قائمة الاعضاء المشار اليهم
النتائج 1 إلى 3 من 3

الموضوع: نعجة الفراعنة

  1. #1
    صديق المنتدى

    الحالة
    غير متواجد
    تاريخ التسجيل
    Mar 2010
    الدولة
    رئيس جمهورية نفسى
    العمر
    27
    Phone
    iphone 6
    المشاركات
    3,492
    الشكر
    8,368
    شُكر 3,990 فى 1,803 مشاركة
    تم تذكيره فى
    0 مشاركة
    تمت الاشارة اليه فى
    1 مواضيع
    معدل تقييم المستوى
    258

    افتراضي نعجة الفراعنة

    bsm allah


    أزيكم يا حبابيى؟

    أيه ألأخبار ؟؟

    منورين والله




    أولا وقبل مابدأ أحب أنوه أن ((نعجه ألفراعنه)) ملهاش أى علاقه بلعنه الفراعته من قريب أو من قريب

    يمكن من بعيد بس من قريب لأ ..... أنا متأكد

    نعجه ألفراعنه .... هى أسطوره غريبه وعجيبه ومريبه (ياحفيظ )


    كانت تحكى قديما وكانت مشهوره جدا جدا ولكن تم دثرها وأخفائها وأحراق جميع المخطوطات الأثريه أللتى

    ذكرت بها أسم نعجه الفراعنه أو أى معلومات عنها من جهه غير معلومه

    خوفا من منافستها للنعجه دوللى ( طب حد يقولى ده أسمه كلام ؟؟ )


    محدش يسألنى جبت المعلومات دى منين لأنها سريه جدا جدا ياجماعه

    وأنا خصتكم بمعرفه المعلومات دى ( عشان تعرفو غاليين عندى أد أيه بس )


    نيجى للقصه بقى وأصل هذه النعجه الغريبه اللذى أشتهرت عند الرومان زمان قصدى عند الفراعنه يعنى

    نعجه الفراعنه كانت نعجه عاديه جدا جدا

    لونها أبيض مخطط بأورانج (محدش يستغرب هو ده الأستايل بتاع المعيز زمان )

    كان الجميع يحبونها ويطعمونها برغم قله الطعام ف القريه الأيرلنديه يووووه قصدى الفرعونيه

    المهم هربت النعجه من هذه القريه فى أحد الأيام وأفتقدها أهل القريه كثيرا

    لشده حبهم لها وأرتباطهم بها ((ولم يذكر أى سبب لحبهم هذا ))

    ولكن يظن بعض العلماء أن سبب حبهم للنعجه هو أنها ((طيبه وبنت حلال وكانت بتحب تتمسح ف اى حد زى القطه الجربانه ))


    نعجة الفراعنة
    تصور بعض العلماء لشكل نعجه ألفراعنه قديما



    المهم غابت وغابت نعجه الفراعنه أيام وأيام وأيام (يعنى حوالى 3 أيام كده )

    ثم عادت ولكن يااااال المفاجأه ............


    فلم تكن النعجه بمفردها أو بمعنى أصح ليست بحجمها ألطبيعى


    تثاقلت خطواتها اللتى كانت فى منتهى الرشاقه
    وتختخت جوانبها
    وأمتلأت وجنتاها باللحم والشحم


    تناقل أهل القريه اليوغسلافيه قصدى الفرعونيه ألخبر فيما بينهم وأشتهرت ألقصه بينهم وكل أحد يحكيها يزيد عليها

    الكثير من الأكاذيب مثل : ــ


    بتقولك يا ختى أتجوزت جدى غنى أوى أوى وبعدين طلقها ورماها ف الشارع

    ومثل :_

    ياختى أسكتى ربنا يستر على معيزنا دول بيقولو أنها أتجوزت عرفى وطفشت مالبلد عشان خافت مالفضيحه

    واللى تقول :ـ

    يختى ربنا يبعد عننا المرض دول بيقولو أنها عندها أنتفاخات جامده أوى ولازما يعملولها عمليه خطيره أوى مابتتعملش ألا ف نيجيريا



    تكاثرت الأقاويل حول النعجه وسبب تختختها وفى هذا الوقت القصير ( 3 ايام بس دا ميرضيش ربنا )



    ذهب البعض لأنها والعياذ بالله وقعت ف المحظور ويجب ذبحها وسلخها وبيع لحمها بالكيلو وممبارها بالمتر عقابا لها على فعلتها



    وذهب البعض ألى أنها ذهبت ألى أرض بعيده جدا يوجد بها خير وأهلها كرماء جدا وأن ( أللى جرالها ده من كتر الأكل ياعينى)

    وكبرت هذه الفكره فى نافوخ بعض الشباب وقرروا الذهاب فى رحلات أستكشافيه للعثور على هذه الأرض الغزيره الخير

    اللى بيروحلها العطشان يرجع فطسان ( من كتر الشرب يعنى ) طمعا فى هذا الخير الغزير وهذا الأكل الكثير



    وذهب البعض الى أن هذه النعجه مصابه بمرض خطير يجعلها بهذا الشكل أو أنها ( عندها ميه ع المعده ) ولازما يعملولها عمليه ويخرموا بطنها ويصفو الميه دى قبل مالنعجه تنفجر


    تكاثرت الأقاويل جدا ومرت الأيام والشهور والسنون وهى على حالها

    واختلفت تعاملات أهل ألقريه مع هذه المسكينه

    فمنهم من كان يطعمها رأفه بحالها

    ومنهم من كان يبتعد عنها خوفا منها لربما كانت مريضه فتعدى نعاجه

    ومنهم من عاملها بقسوه وشتمها وهزئها ورماها بعلب البيبس



    وكان ألجميع يتسائل...

    طب لو حامل مابتولدش ليه ؟؟ .....

    ولو عيانه مابتموتش ليه ؟؟ .....

    ولو تخينه العيال أللى راحو رحله استكشافيه دول مارجعوش تانى ليه ؟؟

    حد يسأل عنهم برضه ياجماعه



    وذهبت طائفه مخبوله ألى تقديس هذه النعجه وصنع بعض التماثيل لها وتقديم قرابين سنويا لها (عشان ترضى عنهم ست المبروكه)







    7 7 7 77 7 77 7 7




    tohamy

    والى هنا مسح تهامى دموع عينيه ونظر ألى وديع قائلا بصوت خافت : أيووووووووووه كده يا وديع هى دى ألافلام ولا بلاش يا وديع

    خد أعمل ده

    white 10



    نعجة الفراعنة

    أستااااااااااااااذ




    السنه أللى قتلنا فيها صراع الأفيال

    أنتجنا ((نعجه الفراعنه ))


    تعجه الفراعنه أتصور بكاميرتين سينما وكاميره موبايل ....

    نعجه الفراعنه حقق 70 جنيه ونص أيرادات .....



    ف منتدى جيم فلاش ام المنتديات

    افلام هندى ام العربى والاجنبى


    انا عملت سيرش يارب المو ضوع ما يكون مكرر





    التعديل الأخير تم بواسطة Jaguar007 ; 04-04-2010 الساعة 01:58 PM

  2. #2
    صديق المنتدى
    الصورة الرمزية هشام الرميحي

    الحالة
    متواجد
    تاريخ التسجيل
    Apr 2008
    الدولة
    Hosh `Isa, Al Buhayrah, Egypt, Egypt
    العمر
    35
    Sonork
    100.1608523
    Phone
    nokia 5800 x m
    المشاركات
    12,640
    الشكر
    35,199
    شُكر 31,658 فى 11,580 مشاركة
    تم تذكيره فى
    0 مشاركة
    تمت الاشارة اليه فى
    28 مواضيع
    معدل تقييم المستوى
    921

    افتراضي رد: نعجة الفراعنة

    تصدق انا صدقت بجد
    تسلم ايدك يا ريمووووووووووووو
    التعديل الأخير تم بواسطة هشام الرميحي ; 04-04-2010 الساعة 02:05 PM

  3. #3
    .: جيماوي متالق :.
    الصورة الرمزية 3laa_GEM

    الحالة
    غير متواجد
    تاريخ التسجيل
    Feb 2010
    الدولة
    الاسكــندريـــــGemــــــه
    Phone
    nokia n96
    المشاركات
    1,562
    الشكر
    10,714
    شُكر 1,698 فى 806 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    96

    افتراضي رد: نعجة الفراعنة

    اقتباس المشاركة الأصلية كتبت بواسطة هشام الرميحي مشاهدة المشاركة
    تصدق انا صدقت بجد
    تسلم ايدك يا ريمووووووووووووو
    يا بنى دى مش نعجة الفراعنه

    دى بقرة الفراعنه

    ههههههههههههههه


الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •