اولا شكرا لمرورك على الموضوع يا درش
ثانيا علشان تعرف انت المفروض تغير ايه او تهيت فين
لازم تقوم بتتبع الدايرة اللى انت بتحاول تصلحها
يعنى على سبيل المثال
انا عندى مشكلة فى كيباد 3110وناخد المثال دة علشان بسيط اوى زى مانتا عارف
بافتراض ان فيه عندى مفاتيح مش بتشتغل
طيب هاعمل ايه
بفرض انى ماعرفش المشكلة فين
اقوم بفك الجهاز وانضفه بالتنر كويس
واجرب ارفع ورقة الكيباد واشتغل تحتها بالجفت يعنى المس الدايرة بالتراكة اللى جوة لو اشتغل يبقى الموضوع نضافة او تغيير لورقة الكيباد
طيب فلنفرض انه ماشتغلش
يبقى ايه العمل وايه الحل ؟
بعمل كالتالى يا سيدى :
بافتح المخطط
واجيب الشكل التوضيحى بتاع البوردة واللى متقسم مربعات
وبجيب اسم المفتاح اللى مش شغال وعادة اللى بيقف بيكون اما صف واما عمود او الاسهم اللى فوق واحد منهم
او كلهم
المهم ان المفتاح دايما بياخد رمز sورقم
زى مثلا s2415
واكتبه فى المكان المخصص للبحث طيب اكتبه كدة وانت معايا فى مكان البحث واللى مكتوب فيه find
هتلاقيه جابلك مجموعة من الدواير ومعلم على واحدة منهم اللى انت كنت بتدور عليها
شايفها ؟
جرب اعمل كدة وانت معايا عشان منتوهش من بعض
هتلاقى الدايرة اللى علملك عليها طالع منها خط اسود امشى معاه شوفه رايح فين هتلاقيه اما الشباك والزيرو والنجمة لو دول واقفين يبقى المسار دة مش تمام
او الشباك والتسعة والسته والتلاتة والكنسلة
تمام لحد كدة
طيب انا همشى ورا المسار اللى فيه المجموعة الواقفة
مع العلم بان المسارين نهايتهم فلتر واحد
امشى بالماوس مع الخط الاسود واعرف ان اى مربع اسود صغير على الخط معناه ان الخط هنا متفرع
واى تقاطع بين خطوط من غير مربع اسود صغير اعرف ان ده حكم الرسم الهندسى مش اكتر لكن مالهمش علاقة ببعض
طيب امشى كدة ورا الخط الاسود اللى عليه المفاتيح بص هتلاقى اخره فين ؟
اخره حاجة كدة اسمها z2400
ده فلتر الكيباد وهوة المسؤل عن الكيباد
بس ياعم انا مش عارف هوة فين على البوردة
اكتب رقمه فى مكان البحث تانى واضغط enter
هايجبلك مكانهفى الرسم
اضغط تانى هيجيبلك المكان على البوردة وهيقولك زى مااتشرح بالصور فى بداية الموضوع موجود فى المربعh4
هاروح على المربع h4 هلاقيه موجود على الرسم التخطيطى للبوردة صغر ياسيدى الصورة هتلاقى نفسك عرفت مكان الفلتر دة فين.........
جمب بيت الخط
طيب اعمل ايه ؟
اسخن عليه واديله هزة خفيفة
اتظبط تمام
ولو ماتظبطش بغيره
فلنفرض انى غيرت 7000 فلتر وهيا هيا اكمل باقى الدايرة بتاعتى بعد الفلتر
هتلاقى فلاتر مفاتيح الصوت غيرتها وهيا هيا
اكمل الدايرة كمان واللى هتلاقى اخرها rab gsm
اللى رقمه d2800واللى هوة اخر الدايرة واللى هوة البروسيسور تسخين مع تحريك مشكلتك تتحل
بفكرك دة مجرد مثال مش اكتر
وتقبل اعتذارى لعدم الاستعانة بالصور غصبا عنى علشان الجهاز فى البيت فيه مشكلة مع الصور مش عارف ايه هيا
وعفوا انى طولت عليك
اخوك رؤووووف
المفضلات