كيفية البحث داخل المخطط
سيتم ارفاق برنامج ادوب ريدر فى نهاية الموضوع
طيب ازاى اقدر احدد دايرة معينة على المخطط ثم البورة والقطع المكونة للدايرة دى واكتشاف التالف منها واستبداله او اكتشاف قطع فى مسار ما ؟
فى الصورة اللى فاتت علمنا على الادوات اللى بنستخدمها فى الادوب ريدر
البحث عن القطعة برقمها او اسمها
التكبير والتصغير
ثم التصفح والانتقال من صفحة لاخرى داخل المخطط
ناخد مثال بسيط على جهاز 1110كمثال فقط لانه جهاز بسيط ومناسب كبداية
وناخد على سبيل المثال دايرة الشحن
اولا انا عارف مكان سوكة الشحن موجود نشوف الصورة دى الاول وموضح فيها مكان تراكات الشحن
دة شكل لبورد 1110 واخواتها
طيب هنقوم بمقارنتها مع الرسم الهندسى للبورد الموجود على المخطط علما بان التراكات والنقاط النشطة على البورد دائما ما تكون عبارة عن كروسات حمرا وتاخد الرمزj
وزى ماشوفنا البورد داخل المخطط لها شكلين
الشكل الحقيقى للبورد واللى بنشوفه دايما
واخر رسم او شكل تخطيطى
والشكل التخطيطى بيكون مقسم البورد مربعات بتاخد ارقام راسيا وحروف افقيا عشان لما ادور على اى قطعة الاقيها بسهولة كالتالى
شوفنا دلوقتى شكلين للبورد تعالى نطابق الاتنين
هنلاقى ان مكان الشحن هنا اسمه
j2010
و
j2012
'طيب هنعمل بحث باى واحدة منهم فى المكان المخصص للبحث
الريدر هيروح بيك لمكان التراكة اللى انت بتدور عليها وهيعلم عليها ويحطهالك داخل مربع لكن مش على البورد لا هيجيبهالك داخل الرسم الهندسى عشان نقدر نعرف القطع المتصلة بها كالتالى
ثم نقوم بتتبع المسار
ونفتكر مع بعض ان ده مجرد مثال ممكن يتعمل على اى دايرة فى المخطط
المهم هنكمل نتتبع باقى المسار لايجاد القطع الواقعة على المسار كالتالى واللى هنلاقيها فى الاخر تصل لليو ام
طيب انا دلوقتى عرفت ارقام القطع دىواللى هيا على الترتيب
f2000
l2000
v2000
c2007
بس مش عارف مكانها فين على البورد اعمل ايه
نرجع تانى للبحث فاكرينه طبعا
ونحط رقم القطعة
ملحوظة رقم القطعة فى البحث هيظهر معاك مرتين
مرة على الرسم التخطيطى للدواير
ولو دوست enter تانى هيجيبلك رقم ومكان القطعة على البورد
واحنا اتفقنا ان شكل البورد بيكون متقسم مربعات افقيا حروف وراسيا ارقام نشوف الصورة دى
واللى بتوضح المكان اللى موجودة فيه القطعة
ثم نبدا العمل على البورد بقياس المسارات
بداية من التراك انتهاء الى اليو ام
قد تكون احد المسارات غير متصلة او الفيوز لا تعمل او هناك على سبيل المثال شورت بين تراكات الشحن فى هذه الحالة نقوم ايضا ومن على المخطط بايجاد القطع الواقعة على المسار والمنتهية الى ارضى ففى حالة تلفها فانها تسبب شورت
وهكذا يتم تتبع المسارات للدوائر ايا ماكانت
كاميرا او باور سماعة او مايك او حتى سينسور باور اى دايرة ممكن تتخيلها
المهم انى ابقى عارف البداية دايما
والبداية دائما واضحة لو كام هبدا من الكام
السماعة هبدا من السماعة
وهكذا
وبمعرفة المسار اين يبدا واين ينتهى من السهل جدا ان انت تعرف
كيفية التعويض عن اى فقد لاى قطعة الكترونية او فقد احد اطرافها
منها على سبيل المثال وزى ماحنا فى 1110 فقد الكويل الخاصة بالمايك 1110 كلنا عارفين البريدج ده
لكن بافتراض ان المقاومة اللى انا سحبت منها البريدج مش موجودة
المفروض اعمل ايه اقف ؟
ادور على حد تانى حل المشكلة دى
طيب هو انا مقدرش اعمل تعويض عن اى فقد لاى نقطة زى فقد المقاومة المبينة فى الصورة التالية ؟
لا طبعا نقدر وبكل سهولة كمان باستخدام المخطط والبحث عن الدايرة وتتبعها
ومعرفة اذا ماكانت المقاومة تقطع المسار ام لا
وان كانت تقطع المسار يبقى ادور على مصدر التغذية اللى هيا بتاخد منه واسحب منه بريدج
خلينا ناخد الصور دى كمثال
دى صورة تعويض لفقدان الكويل الخاص بالمايك
طيب هو اللى حلها ده حلها ازاى ؟
اقوللك ببساطة استخدم المخطط كالتالى
انا عارف تراكات المايك فين وعرفت خلاص رمز واسم المايك على المخطط
طيب اعمل ايه
افتح المخطط
وفى المكان المخصص للبحث اكتب microphone ولو انت عايز تستسهل اكتب b
لحد مايعلملك على رمز المايك اللى سبق عرفناه من الاستاذ احمد فى أول صورة فوق فاكرينها ؟
واقوم بتتبع المسار وايجاد القطع الواقعةى على نفس المسار والتى تصلح كمصدر تغذية ممتاز
تخيل بدل مانا بعتمد على بريدج من صورة جاهزة انا ممكن اكتر من حل وحيد
طيب نروح للرسم التخطيطى للبورد ونشوف كمية التعويضات الى ممكن تتعمل كدة
تخيل كمية التعويضات اللى ممكن تتاخد
بص بس متستغربش
وهكذا
المخططات بحر واسع جدا جدا
لغاية ماتبقى حريف مخططات وايجاد مسببات الاعطال وكل ده بفضل الله ثم مجهودك والمخطط اللى بقول تانى انه المفتاح لايجاد العطل وحله اذا كان عن طريق تعويض او اى شئ
ولك ان تتخيل ان المصنع
اداك التليفون واداك رسم له
يعنى ممكن تعمل اى حاجة فيه
تعوض فولتات من مكان لمكان
على سبيل المثال سينسور الباور بتنحصر مهمته فى اخراج فولت معين لتشغيل الجهاز
طيب السينسور عندى مش شغال
بروح للمخطط وبعرف هوة بيطلع فولت كام والفولت ده بيروح فين
وببدا اعوض بفولت مقارب او مساو له ووضعه على نفس المسار
من غير صور جاهزة لا دا انت لوحدك بتقدر تعمل كدة بتوفيق من الله ثم تشغيل الدماغ على المخطط مرفق مع الموضوع
برنامج ادوب ريدر
حمل من هنا
AdbeRdr812_en_US.rar
وهذا برنامج للمتميز دائما استاذنا احمد تحسين
المخططات.rar
اه على فكرة انا مكملتش دايرة الشحن بمعنى خرج الشجن من اليو ام وحتى مجسات البطارية عايزك انت تكملها
ممكن تبدا من الريش او من اليو ام زى ماتحب ممكن تعتبروه واجب
انا تحت امر أى عضو فى اى استفسار بشان المخططات
يارب ميكونش الموضوع ولا كاتب الموضوع تقيل على قلبكم
لو عندك اى اقتراح او تعليق او استفسار سيب ردك
raouf
المفضلات