قائمة الاعضاء المشار اليهم
النتائج 1 إلى 2 من 2

الموضوع: كيف تكون نصاب محترف هههههههههههههههه

  1. #1
    BaraHota
    Guest

    افتراضي كيف تكون نصاب محترف هههههههههههههههه

    كيف تصبح نصاب محترف
    جربان؟؟ عدمان؟؟ مش لاقي تاكل؟؟ عندك طموح تكسب فلوس بسرعة الضوء؟؟ ..
    ما تحملش هم يا سمارة يا بو دم خفيف.. الحل عندنا!
    طبعاً عاوز تعرف إزاي.. فكر شوية يا جميل وإنت تعرف أنا قصدي ايه.. يا سلام عليك يا سوسو جبتها!! حعلمك طريقة لا لون ولا طعم ولا ريحة في النصب والاحتيال على الهبل وأولاد الحلال.. وافتكرني بقى لما تبقى نصاب معتبر تاكل من عرق فهلوتك ولا حدش يقدر يقولك ربع العشرة كام وما تنساش العمولة!!
    أول حاجة لازم تعملها هي إنك تتعلم كمبيوتر وإنترنت والذي منه. ماعرفش إزاي.. دبر نفسك إنت بقى!! هو أنا لازم أعلمك كل حاجة؟؟
    بعدها بقى تبدأ تدخل المنتديات التقنية وتسجل فيها تتعلم حاجة من هنا وحاجة من هناك لحد ما يبقى عندك فكرة عن اللي بيحصل عبر الشبكة العنكوبتية عشان تضيف لها أخطبوطيتك الجديدة.. تعمل نفسك واد أخلاق راقية وعلم وتلعب الشويتين دول على أصحاب المنتديات اللي تدخلها.. طبعاً هما حيتغشوا بيك ويفتكروك حاجة كويسة ويعملوك مشرف عندهم.. الخطوة دي مهمة عشان حتعرفك على زباين المستقبل..
    بعد ما تتعلم الصنعة تبدأ الشغل على تقيل.. إعمل لنفسك موقع واديله اسم حلو كدة يخلي الناس تجري عليك تسجل عندك.. يعني مثلاً فورسان النت دوت كوم، فوربيدن دوت كوم، نصابين دوت كوم.. شغل مخك إنت بقى!!
    دلوقتي نيجي لجد الجد يا حلو.. تدور على ضحايا هبل تنصب عليهم .. وأحسنلك تختار ضحاياك من الجنس الناعم.. دول هما اللي حيشبرقوك.. حيأكلوك الشهد بمعالق دهب وفضة ومرجان وياقوت كمان.. قولهم عن إنجزاتك العظيمة وإنك مصمم عالمي محترف وإن تصاميمك مطلوبة وكل الشركات بتطلبك بالإسم .. ده حتى بيل جيتس زات نفسه طلب منك تصمم موقع ميكروسوفت بس إنت رفضت عشان ماعندكش وقت.. يا واد يا تقيل!!
    وعشان تحبك العملية وما تتكشفش يا حلو أدخل المواقع بتاعة التصاميم المجانية وخد التصاميم اللي تعجبك.. عدل عليها شوية وحط اسمك عليها وقول إنها بتاعتك.. يا سلام دنته حتغرق في الشهد يا سمارة..هاتلهم كام تصميم حلوين يفرحوا بيهم.. طبعاً حيقولولك غير وبدل وإعمل وما تعملش... اسمع الكلام وما تعارضش.. سيبهم يفرحوا شوية.. ما تستعجلش.. النصب يا حبيبي أكلة ما تتكلش إلا وهي باردة!!
    وما تنساش حاجة مهمة خالص ألا وهي جمالك الأسطوري لو كنت جميل طبعاً.. وريهم صورتك.. خليهم يدوبوا في دباديب اللي خلفوا أهلك.. إنت ماسمعتش إن الحلاوة هي أقصر طريق لقلوب الستات؟؟؟
    دلوقتي ضمنت أول هبرة مجانية في حياتك.. قولهم إنك ما تقدرش تنزلهم التصاميم اللي هما عايزينها لحد ما يدفعوا الفلوس ..أصل الشركة لازم تضمن حقها..!! طبعاً الهبل حيصدقوك وحيبعتولك الفلوس عشان مستعجلين.. يا حلااااوة يا سمارة!!
    ايه رأيك في الهبرة دي؟؟
    يلا بسرعة عايزين دعوة من دعواتك اللي ما تخرش المية وشوية بنكنوت نعدل بيهم المسائل.
    تحزيرررر:
    أنا ماليش دعوة لو الخطة ما نجحتش بسبب غباءك!! ما تجيش تعيطلي لو فشلت يا سيد النصابين. منقوووووووووووول
    للهزار فقط مش للتطبيق




  2. #2
    .:: نائب المدير العام ::.
    الصورة الرمزية ELMASRY.7000

    الحالة
    غير متواجد
    تاريخ التسجيل
    Jun 2007
    الدولة
    مصري مقيم بالأردن
    العمر
    47
    Phone
    Lumia-1320
    المشاركات
    13,231
    الشكر
    22,920
    شُكر 27,791 فى 5,280 مشاركة
    تم تذكيره فى
    1 مشاركة
    تمت الاشارة اليه فى
    34 مواضيع
    معدل تقييم المستوى
    710

    افتراضي

    ما يلفظ من قول إلا لديه رقيب عتيد
    والدال على الخير كفاعله !!!
    ( سيأتي على الناس سنوات خداعات ، يصدق فيها الكاذب ، و يكذب فيها الصادق ، و يؤتمن فيها الخائن ، و يخون الأمين ، و ينطق فيها الرويبضة. قيل: وما الرويبضة ؟ قال: الرجل التافه يتكلم في أمر العامة ) حديث صحيح
    الحروب والقتل والثورات والأمراض في كل مكان الله يهيىء الكرة الأرضية لحدث كبير جدا

    http://quran.ksu.edu.sa/index.php#aya=72_10&m=hafs&qaree=maher&trans=ar_mu


الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •