ماشي علي تضيق
طبعا هذه الكلمات اغلبها بالدارجي السوداني (اللهجة السودانية)
نبدأ
كل ما اقول تفيق القاها ماشى على تضيق
إتــواتا (عارض) القـدر خطـواتى وانســد الطريق
ــــــــــــــــــ
تايه فوق عباب افكارى ما قادر اريـق
انقر (اعزف)للطيوف مزمارى حايم فى الفريق
ــــــــــــــ
لازمنى السهر فى ليلى اصبح لى عشيق
وآآه اصلو المصائب غير ماشافت رفيق
ــــــــــ
قلبى وراك حالك ليلو مو (ما) شايف طريق
لا زولاً يقول ياحليلو (مشتاق) لا قلباً شفيق
ـــــــــــــ
غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق
ـــــــــــــــ
آه انا من عوادى زمانى كيف اقدر اطيق
هجرى ولوعتى وحرمانى فوق جرحى العميق
ــــــــــــــــ
من نار الجحيم يا الغالى قلبى حرق حريق
واتبرا الغريب من حالى وابتعد الصديق
ــــــــــــــــ
حتى زمانى وكت الشده فى احلك مضيق
لى زهرة شبابى اتعدا وامتص الرحيق
رد مع اقتباس
.gif)
المفضلات