الاجهزة الصيني الملعونة ( تم الرد )

[اكس للابد]

ياريت يا جماعة يقولي اية حكاية الاجهزة الصيني انا حاسس ان الاجهزة الصيني كلها مبتتصينش مثلا t33 يجي فاصل تسخن علي ic الفلاش او البروسيسور وتديلوا سوفت يشتغل ذي الفل مرة او مرتين وبعد كدة يفصل خالص وعملت عنتر بن شداد لايمكن يشتغل تاني واجهزة كتير بالشكل دة اقصد انواع كتير تاني مع العلم ان الواحد بنزلوا نفس اصدار الفلاشة فياريت يا جماعة حد يفهمني الحكاية دي ولا الواحد بيبل في الدنيا مع ان الاجهزة النوكيا غير كدة خالص ولا الحكاية دي مبتحصل غير معاية بس يا ريت يا رجالة حد يقولي اية الحل وشكرااااااااااااااااااااااااااااااااااااااااااااااااااااا

[elbono1]

حبيبى ده عيب الاجهزة الصينى
لانها رخيصة السعر وقليلة الجودة ايضا

يعنى دى مش مشكلتك لوحدك

بمعنى ان القطع الداخلية فى الاجهزة دى
مش زى النوكيا فى الجودة العمر الافتراضى

[اكس للابد]

تم مج الموضوعين

برجاء عدم تكرار المواضيع

[عالم الديجيتال]

شوف حبيبى
أولا الأجهزة الصينية ذات IC باور ضعيف الصنع
ثانيا توجد انواع تستوجب التسخين مرة واحدة ولا تستجيب مرة اخرى
لذا وجب تغيير IC الباور من اى جهاز اخر وتنزيل سوفت مطابق للـ IC الجديد
وتوجد أنواع ممكن تسخن عليها اكثر من مرة زيي
AnyCooL_G-Tide_GaoXinqi_الأجهزة الأسبريد وأنواع أخرى
هذا مجرب من طرفى
أرجو أكون أفدتك
تقبل مرورى يا غالى

[yehia m]

[QUOTE=عالم الديجيتال;922168]

شوف حبيبى

أولا الأجهزة الصينية ذات IC باور ضعيف الصنع
ثانيا توجد انواع تستوجب التسخين مرة واحدة ولا تستجيب مرة اخرى
لذا وجب تغيير IC الباور من اى جهاز اخر وتنزيل سوفت مطابق للـ IC الجديد
وتوجد أنواع ممكن تسخن عليها اكثر من مرة زيي
AnyCooL_G-Tide_GaoXinqi_الأجهزة الأسبريد وأنواع أخرى
هذا مجرب من طرفى
أرجو أكون أفدتك

تقبل مرورى يا غالى

كلام سليم بس حاول تسخن مع هزة بسيطة
بتجيب نتجة

[maged_nashaat]

انا اليوم الى قالو هيوقفو فى الصينى انا فرحت لانها اجهزه رديئه الصنع جدا انا مره بفتح جهاز بغيرله سماعه فصل باور ومرديش يتعمل وكل ما يجيلى جهاز قاطع ميقبلش سوفت بسخن على البرسيسور الجهاز يقبل سوفت ويفلش ويشتغل بس حاجه من الاتنين لا تلاقى فيه عيب بعد التصليح كاميرا او تلفزيون او يكون شغال تمام والزبون يالخدو ويجيلك بعد يومين الجهاز قاطع وحالات نادره لما يشتغل تمام
وبالنسبه انك تغير ال ic هتجيبو منين لان كل الاجهزه التقطيع بيكون بايظ منها نفس ال ic

[هشام الرميحي]

يا جماعه اشتغلوا و خلينا نحارب في الصيني و الصيني يحارب فينا

[maged_nashaat]

احلى حاجه بتعجبنى فى الصينى ان الميك بيفك لوحدو ده احسن عيب بيتصلح فيه

[ابوصالح]

الصينى فاتح بيوت كثيرة متطبتروش على النعمة بالنسبة لعيب icالباور فى الأجهزة الصينى وخاصة t33يلزم تغير الباور نصيحة مجربة علشان ميفصلش تانى

[العربى 2]

والله يا جماعه انا كنت مع اللى بيقول امنعو الصينى اجهزة فاشله بجد لكن لما الموضوع دخل فى الجد لقيت ان الاجهزة دى فتحت بيوت كتير وانها فعلا سبب خير علينا
هى فعلا ملعونه وملهاش الوب معين
فى الشغل
وكمان دى بتشتغل بالسحر خش على الصينى واشتغل اديها تسخين مترحمهاش
هو كده خش سخن على اى سى الباور والفلاش تلاقى الحياه بقت كلها انتعاش وربنا يخلى لنا الصينى بجد