كتير بس معذور الفرحة ساعات بتخلي الواحد مش عارف يعمل ايه و انا باكدلكم اني ان شاء الله حكون في مستوي المسؤولية مش غرور لاني لست من هذا النوع لاني بصراحه المنتدي دا ليه علي افضال و دي امانة لازم أأديها امام الله.
مشكورين جميعا و بهذه المناسبة انا اشكر شكر خاص لاخي و حبيب قلبي فيصل و اقلوا انت فعلا نجم و فنان عن جدارة.
تقبلو مني فائق احترامي جميعا
المفضلات